Fapea Kronikols 6:41 - Buka Blahi Ka Cheke Holo

⁴¹ “Lord God, iagho mei au fabrahu ka nou vido iagho igne balugna Bokis Blahi te fakakhana nou nolaghi biꞌo iagho. Lord God, iagho snakredi nou mae pris gre mala filo ari fabrahu ka iagho mala fakarhidi iagho, eghuteuna iagho snakredi iheire te ghatho tahu nigho iagho gre mala kelitadi fara mare ka puhimu iagho te keli igre.

Fapea Kronikols 6:41 ပူးပေါင်းရင်းမြစ်များ

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Ululahu Kronikols 28:2

Aonu King Devet kegra haghe ne cheke eghu ka mare, “Ghotilo thabusiguro nei nogu mavitu teura! Ghotilo fanomho mei! Iara thofno magnahagheni fara te horo kaisei Sugablahi mala lilisei nogna Bokis Nhaꞌa Cheke Lord igne ke lamnagna. Igne vido nate tangomana God nate au tagna na. Eghuteuna iara la tarabanahi gaoghatho te mala horo Sugablahi igne.

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Nodi Khoje Hatimare Mae Jiu 132:16

Iara ginauna na fablahidi gobigna lepo te edi hatimare mae pris are. Naikno gna vido tuana ginauna koje nei eha fabiꞌo eghu, naugna mare ne glealeꞌa fara.

Nehemaea 9:25

Mare magra ne hata namono ringni te lithui ka thina nei glose te thofno keli fara teu igre. Mare neke hata suga te fodu ka famane glepo te keli nei seu teke dokhahi naikno teke au ka namono igne, nei nagare grep, nei nagare oliv, nei keha gaju te ure kmana sisi te keli tadi. Mare ghamu kmana gano fara ne ghilei blokha fara. Eghuteuna leuleghu fata na mare glealeꞌa fara ka glepo teke tusu lao iagho ka mare igre.

Thakle 19:14

Hatimare mae soldia di klignare mare saghe ka hose vegha na tei ke leghugna mana, eghuteuna mare ne pipichi famane pohe te vegha nei siasigla fara eghu.

Thakle 19:8

Mare la tusu laohi ka khupi na pohe keli mala pipichi naꞌa, te vegha nei siasigla fara teuna.” Gaoghathogna pohe te keli igne, glepo te doglo teke edi nogna naikno God re.

Filipae 4:4

Gleale'a koba balugna noda Lord. Uve, iara nake fapea chekei ngala ka ghotilo, gleale'a!

Filipae 3:3

Neubane eghu ngau, tahati nogna naikno God gre thofno laseni gaoghathogna tohi fagaglana. Naugna nogna Tharunga te Blahi God na te togho ghita tahati te mala pogho soru ranghini mana na. Tutuani, tahati gleale'a te kaisei balugna mae Jisas Kraes. Jaola theo kaisei noda fatutuani ka unha te eni ka thinida na.

Galesia 3:27

Ghotilo kaisei balugna Kraes kate apublahi na, eghuteuna ghotilo la funu leghunihi puhigna Kraes na.

Letas Teke Riso Tei Mae Pol Ka Khiloau Rom 13:14

Nu ghotilo loku famaku ka noda Lord Jisas Kraes. Eghuteuna thosei ghatho tahudi glepo te diꞌa te magnahaghei edi thinire.

Letas Teke Riso Tei Mae Pol Ka Khiloau Rom 1:16

Tutuani, iara theome mamajani te toutonuni u Nonomho te Keli na, naugna Nonomho te Keli na nogna nolaghi God mala fakarhidi gnafa iheire te fatutuani ni mana. Ulu lahu na mana fakarhidi naikno Jiu iheire te nomhini igne, eghuteuna ke leghu na mana jaola fakarhidi iheire te theome Jiu.

Profet Sekaraea 9:17

Naiknore ginauna keli nei famane fara eghu! Eghuteuna famane gano nei waen teu ka nodi glose na igre, ginauna mala ghamu nei koꞌu eghu mae nalhaꞌu majaghani nei gaꞌase majaghani teu igre mala rheta thinidi re.

Profet Isaia 61:6

Naikno te gnafa igre ginauna lase ghami ghotilo te nogna pris Lord, eghuteuna ghotilo nogna mae gloku mana. Ghotilo ginauna atha nodi glepo te keli keha kantri are, eghuteuna ghotilo ginauna gleale'a, naugna ghotilo ne khotodi nodi dedei mare re.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Nodi Khoje Hatimare Mae Jiu 110:2

Fufunu Jerusalem te tei posa ka keha vido are, mana ne tusu ari nolaghi biꞌo ka iagho neke cheke eghu, “Iagho na funei frunidi nou naokare.”

Nodi Khoje Hatimare Mae Jiu 65:11

Iagho thofno lolokeli ranghi ghami ghehati ne fabruara kmana gano. Ka vido aheva te tei iagho na iagho tusu mei kmana gano ka naiknore.

Nodi Khoje Hatimare Mae Jiu 65:4

Iheire teke vahidi iagho te ari au ka sugamu na igre thofno keli fara. Mare keli tadi fara kate filodi glepo te keli te au teu ka sugamu iagho na igre, eghume ghehati kelitami fara te ari jare na naugna ghehati magnahaghei te pogho soru nigho nei cheke fakelini eghu nanghamu iagho na.

Josua 3:13

Mae pris igre mare na pala nogna Bokis Blahi Lord mae funeigna nauthoglu igne. Kate soru te kegra mare lamna khoꞌu na, khoꞌu biꞌo te britha igne ginauna na krango, eghuteuna khoꞌu na ginauna na tei au ka kaisei vido kolho te kegra delei jare jateula kaisei gringni biꞌo eghu.”