Fapea Kronikols 6:32 - Buka Blahi Ka Cheke Holo

³² “Naiknodi keha kantri igre ginauna nomhidi thoutonu eimu iagho te au nolaghi biꞌo, nei iagho edi kmana glepo te biꞌo mala togho ghami ghehati. Eghume glahu kaisei maegna ka keha kantri te khaba igre mei mala fafnaknoni nanghamu iagho na, eghuteuna tarai lao ka Sugablahi igne.

Fapea Kronikols 6:32 ပူးပေါင်းရင်းမြစ်များ

Jone 12:20

Keha mae Griki neke haghe la Jerusalem mala tarai ka narane Gaghamu Ghasa-Polho na.

Mae Khuru 2:10

Frijia, Pamfilia, Ijep, ka nohigna Libia rhegna namono Saerini. Keha ka tahati mae Jiu mei funudi Rom kolho,

Jone 10:16

Aonu, keha nogu sipure au ngau ke kosi bara. Iara ginauna na atha mei dila ke lamna bara. Reꞌe ginauna nomhini naoglagu iara na, eghuteuna reꞌe ginauna kaisei bukredi ngala nei iara ngala te mala reireghidire eghu.

Matiu 2:1

Mae Jisas neke karha ka namono Betlehem, ka Provins Judia kau narane teke King mae Herod. Ke leghugna te karha mae Jisas na, keha mae glalase ne mei posa Jerusalem funudi ke maghati.

Profet Sekaraea 8:22

Kmana naikno funudi ka kantri te nheta tulao ginauna mei Jerusalem mala kilofnakno ghau iara Lord. Eghuteuna mare ginauna mei tore ghau iara mala fablahidi.

Profet Isaia 66:20

Mae igre ginauna atha mei kherami ghotilo te au ka keha kantri are mala mei ka nogu Thogele Blahi iara Jerusalem, mala snakre mei naikno igre ka iara Lord jateula kaisei fafara eghu. Mare ginauna atha mei naikno igre ka hose, ka dongki, ka kamel nei ka chariot. Mare atha mei kherami ghotilo igre mala nogu iara. Ghotilo mala jateula te thofno naiknomi Israel te atha te mei ka kharaꞌo gano te gae ka tathagu iara na te mala mei tufa ka iara ka Sugablahi ia eghu.

Josua 9:9

Mare ne cheke eghu ka mana, “Ghehati mei funu ka kaisei kantri te khaba fara. Ghehati nomho kmana thoutonu eigna Lord nomi God ghotilo te edi ka naiknodi Ijep.

Matiu 12:42

Kau narane tuana God ginauna fatedi naikno te gnafare, nakrupe biꞌo gna Siba na kegra haghe mala cheke thakle ghami ghotilo naikno gognaro gre te thono jafra tutuani ghotilo na. Naugna naꞌa neke mei funugna ka namono te khaba fara mala fanomho ka nogna farirhiu te keli mae King Solomon. Eghuteuna te chekeni iara ka ghotilo na, kaisei mae te biꞌo uluni mae King Solomon na auhi agne mala toutonuni chekegna God na!”

Nodi Khoje Hatimare Mae Jiu 89:13

Lord God, iagho ngala te au nolaghi te mala vuavuhadi gobigna lepore! Uve, nou nolaghi iagho na thono biꞌo fara.

Fapea Kings 5:15

Mae Naman baludi nogna mae gloku re neke figri ka mae nogna profet God. Mae Naman tei ne kegra ke ulugna mana ne cheke eghu, “Tutuani fara, gognarona iara laseni, nomi God ghotilo maemi Israel kolho te tutuani na. Eghume, iara magnahaghei nigho iagho te hata namha ikoi igne.”

Fapea Kings 5:8

Mae Elisa, nogna mae profet God igne, mana nomhini nogna cheke mae king igne ne diꞌa nagnafagna ne rerheku nogna pohe na. Aonu mae Elisa ne fatei cheke eghu ka king, “Naugna unha sagho te theome keli tamu ka puhi ignea? Iagho kuru meini mana ka iara agne, eghuteuna iara ginauna falalase ka mana te kaisei mae profet tutuani na au agne Israel.”

Fapea Kings 5:3

Kaisei narane, gaꞌase igne ne cheke eghu ka khetogna mae Naman, “Jame tei filoni mae profet nogu funei iara gne Samaria meuna, mana ginauna tangomana teke fakelini fogra te diꞌa ka thinigna funei na igne.”

Thoutonu Eigna Rut 1:16

Nu Rut ne cheke eghu ka Naomi, “Ido, iara theome magnahaghei te tei koko nigho iagho na, iara gne magnahaghei te tei ngala balumu iagho. Thosei ke kuru fafigri ghau iara. Aheva te tei iagho na, iara na jaola tei jare. Kheramu iagho re mala jaola kheragu iara, eghuteuna nodi God mae Israel te pogho soruni iagho na jaola pogho soruni iara.

Josua 2:9

ne cheke eghu, “Iara laseni Lord na la tusu arihi kantri igne ka ghotilo! Eghuteuna naikno te gnafa ka kantri igne mhaghu nodi fara ka ghotilo gognarona.

Eksodas 13:14

“Nathuꞌu nauriha na, thumi ghotilo re ginau na ghusna eghu ka ghotilo, ‘Unha eghu gaoghathodire si puhi igrea?’ Ghotilo cheke eghu ranghidi, ‘Ghehati neke au sosolo jare Ijep, eghuteuna Lord neke fakarhi ghami ghehati ka nogna nolaghi biꞌo na neke atha mei ghami ghehati agne.

Eksodas 6:6

“Eghume, iagho tei cheke eghu ka naiknodi Israel ra, ‘Iara Lord. Iara ginauna fakarhi ghami ka gloku biꞌo naiknodi Ijep te huhuru ghami mala edi ghotilo teu are. Iara ginauna fasnagli ghami mala theome sneka ghotilo ka naiknodi Ijep. Iara ginauna paradi mare, eghuteuna iara ginauna hata fajifla ghami mala snagla tei ghotilo ka nogu nolaghi biꞌo iara.

Fapea Kronikols 6:31

Ka puhi igne, mare tangomana te mhaghu nigho nei leghuni puhimu iagho na leuleghu narane kate au mare ka namono teke tusu lao iagho ka kuꞌemi ghehati tifa ra.

Nodi Khoje Hatimare Mae Jiu 136:12

Mana hata fajifladi ka nogna nolaghi te biꞌo fara. Mana ne namha ghita tahati tifa tifa.