Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Fapea Kronikols 8:14 - Buka Blahi Ka Cheke Holo

14 Mana vavahi keha mae pris mala loku leuleghu narane, leghuni unha teke chekeni mae kmagna na. Eghuteuna mana vahidi mae Livaet mala toghodi hatimare mae pris, mala koje nei mala kilo fnaknoni God. Mana jaola vahidi mae iheire te mala reireghi grengathagna Sugablahi na, leghuni unha teke chekeni mae Devet nogna mae gloku God tifa.

အခန်းကိုကြည့်ပါ။ ကော်ပီ




Fapea Kronikols 8:14
33 ပူးပေါင်းရင်းမြစ်များ  

Igre mae greireghigna Sugablahi teke pulo mei Jerusalem re: Mae Salum, mae Akub, mae Talmon, mae Ahiman, baludi mae kheradire. Mae Salum gne nodi lida mare na.


Kheragna mana re nanghadire, mae Semaea, mae Asarel, mae Milalae, mae Gilalae, mae Mai, mae Netanel, mae Juda, nei mae Hanani, mare tei ke leghugna mana. Mae igre pala glepo mala koje, jateula King Devet nogna mae gloku God tifa ia eghu, mana neke farirhiudi hatimare mae Livaet mala lalahu ka glepo igre. Pris Esra, mae velepuhi gna nogna Vetula God igne, mana tei ke ulugna tothoghei igne.


Eghuteuna jaola ka narane tuare, nanghadi phaꞌu maedi vikegna mae Livaet na igre: mae Hasabaea, mae Serebaea nei mae Jesua thugna mae Kadmiel. Mae igre kegra ka kaisei phile ka Sugablahi na mala koje kilo fnaknoni God, eghuteuna kheradi mae igre, mare kegra ka keha phile na mala cheke tughugna khoje igne balu tegioni mana, leghuni nogna cheke King Devet nogna mae gloku God ranghidi hatimare mae Livaet tifa ra.


Ka narane tuana, mare ne fablahidi mae pris nei mae Livaet mala loku ka nogna Sugablahi Lord igne Jerusalem, leghuni unha te chekeni ka nogna buka mae Moses.


“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.


Ke leghugna igne, God neke hata fadeleini mae King Sol eghuteuna ke vahini mae Devet mala ke mae king tughuni mana. Igne unha teke chekeni God eigna mana na, ‘Iara filo glanini mae Devet thugna mae Jesi. Mae igne ngala nafnata mae te magnahagheni iara na. Mana ginauna na edi gnafa unha mala edi mana teku iara re.’


Kaisei narane nogna tothoghei mae Sekaraea gne te mala loku ka Sugablahi na.


Kate kegra funei mae King Herod Israel na, jare kaisei mae pris nanghagna na mae Sekaraea au ka narane tuana. Mana kaisei mae ka tothoghei mae pris te kiloi mae Abia. Khetogna mana na nanghagna Elisabet, naꞌa jaola neke kaisei naikno ka vikegna mae pris Aron.


Kate tarabanahi gobigna lepo malagna gaghamu igne, hatimare mae pris nei tothoghei mae Livaet teu igre mei ne kegra ka nodi vido re leghuni nogna cheke king.


King Hesekaea ne tufa ka tothoghei hatimare mae pris nei hatimare mae Livaet. Mana tufa ka tothoghei mala edi soasopaigna gloku ka nogna Sugablahi Lord. Mana vavahi keha mala gahu fafara te krono fara, nei fafara te mala au ka pharikeli balugna Lord. Mana vavahi keha mala baubatu ka tharai ka Sugablahi. Eghuteuna mana vavahi keha mala koje balu cheke fakelini Lord.


Glepo igre nate edi tahatire: kaisei tothoghei ka mae pris ra nei ghotilo mae Livaet te mei te eni nomi gloku na ka narane Sabat ra, ghotilo mala reireghi grengatha Sugablahi.


Eghuteuna kate jifla mei mae pris igre ka Chogho biꞌo te Blahi na mare te gnafa na ne fagaedi thedi ka tathagna Lord, neuba mare ne mei ka unha nafnata tharakna.


Mae Devet ne cheke eghu ka mae Solomon, “Gobigna lepo igre au ke lamnagna gaoghatho teke riso soru iara kani teke au ka iara nogna nolaghi Lord. Lord neke tusu mei glalase ka iara eidi glepo te ikodi te au ka gaoghatho igne.”


Kate funu kuekuꞌe farahi King Devet na, mana neke vahini mae Solomon, mae thugna nalhaꞌu na mala king gna Israel tughuni mana.


Mae Heman ghe mae Jedutun phia mae igre mala fiofilodi mae iheire te kufli nei lalahu babuban, nei keha nafnata khoje te mala cheke fakelini God. Eghuteuna mae ka vikegna mae Jedutun igre mare reireghini grengathagna vido blahi igne.


Kate kegra fafara teu mae Jeroboam ka olta na, kaisei nogna profet God ne mei ka mana. Mae profet igne kaisei maegna Juda, eghuteuna Lord neke chekeni mana mala jifla Juda tei Betel.


“Tharunga gna Lord na vahi ghau iara mala chekeni nogna cheke na. Nogna cheke na au ka foflogu iara na.


Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:


King Devet ne vahini mae Asaf baludi vikegna mana re mala baubatu fei tharai ka vido aheva te au nogna Bokis Nhaꞌa Cheke Lord na. Mae igre eni nodi gloku na ka vido igne leghu rane.


Mae Eron au fati thugna nalhaꞌu, mae Nadab, mae Abihu, mae Eleasa nei mae Itama. Eghuteuna mae Nadab ghe mae Abihu gre, phiamare neke kulu lehe neke lehe nga mae kmadi na, eghuteuna phiamare neke theo kaisei thudi nalhaꞌu. Aonu mae Eleasa ghe mae Itama kolho teke pris tughuni mae kmadi na. Eghume mae pris ka tharaknagna mae Eron igre te loku ka Sugagna Lord.


King Devet baludi nodi lida hatimare mae Livaet, mare ne vahini tharaknagna mae Asaf, nei tharaknagna mae Heman nei tharaknagna mae Jedutun mala baubatu ka khoje. Mare neke cheke fakelini God ka gragi nei koje, nei ka belo nei ka thua nafnata gita. Nanghadire igre:


Nanghadi mae iheire te mala reireghigna nogna Sugablahi Lord na igre: Mae Meselemaea thugna mae Kora ka tharaknagna mae Asaf ka tharaknagna mae Kora.


Mae pris nei mae Livaet teu igre mare thofno leghudi fara nogna cheke king re ne edi gobigna lepo igre, neuba mare jaola reireghidi chogho mala liliseidi glepo teke tusu ranghini Lord.


Ke leghu na, King Hesekaea chekedi mae Livaet mala hata nafnata gita nei belo eghu te au ka Sugablahi na leghuni nogna vetula Lord teke chekeni King Devet nei profet Gad, nei profet Natan.


Eghuteuna ghotilo mala tarabana nomi tothoghei ra leghudi vikemi ghotilo ra, eghuteuna ghotilo tei kegra ka nomi vidore jateula teke riorisoni King Devet gne mae thugna mana King Solomon ia eghu.


Mae te mala reireghi igre mare au ka fati philegna Sugablahi na. Kaisei ke maghati, kaisei ke mosu, kaisei ke raru nei kaisei ke mata.


Ka narane te king mae Devet igre, mana magnahaghedi nodi gloku mae pris gre te famane doglo fara, aonu mana ne fofota mae pris igre ka nodi soasopai tothoghei. Eghuteuna Pris Sadok ka tharaknagna mae Eleasa ghe Pris Ahimelek ka tharaknagna mae Itama, phia mae igre ne toghoni mae Devet kate fofotadi mare na.


Eghuteuna mana lilisei mae greireghi ka grengatha gna Sugablahi na, mala tangomana mare te lhotini ihei te theome gae ka tathagna Lord na te ruma lamna na.


Ka narane gaghamu igne, vikegna mae Asaf igre te mala koje na. Mare kegra ka nodi vido na leghuni unha teke chekeni King Devet, nei mae Asaf, nei mae Heman, nei mae Jedutun nogna profet king. Eghuteuna mae te mala reireghigna grengatha gna Sugablahi igne mare theome tangomana te jifla kokoni vido igne, naugna keha mae Livaet gre mare tarabana gano malagna Ghasa-Polho igne.


Mae Matanaea, nei mae Bakbukaea, nei mae Obadaea, nei mae Mesulam, nei mae Talmon, nei mae Akub, mae igre mala reireghi gna chogho te au gobi lepogna Sugablahi te au namo rhedi grengathare.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ