Fapea Kronikols 33:9 - Buka Blahi Ka Cheke Holo

⁹ Nu King Manase neke batu fadiꞌadi naiknodi Juda nei Jerusalem ka nakhibo te thono biꞌo fara salaꞌudi nakhibodi naikno bongihehe teke goigonidi Lord ka narane teke hata meidi mana naiknodi Israel teke au ka kantri igne.

Fapea Kronikols 33:9 ပူးပေါင်းရင်းမြစ်များ

Proveb 29:12

Mae lida te fanomho ka chaichaghi na, nogna mae gloku te gnafa mana ka gavman na igre ginauna kafe diꞌa hui.

Fapea Kronikols 33:2

Mae king igne neke edi puhi te diꞌa re ka tathagna Lord na. Mana neke leghudi puhi te diꞌa teke edi naikno bongihehe tifa, iheire Lord teke khi fajifladi ka nodi namono naiknodi Israel.

Profet Maeka 6:16

Glepo igre ginau thoke ghami ghotilo, naugna ghotilo ne leghudi fabrahu puhidi phei king te diꞌa igre, King Omri ghe thugna mana King Ehab. Eghume iara ginauna goigoni namono igne, eghuteuna naikno te gnafa ka kantri gne mare ginauna ghatho fapari ghami ghotilo nei cheke fadiꞌa ghami ghotilo.”

Fapea Kings 23:26

Neubane eghu ngau, Lord diꞌatagna fabrahu ka glepo te diꞌa teke edi King Manase ka naiknodi Juda tifa ra.

Fapea Kings 21:16

King Manase jaola ne aknu falehe kmana naikno fara, aonu dadaradi naikno te theo kaisei nakhibodi igre ne fodu ka namono Jerusalem. Nu jaola, mana neke batudi naiknodi Juda igre neke edi glepo te diꞌa ka tathagna Lord.

Ululahu Kings 15:26

King Nadab jateula kmagna neu ne leghuni puhi te diꞌa na ne batudi naiknodi Israel ka puhi nakhibo.

Ululahu Kings 14:16

Lord ginauna lisa koko ghita, naugna King Jereboam ne tapla jafra ka nakhibo, eghuteuna mana batudi naiknore mala jaola tapla jafra tahati ka nakhibo.”

Josua 24:8

nu ke leghu na, iara neke hata mei ghami ghotilo ka glose igne teke nodi vikegna Amo teke au mei ke maghati, ka keha phile Khoꞌu biꞌo Jordan. Kate mei magra mare ka ghotilo na, nu iara togho ghami mala uludi ghotilo mare. Eghuteuna kate namo thokeni ghotilo nodi rijon mare na, nu iara teke falehedi mare na, aonu ghotilo gognarona khotodi nodi glose mare re.

Diutronomi 2:21

Mae igre brahu fara jateula mae ka vikegna Anak igre eghu. Tifa na, mae igre neke kmana fara, eghuteuna mare mae nheta fara, nu Lord neke kafe falehe fahuidi gnafa. Eghuteuna vikegna mae Amon igre neke ngolhi fajifladi neke hata kasa namono igne.

Levitikas 18:24

“Thuagna nafnata puhi igre tangomana te fathona ghami ka tathagu iara na, eghume ghotilo thosei eni glepo te diꞌa igne. Tharaknagna Kenan igne neke edi nafnata glepo igre neke theome klino mare ka tathagu iara na, eigna iara ginauna ngolhi fajifladi eghuteuna tusu ari nodi glose mare na ka ghotilo.

Fapea Kronikols 33:8

Eghuteuna jame te leghudi ghotilo nogu cheke iara gre, nei tajidi vetula teke tusu lao mae Moses ka kuꞌemi ghotilo tifa ra teuna. Iara ginauna theome snakredi keha naiknore mala khi fajifla ghami ghotilo ka kantri teke tusu lao iara ka kuꞌemi ghotilo ra.”

Fapea Kronikols 33:10

Neuba Lord ne cheke faheta ka King Manase nei ka nogna naiknore neu, nu mare tirodi fanomho kolho ka mana.

Profet Esikiel 5:7

“Naugna igne, iara Lord te chekeni igne: Ghotilo naiknomi Jerusalem. Puhi te tiromi leghudi ghotilo nogu vetula iara gre, eghuteuna theome leghudi nogu cheke iara re teu ghotilo igne thono diꞌa fara salaꞌudi ka keha kantri te au lithui ghami ghotilo igre. Neuba nodi vetula mare te diꞌa igre ghotilo tiromi leghudi la, naugna igne puhimi ghotilore thono diꞌa fara salaꞌudi puhidi naikno bongihehe.

Fapea Kronikols 28:19

Lord faparidi naiknodi Juda, naugna King Ehas ne batudi naiknore ka puhi te diꞌa na ne figri tagruni Lord.