Fapea Kronikols 7:2 - Buka Blahi Ka Cheke Holo

² Eghuteuna hatimare mae pris theome tangomana te ruma ka nogna Sugablahi Lord na, naugna naphaegna nogna nolaghi Lord igne ne fodu ne salaꞌui ke lamnagna nogna Sugablahi Lord na.

Fapea Kronikols 7:2 ပူးပေါင်းရင်းမြစ်များ

Thakle 15:8

Ke lamnagna Sugablahi na fodu ka gagahu. Gagahu igne ne mei funu ka God, mae ihei te au nolaghi te biꞌo fara nei nafnakno. Eghuteuna theome tangomana kaisei naikno te ruma haghe ka Sugablahi igne ghilei sala'u ari fitu papara teke hata teke mei fitu engel igre.

Fapea Kronikols 5:14

eghume, mare theome tangomana te edi nodi gloku re, naugna naphaegna nogna nolaghi Lord na ne fodu ka nogna Sugablahi na.

Profet Isaia 6:5

Aonu iara mhaghu nogu fara ne cheke eghu, “Tore! Iara theome nabagu te karha na, naugna cheke te gnafa te jifla mei ka foflogu iara na igre fodu ka nakhibo, eghuteuna iara au baludi naikno te diꞌa igre! Neuba ngau, iara la filonihi King igne, Lord mae ihei te au nolaghi fateote'o.”

Ululahu Kings 8:10

Kate jifla mei mae pris gre ka Chogho Blahi na, kaisei khoveo mei ne fodu ka Sugablahi na,

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Nodi Khoje Hatimare Mae Jiu 26:8

Lord, iara magnahagheni fara te au ka sugamu iagho na, ka vido aheva te au siasiglamu iagho na.