Fapea Kronikols 34:3 - Buka Blahi Ka Cheke Holo3 Ka fahana finogha Josia te king kate mae sitei fara nga teuna, mana ne funu tarai ka nogna God kuꞌegna King Devet. Eghuteuna ka fabotho phei finogha na, mana ne funu fagagae Jerusalem ghe Juda mala klino ka tathagna Lord. Mana ne goigoni fahui nodi vido blahi mae bongihehe re, nei hata koko mumuju gna god gaꞌase Asera nei keha mumuju langau eghu. အခန်းကိုကြည့်ပါ။ |
Fapea Kronikols 34:3
26 ပူးပေါင်းရင်းမြစ်များ
Eghuteuna King Devet ne cheke eghu ka naikno te kafe khapru mei ka mana re, “Lord neke vahini mae thugu iara Solomon mala king nei mala horo nogna Sugablahi mana na. Mana kaisei mae majaghani fara, eghuteuna mana neke theome eni kaisei gloku biꞌo jateula igne teku tifa na. Nu gloku gna Sugablahi igne ginauna biꞌo fara, naugna Sugablahi igne theome nogna suga naikno, nu nogna suga thegna God.
King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.
Kani theome lehe nga teku King Devet na, mana neke tarabana kmana thua nafnata glepo te mala horogna nogna Sugablahi Lord na. Mana neke cheke eghu, “Thugu iara Solomon gne, mana mae majaghani fara eghuteuna mana theome laseni te famane horo suga na. Nu iara magnahagheni mae thugu iara Solomon ginauna famane horo fakeli nogna Sugablahi Lord na. Eghuteuna naikno te gnafa ka nauthoglu igne ginauna kelitadi ni fara suga igne na tusu lao nafnakno biꞌo ka suga igne. Eghume iara na tarabana nogna glepo mae Solomon malagna suga igne.”
King ne kilo meini mae pris biꞌo Hilkaea baludi mae pris te mala toghoni mana, nei mae pris te mala reireghi gna Sugablahi na teu igre mala hata fadelei glepo teke edi mare maladi Baal ghe god gaꞌase Asera nei tothoghei nathunu ka maloa kligna. Mare leghuni unha te chekeni mana igne ne gnubra gobigna lepo igre ke kosi Jerusalem ka glogu Kidron. Eghuteuna mare hata nakrofudi glepo igre ne tei Betel.
Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.
Eigna Lord ne diꞌatagna fara ka olta igne ne cheke ranghini mae profet igne mala tei cheke eghu mana. “Iagho olta! Igne unha teke chekeni Lord na, ‘Kaisei mae sua ginauna karha mei ka vikegna mae Devet, nanghagna na mae Josia. Mana ginauna hata mae pris teke fafara ke klignamu iagho ra mala falelehe ke klignamu iagho. Eghuteuna mana ginauna gahu nhubradi re ke klignamu iagho.’ ”
Eghuteuna iara ginauna goigoni nomi vido blahi ghotilo are. Iara ginauna paꞌe olta te mala gahu insens ghotilo are. Eghuteuna iara ginauna koko lao thinimi ghotilo te lehe are mala pagu ke klignadi nomi mumuju blahi ghotilo te theome karha te pogho soru ghotilo tadi are. Eghuteuna iara ginauna tirogu ghami fara ghotilo.
King Josia ne tei tongana ka namonodi vike te gnafa Israel igre mala hata fadelei mumuju te diꞌa te au ka nodi vido glose naiknodi Israel. Eghuteuna mana chekedi naiknore mala loku ranghini Lord. Eghume ka narane karha teu King Josia igre, naiknore theome figri tagru, nu leghuni Lord nodi God kuꞌedi tifa ra.
Glepo igre ginauna thoke mei, naugna ghotilo naiknomi Israel te gnafa igre tapla jafra fabrahu ka nakhibo, nei figri tagruni God. Ghotilo naiknomi Israel! Ghotilo figri tagruni fabrahuni mana, nu ihei teke batu ghami ghotilo teke tei ka vido te diꞌa igne na? Naiknodi Samaria kolho. Eghuteuna ghotilo naiknomi Juda! Ghotilo tarai koba ka mumuju god, nu ihei teke batu ghami ghotilo te mala edi glepo te diꞌa igre? Naiknodi Jerusalem kolho.
Lord ne cheke ranghini profet mala tei ka king mala cheke eghu ka mana, “King Hesekaea, Lord nogna God mae kuꞌemu King Devet na ne cheke eghu: Iara la nomhinihi nou tharai iagho ia, eghuteuna iara filoni te tanhi nei diꞌanagnafa teu iagho ia. Iara ginauna nake fakeli fapulo nigho, eghuteuna ka fatilo narane ke leghugna gognarogne iagho tangomana te tei ka Sugablahi na.
Mana ne hata koko ne gnafa mumuju god di delei nei mumuju gna god gaꞌase Asera teke lilisei mana ka nogna Sugablahi Lord. Eghuteuna mana hata ne tei koko mumuju igre ke kosigna namono na. Eghuteuna mana jaola ne paꞌe soru nodi olta mae bongihehe teke horo mare ka thogele aheva te kegra Sugablahi na, nei ka keha vido ka namono na, igre mana ne jaola ne koko.
ကြော်ငြာတွေ