Fapea Kronikols 32:5 - Buka Blahi Ka Cheke Holo

⁵ Eghuteuna king neke horo fakeli bara thinagna namono biꞌo Jerusalem teke groꞌe na neke nanhaꞌa suga mala toetoe ke kligna gna. Eghuteuna ke kosigna bara thina igne, mare neke eni fapea bara thina na ne lithui ka namono igne. Eghuteuna mare ke jaola ke horo fakeli bara thina igne mala fafofodu glose ka vido te kiloi mare nogna Namono Biꞌo King Devet. Eghuteuna mana chekedi nogna mae glokure mala tarabana kmana glepo mala magra nei greoreo mala tafra jata.

Fapea Kronikols 32:5 ပူးပေါင်းရင်းမြစ်များ

Fapea Kronikols 25:23

Eghuteuna King Jehoas gna Israel ne lokini King Amasaea. Aonu King Jehoas balu nogna armi na tei Jerusalem ne paꞌe soru bara thinagna namono na, funu ka Grengatha gna Efrem, tei posani Grengatha gna Kona. Vidogna bara thina te paꞌe soru mare igne jame jateula te kaisei gobi nhanasalei mita eghu.

Ululahu Kings 9:24

Eghuteuna kate gnafa nogna suga biꞌo thugna gaꞌase king gna Ijep igne, mae Solomon ne hata fajiflani naꞌa ka nogna namono biꞌo mae Devet na mala tei au ka nogna suga na. Ke leghu igne mana ne fafodu glose ka kaisei vido rhegna thogele ke lamna Jerusalem.

Fapea Kings 25:4

Aonu hatimare mae soldia di Babilonia igre ne paꞌe gringni gna namono na ne ruma lamna. Neuba mae soldia gre ne kegra ligohoni neu namono na, King Sedekaea baludi nogna soldiare ne fariuriu rikha bongiro ne jifla farihoteidi phei gringni thina ke leghugna nogna nagare king na rikha ne tei ka glogu rhegna Khoꞌu biꞌo Jordan.

Fapea Samuel 5:9

Aonu mae Devet ne gnokro soru ka namono te rheta igne ne kiloni nogna namono Devet. Mana ne fufunu horo suga ke klignagna vido teke fafofodu glose mare na.

Profet Jeremaea 39:4

Kate filoni King Sedekaea baludi nogna mae soldiare igne, mare ne rikha. Mare jifla Jerusalem bongiro ne tei salaꞌu ka nogna nagare mae king na ne jifla farihoteidi phei gringni thinare ne tei thoke ka glogu rhegna Khoꞌu biꞌo Jordan.

Fapea Kronikols 26:8

Naiknodi Amon hata mei sileni nei keha glepo eghu mala foli takis ka Iusaea. Ka narane igre mana neke kegra heta fara. Eghuteuna thoutonu eigna nafnakno gna mana na ne tei tongana ka namono te gnafa re ne ghilei tei posa Ijep.

Fapea Kronikols 23:1

Ka fafitu finogha te poru Joas igre, Pris Jehoada ne au gaoghatho heta te mala eni kaisei glepo. Aonu mana tei ne cheke baludi glima mae komanda ka tothoghei kaisei gobi soldia. Mare ne kaisei gaoghatho te mala king mae Joas na. Nanghadi glima mae komanda igre: Mae Asaraea thugna mae Jeroham, mae Ismael thugna mae Jehohanan, mae Asaraea thugna mae Obed, mae Masea thugna mae Adaea nei mae Elisafat thugna mae Sikri.

Fapea Kronikols 12:1

Kate funei fruni Rehoboam te kaisei king rheta gna Juda na, mana baludi nogna naiknore ne figri tagruni nogna Vetula Lord.

Fapea Kings 12:20

Mae Josabad thugna mae Simeata ghe mae Jehosabad thugna mae Soma, phei nogna mae biꞌo King Joas igre ne ghaoghatho mala faleheni mana. Aonu phiamare ne aknu faleheni mana Jerusalem ka vido teke fasasare mare rhegna nabrou te tei posa Sila. Mare ne giugiluni mana ka bekudi mae kuꞌegna re ka nogna namono biꞌo mae King Devet, eghuteuna thugna mana, mae Amasaea igne neke king tughuni mana.

Ululahu Kings 11:27

Igne thoutonu eigna mae Jeroboam te naokani King Solomon. Kaisei fata, king neke chekedi mae gloku re mala hata glose fafodu ka kaisei vido ka keha phile thogele Jerusalem mala horo suga ke kligna gna, eghuteuna mala ke babana fakeli baragna namono Jerusalem.

Jajis 9:6

Naiknodi Sekem igre nei naiknodi Bet-Milo igre ne kafe mei salofodu ka gaju blahi Sekem, eghuteuna mare ne vahini Abimelek mala nodi funei mare.

Proveb 25:28

Iagho theome tangomana te saghe leghu nigho themu kate diꞌatamu na, te eghu iagho na, iagho jateula kaisei namono te theome bara te ligoho ka thina ia eghu.

Fapea Kronikols 33:14

Ke leghudi igre, Manase neke babana fapulo gringni thinagna namono biꞌo Jerusalem ka vido te kiloni mare nogna Namono biꞌo King Devet. Mana neke eni haghe kligna gringni thina igne. Mana neke fufunu loku fei ke mosu glogu glokha khoꞌu Gihon ne tei thoke ka Grengatha Sasa ne lithui ne tei ka thogele Ofel. Aonu mana ne vahidi mae komanda di armi mala au ka namono te gnafa Juda.

Profet Joel 2:8

Theo kaisei teke farore tafri ke ulugna keha na. Glepo igre kmana fara, eghuteuna theidire jateula thei mae soldia te theome mhaghudi naoka ra eghu. Eghuteuna theo kaisei glepo te fanogradire.