Fapea Kronikols 8:16 - Buka Blahi Ka Cheke Holo

¹⁶ Aonu gloku te gnafa teke edi mae Solomon igre ari ne gnafa nodi. Glokugna nogna Sugablahi Lord na ne thofno keli fara, funu ka narane teke famamhakugna pari na tei posa ka fahuhuigna gloku na.

Fapea Kronikols 8:16 ပူးပေါင်းရင်းမြစ်များ

Ululahu Kings 6:7

Thina te mala horo gna Sugablahi na la kato togheihi ka vido aheva te dokha mare na. Mare eni igne kate loku mare ka Sugablahi na, theo kaisei naikno te tangomana te loku ka hama, nhirama, sisel, nei keha nafnata glepo igre naugna mare gnafa lokuhi ka thina igre.

Ululahu Kings 5:18

Ka nafnata puhi igre, nodi mae gloku King Solomon ghe mae Hiram igre baludi mae gloku ka namono biꞌo Gebol tarabana thina nei thaba te mala lokugna nogna Sugablahi Lord.

Fapea Kronikols 8:15

Mae pris nei mae Livaet teu igre mare thofno leghudi fara nogna cheke king re ne edi gobigna lepo igre, neuba mare jaola reireghidi chogho mala liliseidi glepo teke tusu ranghini Lord.

Fapea Kronikols 8:17

King ne tei ka phei namono Esion-Geba ghe Elat ka gratha Idom.

Ululahu Kings 6:37

Khotogna Sugablahi igne, mare neke eni ka fapea nhigra ka fafati finogha gna King Solomon.

Ululahu Kings 6:38

Eghuteuna ka fahana nhigra ka nabotho kaisei finogha gna King, mare ne loku fahui Sugablahi igne. Mare horo ne thofno horoghoto ka unha teke ghathoni mana na. King Solomon ne hata fitu finogha te horo Sugablahi igne.