Fapea Kronikols 4:7 - Buka Blahi Ka Cheke Holo

^7-8 Mare edi nabotho glepo mala lilisei juta leghuni unha te ghathoni mare na. Eghuteuna mare edi nabotho tevo. Aonu mare lilisei nabothoi igre ke lamna Sugablahi. Mare lilisei glima glepo mala lisei juta nei glima tevo eghu ke mata, eghuteuna glima glepo mala lisei juta nei glima tevo eghu ke raru. Eghuteuna mare edi kaisei gobi dis ikodi ka gol.

Fapea Kronikols 4:7 ပူးပေါင်းရင်းမြစ်များ

Ululahu Kings 7:49

Nabotho frem mala lilisei juta. Mare lilisei glimai ke mata, eghuteuna keha glimai ke raru ke ulugna Chogho te Thono Blahi fara na. Eghuteuna mumuju di sisi, nei juta, nei chochomi,

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Ululahu Kronikols 28:12

Gaoghatho igre neke tusu lao Tharunga gna God ka mae Devet, eghuteuna mana tusu lao ka Solomon. Igne gaoghatho eigna ke kosi te lithui ka Sugablahi na, nei gaoghatho eidi chogho te mala liliseidi glepo te mala loku ka Sugablahi na, nei gaoghatho eigna chogho te mala tathajidi glepo teke tusu lao naiknore ka Lord.

Thakle 1:20

Iagho filodi fitu nathunu te louloku iara fei khame nhetagu gre, nu iagho theome laseni gaoghathodi fitu nathunu igre. Uve, fitu nathunu igre gaoghathogna na hatimare mae engel ka fitu khiloau gre. Eghuteuna iagho jaola filodi fitu juta teke hohoro ka gol. Fitu juta igre gaoghathogna na eidi fitu khiloau tuare kolho.”

Hibru 8:5

Nodi gloku hatimare mae pris gre jateula u thotoghale gna eghu kolho eigna unha te eni kligna na. Tahati laseni igne, naugna kate magnahaghei hohoro mae Moses suga tapuale igne, God neke cheke faheta eghu ka mana, “Filo sagho! Iara magnahaghe nigho te hohoro gobigna lepore leghuni unha teke falalase ka iagho ka thogele ia.”

Ululahu Kronikols 28:19

Mae Devet ne cheke eghu ka mae Solomon, “Gobigna lepo igre au ke lamnagna gaoghatho teke riso soru iara kani teke au ka iara nogna nolaghi Lord. Lord neke tusu mei glalase ka iara eidi glepo te ikodi te au ka gaoghatho igne.”

Ululahu Kronikols 28:15

Tuana te niha gol te mala horo juta gol na nei thaba te mala liliseidi juta re, nei niha silva te mala horo juta silva re, nei thaba te mala liliseidi juta re.

Ululahu Kings 7:39

Kate edi te gnafa igre, mana ne lilisei glima kat ke mata Sugablahi, eghuteuna glimai ke raru Sugablahi. Eghuteuna mana ne lilisei tangk biꞌo na ka sulukhu gna Sugablahi na ke maghati.

Ululahu Kronikols 28:14

Eghuteuna king jaola chekedi ka mana tahudi gol nei silva eghu te mala hata te mala horo mare thua nafnata glepo gna Sugablahi na.