Fapea Kronikols 32:29 - Buka Blahi Ka Cheke Holo

²⁹ God tusu ranghini mana kmana sipu nei buluka, nei kmana keha famane glepo. Hesekaea jaola babana kmana namono.

Fapea Kronikols 32:29 ပူးပေါင်းရင်းမြစ်များ

Ululahu Kronikols 29:12

Dedei nei nafnakno teu igre mei funudi ka iagho kolho. Iagho funei frunidi thua nafnotu fateote'o gre ka nou nolaghi themu. Eghuteuna iagho ngala tangomana te nhaꞌa hagheni naikno na ka nafnakno biꞌo nei nanheta.

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Thoutonu Eigna Mae Job 42:12

Aonu Lord ne fablahini mae Job eigna fapea vido ka nakarhagna mae Job, salaꞌuni vido ulu lahu ka nakarhagna mana na. Eghume gognarona mana au nabotho fati thogha sipu, eghuteuna namno thogha kamel, eghuteuna phei thogha buluka, eghuteuna kaisei thogha dongki.

Thoutonu Eigna Mae Job 1:9

Satan ne cheke eghu ka Lord, “Uve, nu mae Job au nogna gaoghatho te keli te mala ghatho tahuni God na naugna iagho ne fablahini mana kolho.

Thoutonu Eigna Mae Job 1:3

Mana au nogna fitu thogha sipu, nei thilo thogha kamel, nei kaisei thogha buluka, nei glima gobi dongki. Eghuteuna mana au nogna kmana mae gloku. Eghuteuna mana kaisei mae dedei fara salaꞌudi mae te gnafa ka rijon ke maghati.

Fapea Kronikols 26:10

Eghuteuna mana jaola neke horo suga rheta mala toetoe ke lamna namono nagou. Mana dokha kmana seu, naugna mana au nogna kmana buluka ka thogele ke mosu, nei ka sare langau eghu. Mana kaisei mae te magnahaghei loku ka nagare, aonu nogna mae gloku manare joꞌu nagare grep ka thogele, eghuteuna mare tobi ka vido aheva te au glose te keli.

Fapea Kronikols 25:9

Nu Amasaea ne ghusna eghu ka profet, “Ba, na faꞌunhadi tahati sileni teke tusu laohi te mala folidi mare ra?” Aonu nogna mae gloku God na ne cheke eghu ka mana, “Lord tangomana te tusu ari kmana ka iagho salaꞌudi teke koko iagho re!”

Ululahu Samuel 2:7

Mana tangomana te fakumani mae te dedei na, eghuteuna mana tangomana te toghoni mae te kuma na mala ke dedei. Mana tangomana te nhaꞌa faparini mae te fahaehaghe na, eghuteuna mana tangomana te nhaꞌa haghedi naikno te nhaꞌa faparidi thedi re.

Diutronomi 8:18

Ghathoni Lord nomi God. Mana ngala mae ihei teke tusu ari nolaghi ka ghotilo na mala au nomi kmana glepo te keli. Mana eni igne gognarona naugna mana tajini nhaꞌa cheke teke eni mana baludi kuꞌemi ghotilo tifara.

Fapea Kronikols 32:28

Eghuteuna mana jaola horo suga mala lilisei gano, nei waen majaghani, nei oliv oel. Eghuteuna mana horo sugadi buluka, nei vido audi sipu nei nanigot.

Ululahu Kronikols 29:28

Mana lehe kate thofno kuekuꞌe fara. Eghuteuna mana kaisei king te fnakno fara nanghagna na, eghuteuna mana jaola kaisei mae dedei fara. Aonu naiknore ne thofno ghatho tahuni fara mana. Aonu thugna mana Solomon ne kegra king.

Fapea Kronikols 17:5

Eghume Lord ne toghoni mana mala kaisei king rheta te funei frunini nogna kantri na. Eghuteuna naiknodi Juda igre mei ne tusu ranghini mana nodi namha re. Aonu mana gognarona kaisei mae dedei fara nei fnakno eghu ka tathadi naikno te gnafa ka kantri Juda.