Fapea Kronikols 5:10 - Buka Blahi Ka Cheke Holo

¹⁰ Theo kaisei unha nga te au ke lamnagna Bokis Blahi igne, nu phei thina tataba teke lilisei mae Moses tifa ra kolho te au teu jare na. Kani teke jifla mei Ijep mae Moses baludi naiknodi Israel ra, Lord neke eni kaisei nhaꞌa cheke baludi mare ka Thogele Sanai, ka narane tuare mae Moses neke lilisei phei thina tataba ka Bokis Blahi igne.

Fapea Kronikols 5:10 ပူးပေါင်းရင်းမြစ်များ

Hibru 9:4

Ke lamnagna u chogho igne mare lilisei kaisei tevo te hohoro ka gol mala gahu insens ka God, nei kaisei bokis fagaglana gna nogna nhaꞌa cheke God na. U bokis tuana ghiha gol ke kosi. Ke lamnagna bokis na, au phei thabasoa teke riso soru God nogna vetula na. Jaola mare tathaji kaisei botol gol, ke lamnagna botol tuana au katha vido gano gna tifa teke mei funugna ka God te kiloi ‘manna’, nei nogna khodo mae Eron te kotu khakla na au la jare.

Fapea Kronikols 6:11

Eghuteuna jare nate lilisei iara Bokis Blahi na. Ka Bokis Blahi igne te au nogna Nhaꞌa cheke Lord teke eni mana baludi nogna naikno Israel.”

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Diutronomi 29:1

Igre chekegna nhaꞌa cheke teke eni Lord baludi nogna naiknodi Israel. Cheke igre neke cheke mana ka mae Moses kani au teku mare Moab mala toutonu ranghidi naiknore. Nhaꞌa cheke igne neke nhaꞌa lao mae Moses ka nhaꞌa cheke teke eni Lord baludi mare tifa ka Thogele Sanai.

Eksodas 40:20

Moses atha phei thina tataba, teke rioriso Lord ke klignadi Nabotho Vetula igre, eghuteuna mana nhaꞌa lao lamna ka Bokis Blahi na nogna Nhaꞌa Cheke Lord. Eghuteuna mana atha phei gaju mala palagna Bokis Blahi igne ne toghu lao ka ring gna na, eghuteuna mana nhaꞌa lao thotoku gna Bokis igne.

Eksodas 34:1

Lord ne cheke eghu ka Moses, “Iagho sari phei thina tataba jateula teke phei ululahu ra eghu, eghuteuna iara ginauna nake rioriso ke klignadi cheke teke aula ka phei thina tataba teke rurhuja iagho ra.

Eksodas 32:19

Kate mei namo Moses ka vido te au teu naiknore tagna na, mana ne filo teidi naikno te ragi faligohoni teu mumuju buluka teke horo mare ka gol igne, mana thono diꞌatagna fara ne koko soru pari phei thina teke pala teke mei mana igre ne bruja ka phesigna thogele igne.

Eksodas 31:18

Kate cheke te gnafa Lord balugna Moses ke kligna Thogele Sanai, Lord atha phei thina tataba tela riorisohi Nabotho Vetula tadi igre ne tusu lao ka Moses.