Fapea Kronikols 4:20 - Buka Blahi Ka Cheke Holo

²⁰ Nabotho juta, baludi glepo te gnokro ke klignadi. Aonu mare ne lilisei nabotho juta igre au ke ulugna Chogho te Thofno Blahi Fara na leghuni unha te chekeni ka Vetula na.

Fapea Kronikols 4:20 ပူးပေါင်းရင်းမြစ်များ

Fapea Kronikols 4:7

Mare edi nabotho glepo mala lilisei juta leghuni unha te ghathoni mare na. Eghuteuna mare edi nabotho tevo. Aonu mare lilisei nabothoi igre ke lamna Sugablahi. Mare lilisei glima glepo mala lisei juta nei glima tevo eghu ke mata, eghuteuna glima glepo mala lisei juta nei glima tevo eghu ke raru. Eghuteuna mare edi kaisei gobi dis ikodi ka gol.

Nodi Khoje Hatimare Mae Jiu 28:2

Fanomho mei sagho ka nogu tharai iara gre. Iara tanhi ka iagho mala togho mei ghau iara. Iara filo lao ka sugamu iagho te blahi na nei ngafa haghe khamegure ne tarai.

Ululahu Kings 8:6

Ke leghugna te fafara te gnafa na, hatimare mae pris pala nogna Bokis Nhaꞌa Cheke Lord na ne tei lamna Sugablahi. Mare lilisei lamna ka Thofno Chogho te Blahi fara na ke pari baghidi phei mumuju engel igre.

Ululahu Kings 6:5

Eghuteuna ka geridi nei ke leghu teuna au kmana chogho ikodi ke kosi gringni ka Sugablahi igne, eghuteuna chogho igre au ka fatilo stori.

Fapea Kronikols 4:21

Mumuju sisi, juta, nei chochomi. Chochomi igre gol kolho.

Fapea Kronikols 5:7

Aonu hatimare mae pris pala Bokis Nhaꞌa Cheke igne ne tei lamna ka Sugablahi na. Mare tei ne lilisei lamna ka Chogho te Thofno Blahi Fara na ke pari baghidi phei mumuju engel igre.

Fapea Kronikols 13:11

Leuleghu narane, fei hamerane nei fei grafi, mare gahu insens mala ei fafara te thofno krono fara mala tufru soruni Lord. Mare hata bret mala lilisei ka Tevo blahi na mala tusu lao ka Lord, eghuteuna leuleghu narane fei grafi na, mare fakasa juta ka mala nanhaꞌa ka glepo te mala lilisei juta teke horo ka gol. Ghehati edi gobigna lepo te chekedi Lord, nu ghotilo tei kokonihi mana.