Fapea Kronikols 9:23 - Buka Blahi Ka Cheke Holo

²³ Kmana king ka nauthoglu igne magnahaghei fara te mei fanomho ka nogna gaoghatho te keli teke nhaꞌa lao God ka nagnafagna mana na.

Fapea Kronikols 9:23 ပူးပေါင်းရင်းမြစ်များ

Jemes 3:17

Nu glepo ulu lahu na, mae ihei te au nogna gaoghatho te keli teke tusu ranghini God na, mana theome tangomana te eni kaisei glepo te diꞌa na. Mana ginauna na au gleale'a baludi kheragna fofodure. Mana au kmu kolho. Nu mana leghuni u puhi farirhiu te keli na. Jaola mana magnahaghei te toghodi naikno te magnahaghei thotoghore. Eghuteuna mana theome vahini naikno te dedei ba naikno te kuma na, nei mana theome chaghini nakarhagna na.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Proveb 2:6

Naugna, Lord ngala nafugna gaoghatho te keli na, eghuteuna chekegna na tusu ranghi nigho u glalase.

Ululahu Kings 4:34

Hatimare mae king ka nauthoglu igne nomho thoutonu eigna nogna famane gaoghatho te keli King Solomon igre, eghuteuna mare ne kurudi keha nodi mae mala tei fanomho ka mana.

Efesus 1:17

Eghuteuna iara toreni God koba, Kmagna noda Lord Jisas Kraes, mala tusu ranghi ghami nogna Tharunga te Blahi na mala tangomana ghotilo te filo glani puhigna God na, nei thofno laseni mana.

Ululahu Korin 12:8

Tharunga te Blahi na tusu ranghini kaisei naikno glalase te mala toutonuni chekegna God na ka gaoghatho te keli, eghuteuna ka keha naikno na tusu ranghini nolaghi te mala cheke ka glalase te biꞌo fara mala toghodi naiknore.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Profet Daniel 5:11

Fanomho sagho! Iara laseni kaisei mae glalase au agne ka nou kantri iagho igne. Eghuteuna tharungadi god te blahi igre au ka mana. Ka narane teke kegra funei kuꞌemi King Nebukadnesa ia, mana laseni mae igne au tagna glalase te keli. Eghuteuna nogna gaoghatho nei glalase teure biꞌo fara jateula god eghu. Eghume, kuꞌemu iagho King Nebukadnesa neke vahini mana mala mae funeidi hatimare nogna mae kastom te gnafa nei keha mae glalase teu igre.

Profet Daniel 1:17

God ne tusu lao glalase te keli ka fati mae majaghani igre. Mae igre lase iu'iju nei rioriso eghu ka buka, eghuteuna nodi cheke re thofno keli fara. Aonu God jaola ne tusu lao glalase ka mae Daniel mala rurutha mifi.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Profet Isaia 11:2

Eghuteuna Tharungagna Lord na ginau mei au ka mana mala tusu ranghini gaoghatho te keli nei glalase. Tharunga igne ginauna tusu ranghini mana cheke te keli nei nolaghi mala funei fruni. Tharunga gna Lord na ginauna au balugna mana, mala batuni mana. Eghuteuna Tharunga igne ginauna toghoni king mala laseni unha Lord te magnahagheni te mala laseni mana na, nei mala ghatho tahuni mana.

Ululahu Kings 3:28

Kate nomhini naikno gna Israel eigna puhi te famane fadoglini King Solomon puhi biꞌo farihoteidi phei gaꞌase vine igre, mare ne thofno ghatho tahuni mana. Naugna mare laseni God neke tusu lao ka King Solomon famane gaoghatho te keli mala fate fadoglidi mana naiknore.

Fapea Kronikols 9:22

Ka narane igre, King Solomon thono mae dedei fara salaꞌudi keha king ka nauthoglu igne, eghuteuna jaola thono lalase fara salaꞌudi mare.

Fapea Kronikols 9:24

Leuleghu finogha na mare te gnafa na hata mei namha ka mana, silva, gol, pohe, glepo mala magra, glepo mala ei insens, hose nei dongki.