Fapea Kronikols 5:1 - Buka Blahi Ka Cheke Holo

¹ Kate loku te gnafa King Solomon gloku te eni ka nogna Sugablahi Lord na igne. Eghume, mana hata silva nei gol nei keha glepo langau eghu teke fablahi kmagna mana King Devet tifa ra ne tei lilisei ka chogho te mala lilisei glepo ka Sugablahi na.

Fapea Kronikols 5:1 ပူးပေါင်းရင်းမြစ်များ

Ululahu Kings 7:51

Kate gnafa king Solomon glokugna nogna Sugablahi Lord igne, mana hata ne mei silva nei gol nei keha glepo teke fablahi kmagna mana, King Devet tifa, ne lilisei ka Sugablahi na.

Ululahu Kronikols 22:14

“Iara neke loku heta fara neke tarabanahi thilo mola fati gobi thogha kilo ka gol, nei tolufulu fati mola kilo silva eghu te au teu te mala horogna nogna Sugablahi Lord na. Eghuteuna iara jaola salo fodu kmana bras nei aean eghu te theo ihei nga te tangomana te skeledi re. Eghuteuna iara jaola la tarabana hi thaba nei thina teure, nu iagho magnahaghei te hata keha glepoi langau eghu.

Fapea Samuel 8:11

Mae Devet hata namha igre ne tusu ranghini Lord. Igne unha te eni koba mana ka gol nei silva teu te hata mana kate uludi nogna naokare.

Ululahu Kronikols 18:11

Aonu King Devet ne fablahidi glepo igre mala nogna Lord. Tuana unha te eni mana ka silva nei gol eghu teke hata mana ka teke uludi mana naiknodi Idom, naiknodi Moab, naiknodi Amon, naiknodi Filistia nei naiknodi Amalek.

Fapea Kronikols 4:22

Eghuteuna glepo mala falehe juta, nei dis mala hata insens, nei sevol mala krisu sisibe khaꞌaghi te phae fabrahu, nei dis mala lilisei dadara buluka ba sipu. Nei gol te toku tafrudi phei grengathagna Chogho te Thofno Blahi Fara na, nei phia grengathagna chogho biꞌogna Sugablahi na.

Ululahu Kings 7:39

Kate edi te gnafa igre, mana ne lilisei glima kat ke mata Sugablahi, eghuteuna glimai ke raru Sugablahi. Eghuteuna mana ne lilisei tangk biꞌo na ka sulukhu gna Sugablahi na ke maghati.