Fapea Kronikols 9:15 - Buka Blahi Ka Cheke Holo

¹⁵ King Solomon hata gol mala horo phia gobi greoreo biꞌo. Tahudi gol malagna kaisei greoreo na namo thokeni fitu kilo.

Fapea Kronikols 9:15 ပူးပေါင်းရင်းမြစ်များ

Ululahu Kings 14:26

Mana hata ne tei gobigna lepo te keli teke au ka nogna Sugablahi Lord na, nei ka nogna suga biꞌo King. Mana hata gobigna lepo igre baludi greoreo teke horo King Solomon ka gol.

Fapea Kronikols 9:14

Kehana teuna mana jaola hata sileni ka takis te folini mana hatimare mae bisnis, nei sileni te mei ka mae bisnis di ka keha kantri delei, nei sileni te hata mana ka king di Arebia, nei ka mae gavana di ka nohigna Israel, mare hata mei gol nei silva eghu ka Solomon.

Fapea Kronikols 9:16

Eghuteuna mana hata gol mala horo thilo gobi greoreo ikodi. Tahugna kaisei na namo thokeni phei kilo. Mana lilisei greoreo igre ke lamnagna Suga biꞌo Gajudi Lebanon.

Eksodas 25:36

Ghotilo tutu famaku thaba te mala lilisei juta baludi sisi nei grege teu igre ka kaisei vido gol kolho.