Fapea Kronikols 6:18 - Buka Blahi Ka Cheke Holo

¹⁸ “Lord, iagho ginauna na mei au balumi ghehati naiknogna nauthoglu igne sia? Kligna na namono biꞌo fara theome nabamu iagho te au tagna na. Sugablahi te eni iara igne jaola ikoi fara theome nabamu iagho te au tagna na.

Fapea Kronikols 6:18 ပူးပေါင်းရင်းမြစ်များ

Profet Isaia 66:1

Lord ne cheke eghu, “Kligna na nogu sape nafnakno iara, eghuteuna nauthoglu igne nogu vido mala tapla iara phei ghahegu gre. Eghume, ghotilo ginauna horo nogu suga iara na aheva? Aheva nate au nogu vido mala gnafa iara na?

Fapea Kronikols 2:6

Tutuani, theo kaisei naikno te tangomana te horo kaisei Sugablahi te mala au God tagna na, naugna neuba maloa gne ne krepa fara, nu theome nabagna God te au ke lamnagna na. Eghume iara theome nabagu te horo Sugablahi igne, jame vido mala fafara nei mala gahu insens teu igne kolho te nabagu iara te mala tufru soruni mana na.

Fapea Korin 12:2

Iara laseni God hata ghau iara neke haghe kligna ka nabotho fati finogha te liu ra. Iara theome raꞌe laseni jame teke eni tutuani ka thinigu iara na ba neke khogla ka mifi kolho, nu God ngala te laseni na.

Mae Khuru 17:24

“God mae ihei teke hohorogna u nauthoglu thongana igne, nei gobi lepo fateote'o ke lamnagna. Mana te funei frunini kligna nei pari. Eghume, mana theome au ka suga tharai teke hohoro ka khame naikno!

Fapea Kronikols 32:15

Ghotilo thosei snakreni Hesekaea mala chaghi ghami nei batu fadiꞌa ghami jateula tuana eghu! Ghotilo thosei fatutuani ni mana! Theo kaisei nodi god keha kantri are teke fakarhidi nodi naiknore ka nomi nolaghi ghehati na! Iara cheke fadoglo ari ka ghotilo, nomi God ghotilo na theome tangomana te fakarhi ghami ghotilo na!”

Matiu 7:11

Neubane diꞌa jateula unha neu ghotilo, ghotilo tangomana te tusu lao glepo te keli ka thumire. Eghume, jateula tuana eghu mae Kmami ghotilo te au kligna te mae keli fara na. Mana ginauna na tufa glepo te keli ranghini ihei te tore ka mana na.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 68:18

Kate haghe mana ka Thogele Saion na, mana hata ne haghe balugna kmana naikno teke hata mana ka magra re mala tei au jare ka sosolo. Eghuteuna iheire teke huhughuni mana tifa ra ne jaola neke tusu ranghini mana keha namha. Lord God ginauna au ka thogele igne tifa tifa.

Thoutonu Eigna Mae Job 9:14

“Eghume iara mae ihei sia, mala fapholai ka mana? Eghuteuna iara ginauna na chekeni unha mala fateni mana?

Thoutonu Eigna Mae Job 4:19

Ba, na rouronudi Lord naikno teke horo kolho ka glose igre neu sagho ia? Theo! Mana theome tangomana te rouronuni naikno teke jifla mei kolho ka gaughavu na. Naikno na ghosei lehe kolho jateula kaisei sua naꞌalo te aknu falehe naiknora eghu kolho.

Ululahu Kings 8:27

“Lord! Iagho tangomana te mei au ka nauthoglu igne na? Neuba maloa kligna igne ne krepa fara, nu maloa kligna igne theome naba te mala au iagho tagna na. Sugablahi igne ikoi fara theome naba te mala au iagho tagna na.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Matiu 12:6

Tutuani fara, te chekeni iara ka ghotilo na, nu kaisei glepo te biꞌo uluni Sugablahi na auhi agne.

Fapea Kronikols 6:17

Eghume, iagho nomi God ghehati maemi Israel, edi sagho mala thoke mei unha teke nhaꞌa chekedi iagho ra.

Fapea Kronikols 6:19

Lord, nogu God, fanomho mei ka nogu natanhi nei nogu tharai teu iara nou mae gloku gne. Keli ranghi ghau nei tusu mei ranghi ghau glepo te tore nigho iara gognarogne.

Fapea Kronikols 2:5

“Iara ghaoghatho mala horo kaisei famane Sugablahi biꞌo malagna mana, naugna nomi God ghehati maemi Israel igne haghe fara salaꞌudi keha god are.