Fapea Kronikols 5:6 - Buka Blahi Ka Cheke Holo

⁶ Eghuteuna King Solomon baludi goro mae biꞌodi Israel re ne kafe khapru mei ke ulugna Bokis Blahi igne, eghuteuna mare ne edi kmana fafara ka sipu nei buluka eghu te theome tangomana kaisei naikno te kahadi re.

Fapea Kronikols 5:6 ပူးပေါင်းရင်းမြစ်များ

Ululahu Kronikols 29:21

Ka keha narane na, naiknore ne falelehe kaisei thogha buluka nalhaꞌudi, nei kaisei thogha sipu nalhaꞌudi, nei kaisei thogha sipu ikodi mala gahu faknoro mala fafara. Mare ne fafara waen ka Lord. Eghuteuna mare ne aknu falehe kmana buluka, sipu, nei nanigot mala fafara fagaglana gna te mala au ka pharikeli balugna Lord.

Fapea Samuel 6:13

Kate pala te funu nolo mae te palare, mae Devet ne chekedi mare mala ofou katha vido. Aonu mana ne aknu falehe kaisei buluka nalhaꞌugna, nei kaisei sua buluka te blokha ne fafara ka Lord.

Ululahu Kings 8:5

Aonu King Solomon baludi naiknodi Israel ne khapru ke ulugna Bokis Blahi igne, eghuteuna mare ne edi kmana fafara ka sipu, nei buluka. Eghuteuna theo kaisei naikno tangomana te kahadi sipu nei buluka teu igre naugna kaputudi glepo biꞌo fara.

Fapea Kronikols 5:5

Eghuteuna mae pris ka vikegna mae Livae igre hata ne tei Suga Tapuale te Blahi na baludi keha glepo blahi langau eghu. Mare pala ne tei glepo igre ka nogna Sugablahi Lord.

Fapea Kronikols 5:7

Aonu hatimare mae pris pala Bokis Nhaꞌa Cheke igne ne tei lamna ka Sugablahi na. Mare tei ne lilisei lamna ka Chogho te Thofno Blahi Fara na ke pari baghidi phei mumuju engel igre.