Fapea Kronikols 7:5 - Buka Blahi Ka Cheke Holo

⁵ Mare ne aknu falehe varadaki phei thogha buluka, nei kaisei gobi varadaki thogha sipu malagna fafara igne. Ka puhi igne, king baludi naiknore ne fablahi nogna Sugablahi God igne.

Fapea Kronikols 7:5 ပူးပေါင်းရင်းမြစ်များ

Jone 10:22

Ka nhigra te rifu na mae Jisas ne haghe Jerusalem kau gaghamu ghatho fapulogna narane teke fablahigna Sugablahi Jerusalem.

Profet Maeka 6:7

Jame tusu lao kmana thogha sipu tahati ka mana. Ba? Mana ginauna tangomana te glealeꞌa na? Ba jame atha mei kmana oliv oel tahati ka mana. Ba? Mana ginauna tangomana te glealeꞌa na? Jame aknu falehe tahati thuda teke kulu karha re mala tusu lao ka mana. Ba? Fafara tuana tangomana te folidi nakhiboda tahati re? Thono theo fara!

Profet Esikiel 45:17

King igne ginauna hata mei fafara te thofno krono fara na, eghuteuna fafara ka flaoa ka famane wit, nei fafara teke tofa waen naikno rhegna olta na. Fafara igre ginauna mala Gaghamu Khafa, nei narane Sabat, nei keha narane biꞌo te vavahi iara malami ghotilo naiknomi Israel. King ginauna famei glepo igre mala fafara mala ke doglo naikno na ka tathagu iara na, eghuteuna flaoa ka famane wit, nei fafara te thofno krono, nei fafara te mala laseni te au fakeli naikno na balugu iara. Jame te eni ghotilo igne na, ghotilo naiknomi Israel te gnafa igre ginauna doglo ka tathagu iara na.”

Fapea Kronikols 30:24

King Hesekaea ne falao ka naiknore kaisei thogha buluka nalhaꞌudi nei fitu thogha sipu nei nanigot mala gaghamu. Eghuteuna nogna mae biꞌo mana re falao kaisei thogha buluka nalhaꞌudi nei nabotho thogha sipu nei nanigot. Ka narane tuana, kmana mae pris ne fagaedi thedi ka tathagna Lord na.

Fapea Kronikols 15:11

Ka narane tuana te hata fajifla mare fitu gobi buluka nei fitu thogha sipu nei nanigot ka teke uludi mare ka magra ra. Mare fafara glepo tautagu igre mala tufru soruni Lord.

Fapea Kronikols 5:6

Eghuteuna King Solomon baludi goro mae biꞌodi Israel re ne kafe khapru mei ke ulugna Bokis Blahi igne, eghuteuna mare ne edi kmana fafara ka sipu nei buluka eghu te theome tangomana kaisei naikno te kahadi re.

Fapea Kronikols 2:4

Uve, iara gognarona tarabana mala horo kaisei Sugablahi mala tarai nei tufru soruni eghu Lord nogu God, nei mala gahu insens te famane sisiri keligna fara. Eghuteuna ghehati ginauna fafara bret blahi na ka Lord leuleghu narane, hamerane nei grafi, ka narane Sabat, nei ka Gaghamu Khafa, nei ka keha nogna narane blahi God. Ghehati ginauna gahu fafara ka Sugablahi igne mala ghatho tahuni Lord. Eghuteuna ghehati ginauna eni igne fabrahu leghuni unha teke chekeni Lord.

Fapea Kronikols 1:6

Eghuteuna mae Solomon tei ne kegra rhegna olta bras igne, eghuteuna hatimare mae pris ne gahu kaisei thogha fafara ke kligna gna olta igne.

Ululahu Kronikols 29:21

Ka keha narane na, naiknore ne falelehe kaisei thogha buluka nalhaꞌudi, nei kaisei thogha sipu nalhaꞌudi, nei kaisei thogha sipu ikodi mala gahu faknoro mala fafara. Mare ne fafara waen ka Lord. Eghuteuna mare ne aknu falehe kmana buluka, sipu, nei nanigot mala fafara fagaglana gna te mala au ka pharikeli balugna Lord.

Naba 7:10

Kate fablahi te gnafa mae Moses olta na, mae lida te gnafa re ne atha ne mei keha nodi glepo mala fafara re ka mana mala fablahi ke ulugna olta na.

Fapea Kronikols 7:4

Aonu King Solomon baludi naiknodi Israel igre ne fafara mala tufru soruni Lord.

Fapea Kronikols 7:6

Ka narane tuana hatimare mae pris ne kegra haghe ka nodi vido na ne kufli ka glepo te kiloi trampet. Ka keha phile na hatimare mae Livaet, mare kegra haghe ka nodi vido na ne koje ka gita nei ifu ka glepo teke edi mae King Devet re. Mare ne koje eghu, “Lord na ghatho tahu ghita fabrahu!” Naiknore ne kafe kegra haghe.