Fapea Kronikols 9:20 - Buka Blahi Ka Cheke Holo

²⁰ Nogna kapu mala koꞌu King Solomon, mare horo ka gol. Eghuteuna keha glepo te mala ghamu ka Suga biꞌo Gaju gna Lebanon igne, mare horo ka gol kolho. Mare theome eni kaisei glepo ka silva naugna ka naranegna King Solomon igre, te ghathoni mare na silva gne glepo theo nafugna kolho.

Fapea Kronikols 9:20 ပူးပေါင်းရင်းမြစ်များ

Profet Jeremaea 31:5

Ghotilo ginauna joꞌu grep ke kligna thogele Samaria. Eghuteuna ihei te joꞌu grep igne ginauna ghamu sisigna na.

Profet Isaia 2:22

Ghotilo thosei au nomi grouronu kaisei phile ka naikno, naugna mare theome au raugha lehe kolho. Mare theo nafudi kolho eghuteuna theome tangomana nate togho ghami ghotilo.

Nogna Buka Esta 1:7

Eghuteuna kapu te koꞌu waen naiknore igre kmana nafnatadi, neke hohoro ka gol. Ka narane igne, king ne gleale'a fara, aonu mana ne tufa kmana famane waen ka naiknore.

Fapea Kronikols 9:27

Ka narane te king mae Solomon igre, silva na kmana fara Jerusalem jateula te fiti thina ra eghu kolho. Eghuteuna mana edi kmana thaba fara ka gaju sida jateula thua nafnata thaba te kotu tafri kolho ka thogele ra neu.

Ululahu Kings 10:21

Nogna kapu King Solomon igre mare kafe horo ka gol. Eghuteuna keha glepo te edi mare ka suga te kiloni mare Suga Gajugna Lebanon igne mare horo ka gol. Mare theome eni kaisei glepo ka silva, naugna ka narane gna mae Solomon igre, te ghathoni mare na, silva gne glepo theo nafugna kolho.

Matiu 6:29

Nu te chekeni iara ka ghotilo na, sisi are famane khuakhuda fara filodire. Eghuteuna King Solomon, mae ihei teke pipichi pohe te khuakhuda fara tifa na, mana neke theome pipichi kaisei pohe jateula sisi igre neku.

Fapea Kronikols 9:21

Eghuteuna King Solomon au nogna kmana vaka biꞌo, eghuteuna nogna mae gloku mae King Haeram te loku ka vaka igre. Mare tangomana te tei lithui nabagna thilo finogha, vaka igre te pulo mei balu gol, nei silva, nei kheꞌi elefant, nei mongki nei thua nafnata nanghaji.