Fapea Kronikols 32:25 - Buka Blahi Ka Cheke Holo

²⁵ Nu mana thono fahaehaghe fara ne theome cheke tegio eidi gobigna lepo teke edi Lord ka mana re. Aonu diꞌatagna Lord na ne soru ke klignadi naiknodi Jerusalem ghe Juda.

Fapea Kronikols 32:25 ပူးပေါင်းရင်းမြစ်များ

Fapea Kronikols 24:18

King baludi naiknore ne lisa kokoni puhi te doglo te mala tarai ka nogna Sugablahi Lord nodi God kuꞌedi tifa ra. Mare ne tarai ka mumuju gna god gaꞌase Asera. Eghuteuna Lord ne thono diꞌatagna fara ka puhi te diꞌa fara te edi naiknodi Jerusalem ghe Juda.

Fapea Kronikols 26:16

Nu kate haghe te rheta fara mana te fnakno nanghagna na, mana ne funu fahaehaghe fara ne ghilei groꞌe mana. Mana tapla jafra ka nakhibo ranghini Lord nogna God na kate tei ruma mana lamna ka nogna Sugablahi Lord na ne gahu insens ka Olta mala Gahu Insens.

Fapea Kronikols 32:31

Kate nomhini king gna Babilonia thoutonu eigna God te eni fagaglana igne Juda na, mana ne kurudi keha nogna mae biꞌo mala tei hironi gaoghathogna fagaglana igne. Nu ka narane tuare, God magnahaghei te fariuriuni King Hesekaea mala hironi gaoghathogna unha teke eni mana na, aonu mana ne snakreni Hesekaea mala leghuni gaoghathogna thegna na.

Fapea Samuel 24:1

Lord ne diꞌatagna ka naiknodi Israel. Aonu mana ne tusu lao gaoghatho ka mae Devet mala eꞌei puhi biꞌo ka mare. Lord ne cheke eghu ka mae Devet, “Iagho tei kaha naiknodi Israel ghe Juda.”

Fapea Kings 14:10

Eghuteuna mana neke cheke eghui, “Tutuani, iagho neke ulunihi armi gna Idom ia ka magra, eghuteuna gognarona iagho fahaehaghe fara. Te keli na iagho tei au kolho ka sugamu na mala fahaehaghe nigho themu. Thosei eni kaisei puhi, naugna mana ginauna na goigoni nigho mana nei naiknodi Juda.”

Diutronomi 8:17

Eghume ghotilo fiofilo ghami, glahu ne nomi nanheta themi kolho te jateula na dedei teuna eghu ghotilo gaoghathomi na.

Ululahu Timoti 3:6

Nu mae mala baubatu na theome mae ihei teke ruma meila ka khiloau, na eghunu fahaehaghe fara mana eghu, eghuteuna God ginauna fate faleheni mana jateula teke eni tifa ka mae Satan ia eghu.

Fapea Korin 12:7

Kaisei khabru te thoke ghau iara na jateula kaisei nila eghu ka thinigu iara na. Khabru igne jateula nogna mae gloku Satan te puri ghau iara eghu. Naugna igne iara theome tangomana te fahaehaghe fara eidi glepo biꞌo te fatakle meidi God ka iara gre.

Profet Habaku 2:4

“Igne nogu cheke iara na: Naikno te fahaehaghe igre theome magnahagheni kaisei glepo te doglo. Nu naikno te doglore ginauna au kau karha, naugna mare ne ghatho fobo ghau iara ne leghu ghau iara fabrahu.

Profet Hosia 14:2

Ghotilo mala ke pulo mei ka Lord, eghuteuna ghotilo tangomana te tarai eghu ka mana, “God, iagho tangomana te hata kokodi nakhibomi ghehati gre, eghuteuna jateula nomi fafarai teu ghehati na, ghehati ginauna na cheke fakeli nigho.

Profet Daniel 5:23

Iagho pala hagheni nanghamu themu na kligna, eghuteuna nhaꞌa soruni nanghagna God gna kligna na pari. Filo sagho! Iagho chekedi nou mae glokure mala tei hata mei kapu teke hata mae kuꞌemu ka sugagna God na igre. Eghuteuna iagho baludi khetomu nei fapea khetomu, nei hatimare mae funei balu khetodi teu mare igre mala koꞌu waen ka kapu te blahi fara igre. Eghuteuna ghotilo kilo fnaknodi mumuju god teke hohoro ka gol, silva, bras, aean, gaju nei thina teu igre. Filo sagho, god igre theome tangomana te filo na, ba te nonomho na, ba te cheke na, ba te laseni kaisei glepo na. Thono theo fara. Nu iagho theome ghatho tahuni God mae ihei te reireghini nei batuni teu nakarhamu iagho na.

Profet Daniel 5:20

Nu mae kuꞌemu iagho igne kaisei mae fahaehaghe fara, eghuteuna patugama fara, eghuteuna mana paradi koba naiknore. Naugna igne, God neke hata fadelei ka mana nolaghi te mala funei frunidi naiknore. Eghuteuna theo kaisei naikno te ghatho tahuni mana na.

Profet Esikiel 28:17

Iagho fahaehaghe fara naugna iagho famane fara fifilomu na, eghuteuna puhimu iagho te fahaehaghe igne goigonini nou glalase iagho na. Naugna puhi igne, iara na koko soru nigho iagho pari, eghuteuna keha mae funei nei mae king teu igre mare tangomana nate filo fapari nigho iagho na.

Profet Esikiel 28:5

Iagho laseni fara te horo bisnis baludi keha naiknore, eghuteuna ka glalase igne te dedei fara iagho na. Nu glepo te keli igre te batu nigho iagho te fahaehaghe fara iagho na.

Profet Esikiel 28:2

“Maegna ka nauthoglu. Cheke ranghini mae funei gna Taea iara Lord God te cheke igne: Iagho kaisei mae fahaehaghe fara cheke eghui, ‘Iara jateula kaisei god eghu, eghuteuna iara gnokro ka chea ka nogu nolaghi, aheva thongna te faligoho ghau iara. “ ‘Nu neuba iagho ne cheke eghu, iara jateula kaisei god eghu sia neu, iagho kaisei maemu ka nauthoglu igne kolho, eghuteuna iagho theome kaisei god.

Fapea Kronikols 25:19

King Jehoas neke cheke eghui, “Iara laseni, iagho neke tei magra neke uluni armigna Idom, eghuteuna iagho glealeꞌa fara gognarona. Te keli na iagho au kolho ka namono. Thosei faꞌeiꞌei magra ka ghehati. Glahu ari ghehati goigonidi naiknodi Juda balumu iagho.”

Fapea Kronikols 19:2

Ka narane tuana kaisei profet, nanghagna na mae Jehu thugna mae Hanan, mana tei ne thafoni King Jehosafat, ne cheke eghu ka mana, “Ba? Ka gaoghathomu iagho na, puhi doglo te tei toghoni iagho mae te diꞌa na nei fofodu balugna mae ihei te tirognani Lord na teuna? Uve, Lord na diꞌatagna fara ka iagho eigna glepo igne!

Ululahu Kronikols 21:1

Mae Satan magnahaghei te ei puhi biꞌo mala thokedi naiknodi Israel, aonu mae Satan ne tusu lao gaoghatho ka mae Devet mala kaha naiknodi Israel.

Fapea Kings 20:13

King Hesekaea ne keli tagna fara kate filodi naikno igre, eghuteuna mana ne fakakhana ka mare nogna dedei, nogna silva, gol, khuromu, oel nei nogna glepo mala magra teure. Mare ne filodi gobigna lepo te au ka suga gna mana re, nei jaola filodi gobigna lepo te au ke lamnagna nogna kantri mana na.

Diutronomi 32:6

Ba, tuana puhi te keli te mala tegio ka Lord na? Theo. Ghotilo noli fara! Ghotilo theo kaisei nomi glalase te keli! Lord na kmami ghotilo, eghuteuna mana ngala teke vuavuha ghami ghotilo na.

Profet Isaia 39:2

King Hesekaea ne keli tagna fara te filodi naikno igre, aonu mana ne fakakhana ka mare nogna thua nafnotu fateote'o te keli fara te au ka manare. King Hesekaea atha ne tei naikno igre ka vido aheva te au nogna gobigna lepo te kelire mala filodi mare nogna silva, gol, khuromu, oel nei nogna thua nafnata glepo mala magra. Mare ne filodi gobigna lepo te au ka sugagna nei jaola filodi gobigna lepo te au ke lamnagna nogna kantri na igre.

Profet Esikiel 31:10

“ ‘Eghume iara Lord God, iara cheke eghu: Naugna gaju igne kotu haghe ne tei posa ka maloa ro eghuteuna cheke fahaehaghe fara teu igne, iara tiroguni gaju sida igne.

Fapea Kings 20:12

Ka narane tuana, King Merodak-Baladan, thugna mae Baladan, ne king Babilon. Mana nomhini te fogra fara King Hesekaea igne. Aonu mana ne kurudi keha naikno baludi keha letas nei kaisei namha eghu mala tusu ranghini King Hesekaea.

Profet Isaia 39:1

Ke leghugna igne, king Merodak-Baladan thugna mae Baladan, mana te mae king gna Babilonia gognarona. Mana nomhini te fogra fara mae king Hesekaea nu kela keli fapulo teu na. Aonu mana ne kurudi keha naikno atha ne tei keha letas nei kaisei namha eghu mala tusu lao ka mae king Hesekaea.

Profet Daniel 11:12

Mana ginauna na fahaehagheni fara. Kate uluni magra igne, mana ne aknu falehe kmana thogha soldia. Nu mana ginauna na theome tangomana nate ulu fabrahu na.