Fapea Kronikols 9:2 - Buka Blahi Ka Cheke Holo

² Mae Solomon ne cheke tughudi ne gnafa faghusna igre. Theo kaisei glepo te ninhigrana fara ka mana te mala cheke fajifladi gaoghathodi ghusna te edi naꞌa igre.

Fapea Kronikols 9:2 ပူးပေါင်းရင်းမြစ်များ

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Hibru 4:12

Chekegna God na karha nei fodu kau nolaghi. Thono fnonu piepile fara jateula u naflahi kavara eghu. Thono churu tei fara lamna ka gaoghathogna nei karhagna eghu naikno na. Chekegna God na tangomana te ruma te fatedi unha te au ka gaoghathodi nei nagnafadi teu naiknore jateula u naflahi kavara te thono tei lamna farihotei thududi nei nhubragna teu mana re.

Kolose 2:3

Eghuteuna mae Kraes ne tothora ranghidi naikno te gnafare nogna gaoghatho te keli nei glalase eghu God teke au poru funu tifa.

Jone 15:15

Gognarona iara theome kilo ghami ghotilo mae gloku, naugna mae gloku na theome tangomana te laseni gaoghathogna nogna mae funei na. Nu iara kilo ghami ghotilo mae kheragu iara, naugna iara chekedi ka ghotilo gobigna lepo teke chekedi mae Mama ka iara re ngala.

Nonomho Te Keli Teke Risoi Mae Mak 4:34

Mana farirhiudi koba ka cheke naba. Nu kate au sopa teu baludi nogna mae fanomhore mae Jisas rurutha gobigna lepo igre ka mare.

Nonomho Te Keli Teke Risoi Mae Mak 4:11

Mae Jisas ne cheke eghu ka mare, “God neke tusu ari kolho ka ghotilo glalase te mala lase fakelidi thofno glepo te au poru ka nakarha God te funei frunini. Nu iara cheke ranghidi keha naiknore ka cheke naba kolho.

Proveb 18:4

Nogna cheke mae te lalase na fodu ka gaoghatho te keli, nogna cheke mana igre jateula glokha khoꞌu ra eghu.

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Ululahu Kings 4:29

King Solomon au tagna gaoghatho te keli teke tusu ranghini God. Gaoghatho te keli nei glalase teu igre thono biꞌo fara, jateula nusu ka geri thongna ra eghu theome tangomana te kahadire.

Ululahu Kings 3:12

Eghume, iara ginauna eni unha te toreni iagho na. Iara ginauna tusu ranghi nigho kmana gaoghatho te keli nei glalase eghu uludi iheire teke kulu karha ka iagho nei iheire nate karha mei ke leghumu iagho.

Fapea Kronikols 9:1

Kuin gna Seba nomho thoutonu eigna King Solomon, aonu naꞌa mei ne filoni mana Jerusalem. Naꞌa ne fariuriudi nogna famane gaoghatho te keli manare balu ghusna te ninhigrana fara. Naꞌa mei balugna kmana naikno, eghuteuna luja kmana glepo ka nogna kamelire. Naꞌa au glepo te famane sisiri kelidi mala gahu insens, nei thina te famane keli filodire, nei kmana gol fara. Kate mei filoni King Solomon na, naꞌa ghusna ne ghusna ka mana.

Fapea Kronikols 9:3

Aonu Kuin igne ne filo glanidi nogna famane gaoghatho te keli mana re, eghuteuna naꞌa ne filodi nogna suga biꞌo teke edi manare.