Fapea Kronikols 32:27 - Buka Blahi Ka Cheke Holo

²⁷ King Hesekaea dedei fara, eghuteuna naiknore ghatho tahuni mana. Mana horo chogho mala lilisei nogna gol, nei silva, nei famane thina, nei khakla gaju mala famane nonghari ganore, nei greoreo mala tafra ka jata, nei keha famane glepo.

Fapea Kronikols 32:27 ပူးပေါင်းရင်းမြစ်များ

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Fapea Kronikols 17:5

Eghume Lord ne toghoni mana mala kaisei king rheta te funei frunini nogna kantri na. Eghuteuna naiknodi Juda igre mei ne tusu ranghini mana nodi namha re. Aonu mana gognarona kaisei mae dedei fara nei fnakno eghu ka tathadi naikno te gnafa ka kantri Juda.

Fapea Kronikols 9:27

Ka narane te king mae Solomon igre, silva na kmana fara Jerusalem jateula te fiti thina ra eghu kolho. Eghuteuna mana edi kmana thaba fara ka gaju sida jateula thua nafnata thaba te kotu tafri kolho ka thogele ra neu.

Fapea Kronikols 1:12

Eghume iara ginauna tusu ranghi nigho iagho gaoghatho te keli nei glalase, eghuteuna iara ginauna jaola tusu ranghi nigho iagho dedei, nei kmana glepo te keli, eghuteuna naiknore ginauna tusu ranghi nigho iagho nangha te biꞌo. Iara ginauna fafnakno nigho iagho ke tulaodi hatimare mae king teke kulu funei ke ulumu iagho ra, ba iheire na teke funei ke leghumu iagho re.”

Fapea Kings 20:13

King Hesekaea ne keli tagna fara kate filodi naikno igre, eghuteuna mana ne fakakhana ka mare nogna dedei, nogna silva, gol, khuromu, oel nei nogna glepo mala magra teure. Mare ne filodi gobigna lepo te au ka suga gna mana re, nei jaola filodi gobigna lepo te au ke lamnagna nogna kantri mana na.

Fapea Kronikols 32:26

Nu ke leghu na, Hesekaea nei naiknodi Jerusalem teu gre ne tughu nagnafa, eghuteuna mare neke theome fahaehaghe. Aonu Lord neke theome paradi naiknodi Jerusalem ghilei thoke ke leghudi narane glehegna King Hesekaea.

Fapea Kronikols 32:28

Eghuteuna mana jaola horo suga mala lilisei gano, nei waen majaghani, nei oliv oel. Eghuteuna mana horo sugadi buluka, nei vido audi sipu nei nanigot.

Profet Esikiel 26:12

Mae naoka igre ginauna hata nomi famane glepo ghotilo re, eghuteuna nomi glepo mala sabiri teku ghotilo are ginauna hata tei nodi re. Mare ginauna paꞌe soru nomi gringni thina ghotilo gne, eghuteuna paꞌe soru nomi suga ghotilo te famane keli fara filodire are. Eghuteuna mare ginauna pala thina te gnafa are baludi thaba nei nomi glose teu ghotilo are mala tei koko ke lamna nhorora.

Ululahu Samuel 2:7

Mana tangomana te fakumani mae te dedei na, eghuteuna mana tangomana te toghoni mae te kuma na mala ke dedei. Mana tangomana te nhaꞌa faparini mae te fahaehaghe na, eghuteuna mana tangomana te nhaꞌa haghedi naikno te nhaꞌa faparidi thedi re.

Ululahu Kronikols 29:28

Mana lehe kate thofno kuekuꞌe fara. Eghuteuna mana kaisei king te fnakno fara nanghagna na, eghuteuna mana jaola kaisei mae dedei fara. Aonu naiknore ne thofno ghatho tahuni fara mana. Aonu thugna mana Solomon ne kegra king.