Fapea Kronikols 7:9 - Buka Blahi Ka Cheke Holo

⁹ Mare eni gaghamu igne naba fitu narane mala fablahigna olta na, eghuteuna naiknore neke au fapulo nabagna fitu narane ka Gaghamu gna Narane biꞌo te mala Au ka Grorofe Ikoi igne. Eghuteuna ka fahana gna narane gaghamu na, mare ne loku fodu mala bobothogna gaghamu igne.

Fapea Kronikols 7:9 ပူးပေါင်းရင်းမြစ်များ

Levitikas 23:36

Eghuteuna leuleghu narane te tei thoke ka fafitu narane na, ghotilo mala eni kaisei fafara mala tusu mei ka iara jateula kaisei glepo blahi eghu ka iara Lord. Ka fahana narane na, ghotilo mala kafe mei mala kilo fnakno ghau iara, nei mala ke eni kaisei fafara mala tusu mei jateula kaisei glepo blahi eghu ka iara. Igne narane mala kilo fnakno ghau iara, eghuteuna blahi te mala eni ghotilo kaisei gloku tagna na.

Profet Joel 1:14

Kilo fodu meidi naikno ra mala cheke faheta ranghidi mala thosei ima kaisei gano. Uve, kafe kilo meidi mae mala baubatu nei naiknodi Juda teura mala kafe mei ruma haghe ka Suga gna Lord noda God mala tanhi ka mana.

Nehemaea 8:18

Eghuteuna leuleghu narane, funu ka narane gaghamu ululahu te posa ka narane leghu lahu na, mae Esra ne iuꞌiju ka nogna Vetula God. Naiknore ne eni nakhapru biꞌo igne nabagna fitu narane, eghuteuna ka fahana narane na, mare khapru ne tarai leghuni unha te chekeni ka Vetula na.

Fapea Kronikols 30:23

Aonu mare ne kaisei gaoghatho mala ke eni gaghamu igne keha fitu narane. Mare neke eni gaghamu igne balu glealeꞌa.

Ululahu Kings 8:65

Aonu King Solomon nei naikno te gnafa Israel igre ne ei gaghamu biꞌo eigna grorofe, mare ne eni gaghamu igne fitu narane. Eghuteuna ke leghugna igne mare neke eni gaghamu igne nabagna keha fitu naranei. Ka narane igre kmana naikno fara te mei funu ka namono ke raru Lebo-Hamat, tei posa ka khoꞌu ikoi ka nohi ke mata Ijep.

Diutronomi 16:8

Nabagna keha namno narane ka gaghamu na ghotilo mala ghamu bret te theo isi gna na. Aonu ka fafitu narane na, ghotilo mala ghamu fodu mala kilo fnaknoni Lord, nomi God. Eghuteuna ka narane tuana ghotilo thosei loku.”

Naba 7:10

Kate fablahi te gnafa mae Moses olta na, mae lida te gnafa re ne atha ne mei keha nodi glepo mala fafara re ka mana mala fablahi ke ulugna olta na.

Fapea Kronikols 7:10

Igne ka fafitu nhigra gna finogha. Eghuteuna ka varadaki thiloi gna nhigra igne, king neke kuru fapulodi naiknore mala ke tei ka namonodi re. Mare te gnafa na ne thofno glealeꞌa fara, naugna mare laseni Lord na neke thofno keli fara ranghini King Devet, nei King Solomon, nei jaola ranghidi naiknodi Israel.

Eksodas 29:37

Iagho eni igne ka olta na nabagna fitu narane, eghuteuna olta igne ginau na thofno blahi fara. Eghuteuna jame te lao kaisei naikno ba kaisei glepo te habo ka olta igne na ginau na jaola blahi.”

Ululahu Kings 8:2

Aonu mare ne kafe mei ka King Solomon ka Narane biꞌo te mala Au ka Suga Naota Ikoi na, ka nhigra te kiloni mare Etanim, ka fafitu nhigra ka nodi finogha mare na.