Fapea Kronikols 33:3 - Buka Blahi Ka Cheke Holo

³ Mana tei neke babana fapulo nodi vido blahi naikno bongihehe teke paꞌe soru mae kmagna mana King Hesekaea ra. Mana horo olta mala tarai ka Baal, eghuteuna mana horo kaisei mumuju gna god gaꞌase Asera. Eghuteuna mae Manase jaola tarai ka nathunu.

Fapea Kronikols 33:3 ပူးပေါင်းရင်းမြစ်များ

Diutronomi 16:21

“Kate eni ghotilo nogna olta Lord na, ghotilo thosei ke eni ka thaba mumuju gna god gaꞌase Astarot igne mala fakegra haghe rhegna nogna olta Lord igne.

Diutronomi 17:3

Jau mae igne huhughuni nogna vetula Lord na eghuteuna mana tarai ka keha god delei, ba jau mana pogho soru tarai ka naprai, ba glaba, ba ka nathunu.

Fapea Kronikols 31:1

Kate gnafa Gaghamu Ghasa-Polho igne, naiknore ne tei ka namono te gnafa Juda igre ne pike nguanguja khegra thina brahure, eghuteuna mare kato soru pari mumuju gna god gaꞌase Asera igne. Eghuteuna mare jaola goigoni nodi vido blahi mae bongihehe nei olta teure. Ke leghu, mare jaola ne eni nafnata puhi igne ka keha vido ka namono Juda nei ka namono ka nohi Benjamin, nei ka nohi Efrem, nei ka nohi Manase. Aonu naiknodi Israel igre neke figri ka namonodi re.

Fapea Kronikols 30:14

Ka narane tuana, mare ne hata fajifla kmana olta mala fafara nei olta mala gahu insens teke au tafri teku Jerusalem igre ne tei koko ka glogu Kidron.

Profet Sefanaea 1:5

Iara ginauna koko sorudi pari iheire te haghe ke tagru suga te pogho soru ka naprai, nei ka glaba, nei ka nathunu. Naikno igre neke nhaꞌa cheke ka iara mala loku ranghi ghau iara neku, nu mare jaola nhaꞌa cheke mala loku ranghini mumuju god Molek.

Profet Jeremaea 19:13

Ghotilo gahu insens mala pogho soru ka nathunu ke kligna suga Jerusalem, nei ka sugadi hatimare mae king. Eghuteuna ghotilo tofa waen ke kligna olta mala kilo fnaknodi keha god. Suga te gnafa igre ginauna kafe chara fara jateula namono Tofet eghu ka tathagu iara na.’ ”

Eklesiasti 9:18

Gaoghatho te keli na thofno keli fara salaꞌuni glepo mala magra na, nu kaisei mae te diꞌa puhigna na tangomana te goigonidi kmana glepo te keli.

Fapea Kings 18:4

Mana paꞌe nodi Sugablahi te mala tarai mare ka mumuju na, eghuteuna rofo soru nodi thina te brahu fara na, eghuteuna kato soru mumuju gna gaꞌase Asera na. Eghuteuna mana jaola kina ruaruja mogo teke eni mae Moses ka bras tifa igne. Mogo igne mare kiloni, “Nehustan, ba mogo neke horo ka bras.” Mana eni igne naugna naiknore tei neke gahu insens koba ka mumuju gna mogo na.

Mae Khuru 7:42

Nu God na ne figri lao thagrugna na ka mare nei snakredi mare mala pogho soru ka naprai, ka glaba, nei ka nathunu. Igne unha te risoni ka nodi buka mae profet ra. God neke cheke eghu, “ ‘Ghotilo naiknomi Israel ra, kate au ka namono nagou ia ghotilo neke au jare phiatutu finogha, ghotilo neke falelehe buluka koba neke fafara. Nu fafara tuare theome nogu iara.

Profet Jeremaea 17:2

Ghotilo jaola leghudi fabrahu puhidi vikemi tifa teke pogho soru ka nogna olta mumuju god gaꞌase Asera, ba ke pari gaju blahi, ba ke kligna thogele biꞌo.

Profet Jeremaea 8:2

Eghuteuna mare ginauna atha nhubra te magnahaghedi fara naiknore mala raba tafri ke kligna glose, ba ke pari naprai, glaba nei nathunu. Tifa na, mare tuturupuku soru toredi nhubra igre mala toghodi. Nu nhubra igre ginauna jateula chara eghu ke kligna glose. Eghuteuna theo kaisei naikno nate salo nhubra igre te mala giugilui na.

Eklesiasti 2:19

Iara theome laseni glahu mae igne autagna gaoghatho te keli, ba kaisei mae fameomekro kolho. Mana ginauna funei frunidi gobigna lepo teke loku branadi iara ka nogu glalase na. Igne jaola theo nafugna ka gaoghathogu iara na.

Fapea Kronikols 32:12

Mana thegna si teke paꞌe sorudi vido blahi nei nogna olta Lord God igne, eghuteuna mana cheke ghami ghotilo mala tarai nei gahu fafara eghu ka kaisei god ngala Jerusalem.

Fapea Kings 23:11

Ka narane tuana, king ne brue tei delei ka nogna Sugablahi Lord na hose teke fafara hatimare mae king di Juda ka naprai igre. Hose igre au ke lamnagna kaisei vido rhegna nogna chogho kaisei mae biꞌo, nanghagna na mae Natan-Melek. Mae Josia ne gnubra ka khaꞌaghi chariot teke fafara ka naprai igre.

Fapea Kings 21:3

Mana tei neke babana fapulo nodi vido blahi mae bongihehe teke paꞌe soru kmagna mana mae Hesekaea ra. Mana horo olta mala tarai ka Baal, eghuteuna horo kaisei mumuju gaꞌase Asera, jateula teke edi King Ehab gna Israel tifa ra neu. Eghuteuna mae Manase jaola neke tarai ka nathunu.

Ululahu Kings 14:23

Mare horo vido blahi heva heva ke kligna thogele, ba ke pari gaju biꞌo. Mare jaola fakegra haghe thina blahi, ba sari mumuju god gaꞌase Astarot.

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Eksodas 34:13

Nu igne unha te mala eni ghotilo na, ghotilo paꞌe soru nodi olta are, goigoni nodi thina blahi are, eghuteuna ghotilo kato soru mumuju gna nodi god gaꞌase mare Astarot.

Fapea Kings 23:4

King ne kilo meini mae pris biꞌo Hilkaea baludi mae pris te mala toghoni mana, nei mae pris te mala reireghi gna Sugablahi na teu igre mala hata fadelei glepo teke edi mare maladi Baal ghe god gaꞌase Asera nei tothoghei nathunu ka maloa kligna. Mare leghuni unha te chekeni mana igne ne gnubra gobigna lepo igre ke kosi Jerusalem ka glogu Kidron. Eghuteuna mare hata nakrofudi glepo igre ne tei Betel.

Fapea Kronikols 28:24

Eghuteuna mae Ehas jaola ne tei salo dis nei kapu eghu te mala loku hatimare mae pris ka nogna Sugablahi Lord. Mana poposa glepo igre ne ghilei nghuja tafri, aonu mana ne bobotho Sugablahi na. Eghuteuna mana ne edi haghe nodi olta keha god di delei ka vido te gnafa Jerusalem.

Fapea Kronikols 33:15

Mana ne hata koko ne gnafa mumuju god di delei nei mumuju gna god gaꞌase Asera teke lilisei mana ka nogna Sugablahi Lord. Eghuteuna mana hata ne tei koko mumuju igre ke kosigna namono na. Eghuteuna mana jaola ne paꞌe soru nodi olta mae bongihehe teke horo mare ka thogele aheva te kegra Sugablahi na, nei ka keha vido ka namono na, igre mana ne jaola ne koko.

Fapea Kronikols 33:19

Eghuteuna keha glepo la ngau teke edi Manase re, Hosae neke rioriso soru ka nogna buka na. Ka buka igne, au thoutonu eigna nogna tharai mae Manase nei nogna cheke tughu God ranghini mana. Eghuteuna ka buka igne jaola au thoutonu eidi glepo te diꞌa teke kulu edi mana re, nei thoutonu eidi puhigna mana te diꞌa re, nei thoutonu eidi vido aheva teke horo mana vido blahi re, nei thoutonu eigna mumuju gna god gaꞌase Asera nei keha mumuju god teke lisei haghe langau mana re eghu. Igre glepo teke edi mana ame nhaꞌa faparini nga thegna teku na.

Fapea Kronikols 34:25

Naugna naiknore ne tirodi ghau iara ne gahu insens ka keha god delei, eghuteuna puhidi mare igre te thono diꞌatagudi fara iara re. Eghume iara ginauna na fakakhana diꞌatagu na ka mare, eghuteuna diꞌatagu iara igne theome tangomana te gnafa na.’ ”

Profet Jeremaea 7:30

Lord ne cheke eghu, “Naiknodi Juda igre mare edi koba glepo te thono diꞌa fara ka tathagu iara na. Mare lilisei haghe mumuju te thono diꞌa fara igre ke lamnagna nogu Sugablahi iara na. Ka puhi igne, mare la thono fatothona Sugablahi igne ka tathagu iara na.