Fapea Kronikols 5:12 - Buka Blahi Ka Cheke Holo

¹² Eghuteuna mae Livaet te gnafa igre pipichi famane pohe vegha, eghuteuna mare kegra rhegna olta na fei ke maghati. Mae te koje igre, Asaf, mae Heman nei mae Jedutun, nei thudire baludi kheradi re. Mare lalahu ka belo nei thua nafnata gita, eghuteuna kaisei gobi varadaki pris jaola ifu ka khufli.

Fapea Kronikols 5:12 ပူးပေါင်းရင်းမြစ်များ

Nodi Khoje Hatimare Mae Jiu 68:25

Mae te koje re tei ke leghumu iagho, eghuteuna ke leghudi mare na hatimare mae nifu. Aonu goro gaꞌase ne koje falithuidi mare ne ruma ka Sugablahi na re.

Fapea Kronikols 29:25

Ke leghu na, King Hesekaea chekedi mae Livaet mala hata nafnata gita nei belo eghu te au ka Sugablahi na leghuni nogna vetula Lord teke chekeni King Devet nei profet Gad, nei profet Natan.

Fapea Kronikols 7:6

Ka narane tuana hatimare mae pris ne kegra haghe ka nodi vido na ne kufli ka glepo te kiloi trampet. Ka keha phile na hatimare mae Livaet, mare kegra haghe ka nodi vido na ne koje ka gita nei ifu ka glepo teke edi mae King Devet re. Mare ne koje eghu, “Lord na ghatho tahu ghita fabrahu!” Naiknore ne kafe kegra haghe.

Ululahu Kronikols 23:5

Eghuteuna fati thogha mae mala reireghigna Sugablahi. Eghuteuna fati thogha mae mala cheke fakelini Lord ka thua nafnata khoje mala cheke fakelini nanghagna Lord. Iara neke edi thua nafnata khoje igre neke tusu lao ka mare.”

Ululahu Kronikols 6:39

Mae Asaf gne neke kheragna mae Heman, eghuteuna kate loku ka Sugablahi na, mana kegra fei nheta gna mae Heman mala toghoni mana ka khoje. Mae Asaf gne neke karha ka vikegna mae Geson, eghuteuna kuꞌegna mana re igre: Mae Asaf gne neke thugna mae Berekaea. Mae Berekaea gne neke thugna mae Simea. Mae Simea gne neke thugna mae Maekol. Mae Maekol gne neke thugna mae Basea. Mae Basea gne neke thugna mae Malkaeja. Mae Malkaeja gne neke thugna mae Etni. Mae Etni gne neke thugna mae Sera. Mae Sera gne neke thugna mae Adaea. Mae Adaea gne neke thugna mae Etan. Mae Etan gne neke thugna mae Sima. Mae Sima gne neke thugna mae Simei. Mae Simei gne neke thugna mae Jahat. Mae Jahat gne neke thugna mae Geson. Mae Geson gne neke thugna mae Livae.

Ululahu Kronikols 6:33

Igre mae te mala hulu khoje re: Mae Heman, mae ihei teke karha ka vikegna mae Kohat. Eghuteuna susureigna mana na neke funu mei ka kmagna mae Joel, thugna mae Samuel. Mae Samuel gne neke thugna mae Elkana. Mae Elkana gne neke thugna mae Jeroham. Mae Jeroham gne neke thugna mae Eliel. Mae Eliel gne neke thugna mae Toha. Mae Toha gne neke thugna mae Suf. Mae Suf gne neke thugna mae Elkana. Mae Elkana gne neke thugna mae Mahat. Mae Mahat gne neke thugna mae Amasaea. Mae Amasaea gne neke thugna mae Elkana. Mae Elkana gne neke thugna mae Joel. Mae Joel gne neke thugna mae Asaraea. Mae Asaraea gne neke thugna mae Sefanaea. Mae Sefanaea gne neke thugna mae Tahat. Mae Tahat gne neke thugna mae Asiri. Mae Asiri gne neke thugna mae Ebiasaf. Mae Ebiasaf gne neke thugna mae Kora. Mae Kora gne neke thugna mae Isaha. Mae Isaha gne neke thugna mae Kohat. Mae Kohat gne neke thugna mae Livae. Eghuteuna mae Livae gne neke thugna mae Israel.

Thakle 19:8

Mare la tusu laohi ka khupi na pohe keli mala pipichi naꞌa, te vegha nei siasigla fara teuna.” Gaoghathogna pohe te keli igne, glepo te doglo teke edi nogna naikno God re.

Thakle 15:6

Aonu fitu engel te hata te mei fitu papara biꞌo leghu lahu igre, mare ne jifla mei ka Sugablahi na. Mare ne pipichi pohe vegha te siasigla fara. Eghuteuna mare jaola ne haru kaisei nhugha teke hohoro ka gol ke paridi baedire.

Nodi Khoje Hatimare Mae Jiu 149:3

Tahati ragi balu kilo fnaknoni nanghagna mana na, tahati belo balu gita mala kilo fnaknoni mana.

Nodi Khoje Hatimare Mae Jiu 88:1

Lord God, iagho nogu God iara mala togho ghau. Ka narane nei ka bongi teuna, iara diꞌanagnafa nei tanhi fabiꞌo eghu ka iagho mala mei togho ghau.

Nodi Khoje Hatimare Mae Jiu 62:1

Leuleghu fata na iara fatutuani ka kaisei God ngala. Eigna kaisei mana ngala te tangomana nate ke hata fapulo ghau iara te mala karha iara na.

Nodi Khoje Hatimare Mae Jiu 50:1

Noda Lord God te thofno nolaghi fara. Mana te kilo meidi naikno te gnafa ka nauthoglu igne funu maghati posa ke mosu.

Ululahu Kronikols 23:30

Eghuteuna leuleghu narane, hamerane nei grafi teuna, hatimare mae Livaet gre mare kegra haghe tegioni Lord nei koje mala cheke fakelini mana.

Ululahu Kronikols 15:27

Ka narane tuana, mae Devet baludi mae Livaet te pala Bokis Nhaꞌa Cheke igne, nei mae iheire te koje igre, nei mae Kenanaea mae ihei te batuni gloku igne ne kafe pipichi famane pohe. Eghuteuna mae Devet jaola ne fahaghe famane phoko te kiloi efod ne jateula mae pris neu.

Ululahu Kronikols 13:8

Eghuteuna mae Devet baludi kmana naikno di Israel, mare nolo ne tei balu ragi fara nei koje fabiꞌo eghu mala cheke fakelini nanghagna God. Eghuteuna mare ne lalahu ka thua nafnata gita, nei nifu, nei belo nei sesele.

Fapea Kronikols 29:26

Aonu mae Livaet igre mare ne tarabana baludi glepo te mala edi khoje teke tusu lao King Devet ka mare tifa igre. Eghuteuna mae pris re jaola ne tarabana nodi khufli re.