Fapea Kronikols 6:5 - Buka Blahi Ka Cheke Holo

⁵ ‘Funu ka narane teke hata iara nogu naiknore teke jifla mei funu Ijep, te ghilei mei posa gognarogne, iara neke theome vahini kaisei namono biꞌo ka vikegna Israel te mala horo kaisei nogu Sugablahi iara mala tufru soru ghau iara. Eghuteuna iara neke jaola neke theome vahini kaisei mae te mala batu ghami ghotilo na.

Fapea Kronikols 6:5 ပူးပေါင်းရင်းမြစ်များ

Profet Daniel 9:19

Lord, fanomho sagho ka nomi tharai ghehati gre. Lord, hata fadelei sagho nakhibomi ghehati gre. Lord, fanomho mei ka ghehati sagho mala togho ghami. Faghose sagho, thosei ofo mala laseni naiknore te iagho God na. Kate au fakeli nou namono iagho Jerusalem igne nei ghehati nou naikno iagho gre au fakeli langau teuna, ghehati te gnafa na ginauna ghatho tahuni nanghamu iagho na.”

Ululahu Kings 8:16

Mana neke cheke eghu, ‘Funu ka narane teke hata fajifladi iara nogu naikno re Ijep te ghilei mei posa ka narane gognarogne, iara neke theome vahini kaisei namono biꞌo ka nodi vido glose vikegna Israel te mala horo ghotilo nogu Sugablahi iara tagna na, te mala tarai ghotilo ka Nanghagu iara na. Nu Iara neke vahi Devet mala funei frunidi nogu naikno iara Israel.’

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Ululahu Samuel 10:24

Eghuteuna mae Samuel ne cheke eghu, “Igne mae ihei teke vavahi Lord na! Theo kaisei mae ka tahati te jateula mana teuna.” Eghuteuna naiknore ne thagru eghu fabiꞌo, “Iagho king fabrahu tifa tifa!”

Diutronomi 12:11

Aonu ghotilo mala tei hata mei gobigna lepo teke chekedi re ka kaisei vido blahi kolho aheva Lord nomi God teke vahini te mala au nanghagna na jare. Ka vido blahi tuana kolho, te tangomana ghotilo hata te mei glepo teke chekedi iara ka ghotilo ra. Igne fafara te thofno krono na, nei keha nafnata fafara langau eghu, nei kaisei ka fabothodi nomi glepo re, nei kaisei nomi glepo te keli teke nhaꞌa cheke ghotilo te mala tusu lao ka Lord.

Diutronomi 12:5

Nu ghotilo mala filoni kaisei vido blahi kolho aheva Lord nomi God nate vahini te mala au fabrahu nanghagna mana na jare eghuteuna ghotilo mala ghatho tahuni nanghagna mana na. Ka vido blahi tuana kolho

Eksodas 23:21

Ghotilo famane fanomho fakeli nei leghudi eghu unha te chekedi mana re. Te theome leghudi ghotilo unha te chekedi mana re, mana ginau na thono diꞌatagna fara ka ghotilo, naugna iara la tusu laohi ka mana nogu nolaghi na.

Eksodas 20:24

“Ghotilo atha keha glose mala hohoro nogu olta iara. Eghuteuna ka olta igne ghotilo mala fafara sipu, nanigot nei buluka eghu ka vido aheva teke vahini iara ranghi ghami ghotilo te mala pogho soru ranghi ghau na. Jame te eni ghotilo igne ka vido aheva teke vahini iara te mala pogho soru ranghi ghau na, iara ginau na soru mei mala fablahi ghami ghotilo.

Fapea Kronikols 6:4

Aonu mana ne cheke eghu, “Tahati cheke fakelini Lord, noda God tahati maeda Israel. Mana ne eni unha teke nhaꞌa chekeni ka kmagu iara King Devet. Lord neke cheke eghu ka mae Devet,

Fapea Kronikols 6:6

Nu iara vahini Jerusalem namono aheva te mala tufru soru ghau iara, eghuteuna iara neke vahini Devet mala king frunidi nogu naikno iara Israel.’ ”

Fapea Kings 21:4

Mana horo olta ka phei philegna nogna Sugablahi Lord na mala pogho soru ka nathunu. Nu Lord neke cheke eghu, “Nogu Sugablahi iara Jerusalem igne mala pogho soruni kolho Nanghagu iara na.”

Ululahu Kronikols 17:5

Funu ka narane te hata fajifladi iara Ijep kuꞌemi ghotilo tifa ra, te ghilei mei posa gognarogne, iara neke theome au ka suga. Leuleghu fata na iara neke tei tafri baludi mare, eghuteuna iara neke au kolho ka suga tapuale.

Fapea Kronikols 6:20

Iara magnahaghei nigho iagho te filo meini Sugablahi igne hamerane, naublatha nei bongiro. Igne Suga teke nhaꞌa chekeni iagho te mala au Nanghamu iagho na. Jame te eghuna, iara laseni, iagho ginauna nomhini nogu tharai iara na kate tarai ari iara ka vido igne.

Fapea Kronikols 7:16

Iara ngala neke vahini nei fablahini neku Sugablahi teke horo iagho igne. Nanghagu iara na ginauna au fabrahu ka vido igne. Iara ginauna reireghini, eghuteuna iara ginauna ghatho branani fabrahu.

Fapea Kronikols 12:13

Rehoboam thugna King Solomon, mana kaisei mae king gna Juda te kegra heta kate phiatutu kaisei finogha. Eghuteuna mana king nabotho fitu finogha Jerusalem, namono biꞌo teke vahi fadelei Lord ka namono te gnafa Israel mala tarai nei tufru soruni eghu Lord jare. Idogna king na Nama vikegna Amon.

Fapea Kronikols 20:8

Vikegna Ebraham ra neke au ka namono igne, eghuteuna mare neke horo Sugablahi igne mala ghatho tahuni nigho.

Fapea Kronikols 20:9

Lord, jame kaisei puhi biꞌo thokedi mare, mare tangomana te mei tarai ka Sugablahi igne, vido aheva te mala tufru soru nigho. Eghuteuna kate diꞌanagnafa na, mare tangomana te tanhi ari ka iagho na. Eghuteuna neubane magra biꞌo, ba kaisei fogra diꞌa, ba narane grofo, iagho tangomana te nomhidi nei fakarhidi teu mare na.

Fapea Kronikols 30:8

Ghotilo thosei patugama jateula mare eghu. Ghotilo mala faꞌuveni Lord. Eghuteuna mana neke horo nogna Sugablahi na Jerusalem mala blahi fabrahu. Ghotilo mei ka Sugablahi igne mala tarai ka mana, mala theome diꞌatagna mana ka ghotilo.

Fapea Kronikols 33:4

Mana horo olta ka phei glalaba faligohoni nogna Sugablahi Lord. Mare edi olta igre mala tarai ka nathunu. Nu tifa na, Lord neke cheke eghu, “Nogu Sugablahi iara Jerusalem igne, vido mala tarai nei pogho soru ka iara.”

Fapea Kronikols 33:7

Aonu mana lilisei kaisei mumuju ka nogna Sugablahi Lord. Nu Lord neke kulu chekehi ka King Devet nei ka King Solomon, neke cheke eghu, “Ghotilo nabotho phei vikegna Israel ra, ghotilo nogu naikno iara. Ka nomi namono te gnafa ghotilo igre, iara neke vahini Jerusalem mala babana ghotilo nogu Sugablahi iara na, eghuteuna Sugablahi igne vido mala tarai nei pogho soruni eghu fabrahu nanghagu iara na. Eghume ghotilo mei mala pogho soru ka iara.

Esra 7:16

Iagho jaola kafe hata silva nei gol eghu teke salo iagho ka namono te gnafa ka provins Babilonia baludi nodi fafara naiknodi Israel baludi mae pris, teke tufa mare malagna nogna Sugablahi God Jerusalem.

Profet Sekaraea 3:2

Eghuteuna Lord ne cheke faheta eghu ka Satan, “Satan! Iagho au kmu! Iara Lord mae ihei teke vahini Jerusalem mala au iara tagna, iara gognarona cheke ka iagho mala au kmu kolho. Mae Josua gne jateula kaisei gaju te hata fajifla ke lamna khaꞌaghi te theome nhako ra eghu.”