Fapea Kronikols 7:20 - Buka Blahi Ka Cheke Holo

²⁰ Jame te eghu ghotilo na, iara ginauna khi fajifla ghami ghotilo ka glose mala nomi ghotilo teku iara igne, eghuteuna iara ginauna tiroguni Sugablahi teke fablahi iara mala pogho soru ghotilo ke ulugu iara teku igne. Eghuteuna naiknodi keha kantri are ginauna cheke faparini nei maꞌeni eghu Sugablahi igne.

Fapea Kronikols 7:20 ပူးပေါင်းရင်းမြစ်များ

Fapea Kings 17:20

Lord ne thono tirognadi fara naiknodi Israel gre ne paradi mare. Eghuteuna mana ne lisa laodi ka khamedi nodi naokare, ghilei leghu lahu na mana theome magnahaghedi mare te mei namo ka mana na.

Diutronomi 28:37

Aonu ka namono aheva Lord nate kuru tei ghami ghotilo tuana, naiknore ginauna tirodi filo ghami, cheke goigoni ghami, nei na nagho ghami eghu ghotilo.

Profet Jeremaea 45:4

Ghema Baruk, Lord na cheke ranghi ghau iara mala toutonu ka iagho nogna cheke mana igne: Iara ginauna paꞌe soru unha teke babana haghe iara igre, nei atha fadelei unha teke joꞌu iara igre, heva heva ka kantri Juda.

Profet Jeremaea 24:9

Iara ginauna na neneidi fara mare, eghuteuna naiknodi keha kantri ka nauthoglu igne ginauna rhana nodi fara ka mare. Iara ginauna khi tafridi, eghuteuna aheva te au mare na, naikno te au ka vido tuana ginauna maꞌedi, cheke fadiꞌadi nei tibridi eghu mala thoke mei puhi biꞌo ka mare.

Ululahu Kings 14:15

Lord ginauna farhani ni Israel mala jateula fora te blele tafri ka nabritha ra eghu. Uve, Lord ginauna khi fajifladi naiknodi Israel mala tei kokoni mare nodi thofno namono te keli teke tusu lao Lord ka kuꞌedi mare tifa ra. Eghuteuna mana ginauna na eni igne mala tei fagaꞌu mare ka keha phile Khoꞌu biꞌo Iufretis. Mana ginauna eni igne, naugna mare ne tarai ka mumuju god gaꞌase Astarot.

Ululahu Kings 9:7

iara ginauna na khi fajifla ghami ghotilo mala jifla ghotilo ka namono teke tusu ari iara ka ghotilo igne. Eghuteuna iara ginauna theome au ka Sugablahi teke fablahi iara mala pogho soruni nanghagu iara na teku igne. Eghuteuna naiknodi keha kantri are ginauna cheke fadiꞌa ghami nei maꞌe ghami eghu ghotilo naiknomi Israel.

Diutronomi 29:28

Lord ne thofno diꞌatagna fara, aonu mana brue fajifladi ka nodi namono re jateula ihei te rathu koko buburu te diꞌa re ka nogna nagare na ia eghu. Eghuteuna koko teidi ka keha kantri delei, aheva te au teu mare tela ghilei mei posa ka narane gognaro gre!’

Profet Jeremaea 31:28

Tifa na iara neke thofno atha fajifladi ka nodi namono re. Iara neke roꞌedi, faparidi, nei goigonidi fara neku. Nu iara Lord ginauna reireghi fakelidi ka narane iara nate babana fapulodi, nei lisei fapulodi jateula mae ihei te joꞌu gano ka nogna nagare ra eghu.” Igne cheke gna Lord.

Nodi Khoje Hatimare Mae Jiu 44:14

Iagho neke eni igne ka ghehati mala jateula kaisei glepo te mala cheke fapari nodini naiknodi keha kantri gre eghu kolho. Mare filo uchu fabrahu ka ghehati ne maꞌe ghami ghehati.

Letas Teke Rioriso Mae Jud 1:12

Kate ei famane gaghamu ghotilo fagaglana gna nomi namha biꞌo na eghuteuna te mei mare me ima fodu balumi ghotilo teuna, mare famamaja ghami ghotilo fara ka puhidi te diꞌare. Ka vido tuare mare ghathodi thedi kolho. Naikno tuare jateula khoveo te pala te mei nuri ia eghu kolho, nu theo kaisei nakhete te mei na. Eghuteuna mare jateula gaju te theome ure kate thoke mei nhigra dira eghu kolho. Eghume mae glokure ginauna na rathu koko naikno tuare mala koko lao ka khaꞌaghi. Mae velepuhi chaichaghi igre jateula gaju tela botohi ia eghu.

Profet Jeremaea 18:7

Jame keha fata iara cheke ka naiknogna kaisei kantri, eghuteuna iara ginauna roꞌe soru nodi namono mare igne, eghuteuna iara ginauna goigonidi mare.

Profet Jeremaea 12:17

Jame te eghu mare na, mare tangomana te mala kaisei ka nogu naikno iara igre. Nu jame te tirodi fanomho nei leghu ghau iara teu mare na, iara ginauna atha fajifladi gnafa mare. Iara Lord te chekeni igne!”

Nodi Khoje Hatimare Mae Jiu 52:5

Nu God ginauna na tapla soru nigho mala theome tangomana iagho teke kegra haghe na. Mana ginauna na loku famaku nigho, nei na khi fajifla nigho ka nou suga na. Eghuteuna mana ginauna na koko soru nigho kau namonodi iheire te au ka glehe ra.

Naba 32:15

Jame te figri tagruni ghotilo mana gognarona, mana ginauna jifla koko ghita tahati ka namono nagou gne, eghuteuna kmana hoholo ginauna thoke ghami ghotilo fabrahu.”

Profet Jeremaea 16:13

Naugna igne, iara ginauna na khi fajifla ghami ghotilo ka kantri igne, eghuteuna ghotilo ginauna tei au ka kantri aheva ghotilo baludi kuꞌemi tifa ra teke theome laseni. Eghuteuna ka namono igne, bongi narane na mare ginauna huhuru ghami ghotilo mala pogho soru ka mumuju, eghuteuna iara ginauna na theome kokhoni ghami ghotilo!’ ”

Profet Jeremaea 22:8

“Ke leghugna igne, naiknodi keha kantri are ginauna mei salaꞌu ka namono igne. Mare na ghusna eghu, ‘Tore, naugna unha si Lord te goigoni famane namono ignea?’

Profet Jeremaea 44:8

Iara diꞌatagu fara ka puhi te tarai ghotilo ka mumuju teke edi themi are, eghuteuna ghotilo gahu insens mala pogho soru ka keha god di Ijep. Ghotilo ginauna goigoni ghami themi kolho. Eghuteuna naikno gna nauthoglu igne ginauna cheke fadiꞌa ghami ghotilo. Naiknore ginauna cheke faparidi nanghami ghotilore mala thoke mei puhi biꞌo ka ghotilo.

Profet Esikiel 7:24

Iara ginauna snakredi mae te diꞌa puhidi ka keha kantri are mala mei hata nodi namono nogu naikno iara re. Eghuteuna mae te nheta fara te fahaehaghedi are, ginauna theo nodi nolaghi. Mae naoka ginauna fachara ka nodi vido mala tarai mare re.

Fapea Kronikols 36:19

Aonu mare ne gnubra nogna Sugablahi God na, balugna nogna suga biꞌo king na, nei keha suga Jerusalem, nei jaola famane glepo te gnafa re. Mare jaola ne paꞌe soru gringni biꞌogna namono Jerusalem te bara te ligoho ka thina na.