Fapea Kronikols 32:3 - Buka Blahi Ka Cheke Holo

^3-4 mana ne cheke baludi nogna mae biꞌo nei nogna mae armi teu igre. Mare kaisei gaoghatho ne tatafru glokha khoꞌu te au ke kosigna namono biꞌo Jerusalem mala theome koꞌu armi gna Asiria kate mei mare ka vido igne. Aonu mae biꞌo igre ne hata kmana mae, eghuteuna mare jifla ne tei ke kosi namono ne tatafru glokha khoꞌu igre.

Fapea Kronikols 32:3 ပူးပေါင်းရင်းမြစ်များ

Proveb 24:6

Ihei te magnahaghei magra ka keha kantri na, mana kulu ghaoghatho fakeli. Te magnahaghei uluni mana magra na, fanomho ka kmana farirhiu te keli.

Proveb 20:18

Kulu hata gaoghatho te keli ka keha naiknore, eghuteuna nou gloku iagho na ginauna keli fara. Jame te magnahaghei te tei magridi mae naokare teuna, iagho kulu hata ghaoghatho fakeli.

Proveb 15:22

Jame te magnahaghei edi iagho keha gloku na, iagho kulu atha gaoghatho ka keha mae are, eghuteuna nou gloku iagho na ginauna thofno keli fara. Nu jame te theome eghu iagho na, iagho ginauna fiti kmusa kolho.

Letas Teke Riso Tei Mae Pol Ka Khiloau Rom 11:34

Jateula te chekeni ka grioriso te blahi na, “Ihei gne te laseni gaoghathogna Lord na? Ihei gne te tangomana te farirhiuni mana na? Theo kaisei naikno.”

Profet Isaia 40:13

Ihei gne te thofno lase fakelini gaoghathogna Lord na? Eghuteuna ihei gne tangomana te farihriuni mana na?

Fapea Kings 20:20

Keha glepo teke edi King Hesekaea nei thoutonu eigna khora biꞌo teke eni mana ke pari glose hata khoꞌu te mei ka namono Jerusalem teku igre, mare neke rioriso soru ka Buka Eidi Glepo Teke Edi Hatimare Mae King Di Juda.

Fapea Kings 18:20

ne cheke eghu, “Ka cheke kolho te chekeni iagho ne nhetahi themu teuna, ba ne laseni farahi themu puhi gna magra na neu sagho ia? Ba, ihei gne te ghathoni iagho nate togho nigho kate magra ka iara na?

Fapea Kronikols 32:2

Kate filoni glani King Hesekaea, King Senakerib te magnahaghei mei magra Jerusalem teu igne,

Profet Nahum 3:14

Gognarona ghotilo tarabana glepo mala magra te ginau eni fabrahu igne. Eigna mae naokare ginau mei bara ligohoni nomi namono biꞌo ghotilo igne, eghuteuna ghotilo ginauna na theome tangomana nate jifla na. Ghotilo mala toho kmana khoꞌu te mala koꞌu na. Ghotilo mala hata glose ukru, eghuteuna tapla ke kligna gna mala pila mala horo brik. Eghuteuna ghotilo mala horo famaku vido mala poru na.

Fapea Kronikols 32:30

King Hesekaea igne mae ihei teke fofotho foflogna glokha khoꞌu Gihon, eghuteuna mana dokha khoꞌu igne doglo ne tei posa ke mosu gna nogna Namono biꞌo King Devet. Gobigna lepo teke edi mana re thofno keli fara.