Fapea Kronikols 8:11 - Buka Blahi Ka Cheke Holo

¹¹ Eghuteuna kate gnafa nogna suga biꞌo khetogna mana thugna gaꞌase king gna Ijep, mana hata fajiflani naꞌa ka nogna namono biꞌo King Devet na ne tei au ka nogna suga majaghani biꞌo na. Mana ne cheke eghu, “Theome keli khetogu iara gne te au ka nogna suga biꞌo mae kmagu iara na, naugna vido te au nogna Bokis Blahi Lord igne thono blahi fara, eghume naꞌa theome naba te au agne na.”

Fapea Kronikols 8:11 ပူးပေါင်းရင်းမြစ်များ

Ululahu Kings 7:8

Ke leghugna chogho mala fate igne, mare au keha suga na malagna King Solomon. Nogna suga mana igne falithui kaisei glalaba. Eghuteuna mare horo kaisei suga malagna khetogna king, thugna king gna Ijep.

Ululahu Kings 3:1

King Solomon ne eni kaisei nhaꞌa cheke balugna king gna Ijep. Te mala rheta fakeligna nhaꞌa cheke igne, King Solomon ne tolaghi ka thugna gaꞌase king. Mana hata gaꞌase igne ne tei au Jerusalem ka namonogna Devet ne ghilei gnafa nogna suga na, nogna Sugablahi Lord na, nei bara thina te falithuini Jerusalem.

Ululahu Kings 9:24

Eghuteuna kate gnafa nogna suga biꞌo thugna gaꞌase king gna Ijep igne, mae Solomon ne hata fajiflani naꞌa ka nogna namono biꞌo mae Devet na mala tei au ka nogna suga na. Ke leghu igne mana ne fafodu glose ka kaisei vido rhegna thogele ke lamna Jerusalem.

Fapea Pita 1:18

Ghetilo themi neke nomhini naogla igne neke mei funu kligna kate au ghetilo balugna mae Jisas ka thogele blahi na.

Profet Esikiel 21:2

“Maegna ka nauthoglu. Filo tei Jerusalem mala nhaꞌa soru chekemu na ka vido blahi te tarai naikno are, eghuteuna cheke faheta eghu ranghini Israel,

Eksodas 29:43

Ka vido igne iara ginauna thafodi naiknodi Israel. Eghuteuna nogu nolaghi biꞌo iara na ginauna agha soru ka vido igne mala fablahini.

Eksodas 3:5

Aonu God ne cheke eghu ka mana, “Moses, thosei mei namo agne! Hata koko nou sadol are, naugna glose te kegra teu iagho igne blahi fara!