Fapea Kronikols 6:20 - Buka Blahi Ka Cheke Holo

²⁰ Iara magnahaghei nigho iagho te filo meini Sugablahi igne hamerane, naublatha nei bongiro. Igne Suga teke nhaꞌa chekeni iagho te mala au Nanghamu iagho na. Jame te eghuna, iara laseni, iagho ginauna nomhini nogu tharai iara na kate tarai ari iara ka vido igne.

Fapea Kronikols 6:20 ပူးပေါင်းရင်းမြစ်များ

Nodi Khoje Hatimare Mae Jiu 121:5

Lord ginauna reireghi ghita, nei au baluda eghu.

Nodi Khoje Hatimare Mae Jiu 34:15

Lord na reireghidi iheire te au doglo eghuteuna fanomho ka nodi tharaire.

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Kolose 2:9

Naugna ghotilo laseni, mae Kraes na neke vuhai naikno jateula tahati neku, eghuteuna God nei gaoghathogna fateo te au ka mae Kraes.

Nehemaea 1:6

Lord, filo mei ka iara eghuteuna fanomho mei ka nogu cheke iara nou mae gloku gne. Ka narane nei bongi teu igre iara tarai fabrahu ka iagho malami ghehati nou mae gloku iagho agne Israel. Ghehati naiknomi Israel gre theome gnafa te tapla jafra ranghi nigho iagho na. Iara nei vikegu iara teu igre, ghehati te gnafa na kafe tapla jafra ka nakhibo.

Fapea Kronikols 16:9

Leuleghu fata na Lord filo fabrahu ka vido te gnafa ka nauthoglu igne, eghuteuna mana tangomana te farhetadi naikno te leghuni mana re. Nu iagho theome leghuni mana fabrahu, eghume mae naokare ginauna mei magra ka nou kantri iagho igne.”

Fapea Kronikols 6:6

Nu iara vahini Jerusalem namono aheva te mala tufru soru ghau iara, eghuteuna iara neke vahini Devet mala king frunidi nogu naikno iara Israel.’ ”

Fapea Kings 19:16

Lord! Filo sagho ka unha te thoke ghami ghehati igre. Fanomho sagho ka gobigna lepo te cheke fadiꞌa nigho King Senakerib igre, iagho God mae ihei te karha te tifa.

Diutronomi 26:2

ghotilo mala hata gano saro ulu ka nagare ghotilo are. Ghotilo mala lilisei gano igre ka kaisei kharaꞌo. Aonu ghotilo mala hata tei ka vido blahi teke vahini Lord aheva te mala au nanghagna mana na.

Diutronomi 12:11

Aonu ghotilo mala tei hata mei gobigna lepo teke chekedi re ka kaisei vido blahi kolho aheva Lord nomi God teke vahini te mala au nanghagna na jare. Ka vido blahi tuana kolho, te tangomana ghotilo hata te mei glepo teke chekedi iara ka ghotilo ra. Igne fafara te thofno krono na, nei keha nafnata fafara langau eghu, nei kaisei ka fabothodi nomi glepo re, nei kaisei nomi glepo te keli teke nhaꞌa cheke ghotilo te mala tusu lao ka Lord.

Fapea Kronikols 6:19

Lord, nogu God, fanomho mei ka nogu natanhi nei nogu tharai teu iara nou mae gloku gne. Keli ranghi ghau nei tusu mei ranghi ghau glepo te tore nigho iara gognarogne.

Fapea Kronikols 7:15

Nu iara ginauna reireghi fakelini Sugablahi igne, eghuteuna tharai te edi ghotilo ka Sugablahi igne na, iara ginauna tarabanau kolho te mala nomhi ghami ghotilo na.

Fapea Kronikols 20:9

Lord, jame kaisei puhi biꞌo thokedi mare, mare tangomana te mei tarai ka Sugablahi igne, vido aheva te mala tufru soru nigho. Eghuteuna kate diꞌanagnafa na, mare tangomana te tanhi ari ka iagho na. Eghuteuna neubane magra biꞌo, ba kaisei fogra diꞌa, ba narane grofo, iagho tangomana te nomhidi nei fakarhidi teu mare na.

Nodi Khoje Hatimare Mae Jiu 33:18

Nu Lord na reireghidi iheire te ghatho tahuni nei rouronuni teu nogna namha biꞌo mana na.

Fapea Kronikols 6:5

‘Funu ka narane teke hata iara nogu naiknore teke jifla mei funu Ijep, te ghilei mei posa gognarogne, iara neke theome vahini kaisei namono biꞌo ka vikegna Israel te mala horo kaisei nogu Sugablahi iara mala tufru soru ghau iara. Eghuteuna iara neke jaola neke theome vahini kaisei mae te mala batu ghami ghotilo na.

Fapea Kronikols 6:40

“Nogu God, filo mei fabrahu ka ghehati, eghuteuna fanomho mei ka nomi tharai ghehati te edi ghehati ka vido igne.