Fapea Kronikols 32:6 - Buka Blahi Ka Cheke Holo

⁶ Ke leghugna igne, mae Hesekaea ne vahidi hatimare mae komanda mala batudi maedi Jerusalem. Eghuteuna mana kilodi mare mala kafe salofodu mei ka glalaba rhegna grengatha te bara te ligoho ka thina na. Aonu mana ne cheke eghu mala farerheta gaoghathodi mare re,

Fapea Kronikols 32:6 ပူးပေါင်းရင်းမြစ်များ

Fapea Kronikols 30:22

Eghuteuna Hesekaea ne kelitagna fara ka mae pris nei ka mae Livaet teu gre eigna nodi gloku mare na, naugna laseni fara puhi te mala batudi naiknore te mala tufru soruni Lord. Ka fitu narane igre, mae pris nei mae Livaet teu gre mare cheke fakelini Lord nodi God kuꞌedi tifa ra, eghuteuna mare ghamu gano teke fafara mare ra mala au ka pharikeli balugna Lord.

Profet Isaia 40:2

Thoghei famane cheke ranghidi naiknodi Jerusalem, eghuteuna cheke ka mare te narane ninhigrana te thokedi mare igne la gnafahi. Uve, iara Lord la paradihi mare eidi nakhibodi fateote'o teke edi mare ra. Iara neke tusu ranghidi papara biꞌo, nu gognarona la gnafahi eghu.”

Nehemaea 8:16

Aonu naiknore tei ne hata ne mei ne horo grorofe igre ke kligna nodi suga, nei ke lamna glalaba lithuidi nodi suga re, nei ke lamna glalaba biꞌo lithuigna nogna Sugablahi God, nei ka glalaba biꞌo ke ulugna Grengatha mala Hata Khoꞌu igne, nei ka glalaba ke ulugna Grengatha Gna Efrem.

Esra 10:9

Ka thilo narane igre, mae iheire teke au ka phei nohidi Juda ghe Benjamin igre ne mei Jerusalem. Ka fatilo narane, ka varadaki naranegna faheva nhigra, mae te gnafa igre ne khapru mei ne gnokro soru pari ka glalaba ke ulugna nogna Sugablahi God. Nakhete biꞌo ne soru mei ka mare, mala buebugne mare, eghuteuna mare jaola ne fififri eigna gaoghathogna teke kilodi mare teke mei ka faidu igne.

Jenesis 34:3

Ke leghugna te eni puhi te diꞌa na, mae Sekem ne cheke famaemahe ka Daina.

Profet Isaia 28:6

Mana ginauna tusu lao gaoghatho te doglo ka iheire te lase fate, eghuteuna mana ginauna toghodi nogna naiknore mala kegra heta nei reireghi fakeli eghu nodi namono na ka mae naoka.