Fapea Kronikols 5:14 - Buka Blahi Ka Cheke Holo

¹⁴ eghume, mare theome tangomana te edi nodi gloku re, naugna naphaegna nogna nolaghi Lord na ne fodu ka nogna Sugablahi na.

Fapea Kronikols 5:14 ပူးပေါင်းရင်းမြစ်များ

Eksodas 40:35

Eghuteuna naugna igne, Moses theome tangomana te ruma ka Suga Tapuale te Blahi igne.

Ululahu Kings 8:11

eghuteuna mare ne theome tangomana te eni nodi gloku na, naugna siasiglagna nogna nolaghi biꞌo Lord na ne fodu ka nogna Sugablahi na.

Fapea Kronikols 7:2

Eghuteuna hatimare mae pris theome tangomana te ruma ka nogna Sugablahi Lord na, naugna naphaegna nogna nolaghi Lord igne ne fodu ne salaꞌui ke lamnagna nogna Sugablahi Lord na.

Thakle 15:8

Ke lamnagna Sugablahi na fodu ka gagahu. Gagahu igne ne mei funu ka God, mae ihei te au nolaghi te biꞌo fara nei nafnakno. Eghuteuna theome tangomana kaisei naikno te ruma haghe ka Sugablahi igne ghilei sala'u ari fitu papara teke hata teke mei fitu engel igre.

Profet Esikiel 10:4

Eghuteuna siasiglagna nogna nolaghi biꞌo Lord na ne tugha haghe funu ka engel igre, eghuteuna ke tugha tei ke kligna grengathagna Sugablahi na. Eghuteuna khoveo igne ne thafru Sugablahi na, eghuteuna nogna nolaghi biꞌo Lord na ne siasigla fabiꞌo fara ke lamnagna glalaba tuana.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Eksodas 29:43

Ka vido igne iara ginauna thafodi naiknodi Israel. Eghuteuna nogu nolaghi biꞌo iara na ginauna agha soru ka vido igne mala fablahini.

Fapea Kronikols 7:1

Kate gnafa tarai King Solomon igne, khaꞌaghi na ne soru mei funu kligna ne ghamu fateo fafara teke edi naiknore. Eghuteuna naphaegna nogna nolaghi Lord na ne fodu ka Sugablahi na!

Fapea Kronikols 20:6

Mana ne tarai eghu: “Lord, nodi God kuꞌemi ghehati ra, iagho au kligna eghuteuna iagho funei frunidi kantri te gnafa ka nauthoglu igne. Iagho nheta fara, nei iagho au nolaghi fateote'o. Theo kaisei naikno tangomana te ulu nigho iagho na.