Fapea Kronikols 6:10 - Buka Blahi Ka Cheke Holo

¹⁰ “Eghume gognarona, Lord na la fathokeni nogna nhaꞌa cheke na. Iara ke tughuni mae kmagu mala king gna Israel, eghuteuna iara horo nogna Sugablahi mana na mala tangomana tahati te tufru soruni Lord, noda God tahati maeda Israel.

Fapea Kronikols 6:10 ပူးပေါင်းရင်းမြစ်များ

Eklesiasti 1:4

Tahati te gnafa na karha mei ka nauthoglu igne, theome raugha tahati lehe. Nu nauthoglu igne theome ke tughu ba filo nhogri, nanaba fabrahu kolho.

Fapea Kronikols 1:1

Solomon thugna King Devet mana kaisei king te thofno nheta fara, naugna nogna Lord God na au balugna mana ne tusu ranghini nolaghi biꞌo.

Ululahu Kronikols 29:23

Aonu mae Solomon neke tughuni mae kmagna na ne kegra king gna Israel. Hatimare goro nogna mae biꞌo mae Devet igre nei hatimare mae soldia te ulu tulao, nei keha thugna King Devet ra teu igre ne kafe nhaꞌa cheke te mala leghuni King Solomon. Mana kaisei mae thofno king keli fara, eghuteuna naikno te gnafa Israel igre ne leghuni mana.

Ululahu Kronikols 29:15

Lord, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na.

Ululahu Kronikols 28:5

Lord neke tusu ranghi ghau iara kmana sua, eghuteuna mana neke vahini mae thugu iara Solomon mala funei frudi naikno te gnafa Israel.

Ululahu Kronikols 17:11

Kate lehe iagho na, mare na giugilu nigho iagho baludi kuꞌemu ra, eghuteuna iara ginauna vahini kaisei mae thumu iagho mala ke king tughu nigho iagho. Eghuteuna iara ginauna toghoni mana mala kegra heta fabrahu.

Ululahu Kings 2:12

Ke leghugna tela lehehi mae Devet igne, mae Solomon neke tughuni mana ka sapegna king. Mae Solomon gne kaisei king nheta fara, theo kaisei glepo tangomana te faparini mana na.

Fapea Kronikols 6:9

nu iagho ginauna theome tangomana nate horo Sugablahi igne. Thumu iagho na ginauna horo Sugablahi te mala fafnaknoni nanghagu iara na.’

Fapea Kronikols 6:11

Eghuteuna jare nate lilisei iara Bokis Blahi na. Ka Bokis Blahi igne te au nogna Nhaꞌa cheke Lord teke eni mana baludi nogna naikno Israel.”

Ululahu Kronikols 22:11

Eghuteuna mae Devet neke cheke eghu ka mae Solomon, “Thuguo, Lord ginauna au balumu iagho, eghuteuna mana ginauna togho nigho iagho, mala tangomana iagho te horo nogna Sugablahi mana na, leghuni unha teke nhaꞌa chekeni mana na.