Fapea Kronikols 9:18 - Buka Blahi Ka Cheke Holo

^18-19 Sape nafnakno igne au namno step te mala haghe tagna na, eghuteuna nabotho phei mumuju lion te kegra sopa ka phei khukrudi namno step igre. Mare lilisei kaisei glepo pari ke ulu mala tapla king ke kligna gna. Mare edi glepo igre ka gol. Sape nafnakno igne au phei vido mala lilisei khame, eghuteuna phei mumuju lion khegrau jare, kaisei khegra ka keha phile na, eghuteuna kehana kegra ka keha phile na. Theo kaisei king ka nauthoglu igne teke eni kaisei sape nafnakno biꞌo jateula nogna mae Solomon igne teuna.

Fapea Kronikols 9:18 ပူးပေါင်းရင်းမြစ်များ

Thakle 5:5

Nu kaisei mae biꞌo ka khiloau na ne cheke eghu ka iara, “Ghema, thosei tanhi. Filo sagho! Igne lion ka vikegna mae Juda. Mana neke karha mei ka vikegna mae King Devet mala baubatudi vikegna mae Juda, eigna mana la tapla sorudihi nogna naokare kau magra na. Eghume, mana nabagna te hata koko fitu loke igre te mala tothora pepa na.”

Naba 24:9

Ghotilo jateula lion biꞌo te thuru gnafa nogna teu ia eghu. Uve, ghotilo jateula lion gaꞌase gna te thuru iho teu ia eghu. Mare mhaghu te tei mala fadofrani na. Jame kaisei mae fablahi ghami ghotilo, God ginauna jaola fablahini mana. Nu jame kaisei mae tibri ghami ghotilo mala thoke ghami hoholo teuna, God ginauna jaola tibrini mana mala thokeni hoholo.”

Naba 23:24

Naikno igre nheta fara jateula lion biꞌo ra eghu. Uve, mare jateula lion te falehedi keha glepo mhata te mala ghamu nei koꞌu fahui teu dadaradi ra eghu.”

Fapea Kronikols 9:17

Eghuteuna king jaola ne horo kaisei sape nafnakno. Mana sesere sape nafnakno igne ka kheꞌi elefant, nei ka famane gol.