Fapea Kronikols 32:23 - Buka Blahi Ka Cheke Holo

²³ Leuleghu fata na, kmana naikno mei Jerusalem, hata mei gano mala tusu ranghini Lord, nei tusu lao namha ka King Hesekaea. Eghuteuna funu ka narane tuana, naikno ka namono te gnafa igre ne ghatho tahuni King Hesekaea.

Fapea Kronikols 32:23 ပူးပေါင်းရင်းမြစ်များ

Fapea Kronikols 17:5

Eghume Lord ne toghoni mana mala kaisei king rheta te funei frunini nogna kantri na. Eghuteuna naiknodi Juda igre mei ne tusu ranghini mana nodi namha re. Aonu mana gognarona kaisei mae dedei fara nei fnakno eghu ka tathadi naikno te gnafa ka kantri Juda.

Matiu 2:11

Mare ne tei ruma ka suga aheva te au sua na ne filoni mana balugna Meri idogna na. Mare tuturupuku ne pogho soru ranghini mana. Aonu mare feferha nodi vauvaghure, ne tusu ranghini mana nodi namha te biꞌo fara silenidire, u gol, u insens, nei u mur.

Fapea Kronikols 9:24

Leuleghu finogha na mare te gnafa na hata mei namha ka mana, silva, gol, pohe, glepo mala magra, glepo mala ei insens, hose nei dongki.

Fapea Kronikols 1:1

Solomon thugna King Devet mana kaisei king te thofno nheta fara, naugna nogna Lord God na au balugna mana ne tusu ranghini nolaghi biꞌo.

Nodi Khoje Hatimare Mae Jiu 72:10

Te keli na jame mae king gna Spen nei mae king di moumolu igre eghu ginauna mei tusu lao glepo mala namha ranghini mana. Jame te keli na phei mae king di Arebia ghe Itiopia gre mala hata mei glepo mala namha ka mana.

Nodi Khoje Hatimare Mae Jiu 68:29

Nolaghi igne jifla mei ka iagho ka sugamu Jerusalem, ka vido aheva hatimare mae king te hata mei namha ka iagho.

Esra 7:27

Aonu Pris Esra ne cheke eghu, “Tahati cheke fakelini Lord nodi God kuꞌeda tifa ra! Mana loku ka gaoghathogna king, mala ghatho tahuni king nogna Sugablahi Lord Jerusalem.

Fapea Kronikols 17:11

Naiknodi Filistia igre hata ne mei kmana silva nei keha namha eghu ka King Jehosafat. Eghuteuna naiknodi Arab hata ne mei fitu thogha fitu gobi sipu nalhaꞌudi eghuteuna fitu thogha fitu gobi nanigot nalhaꞌudi ne tusu lao ka mana.

Ululahu Kronikols 29:25

Lord ne nhaꞌa hagheni Solomon ka nafnakno biꞌo ka tathadi naikno te gnafa Israel, eghuteuna naiknore ne ghatho tahuni mana. Uve, mana fnakno fara salaꞌudi keha king di Israel ulu lahu ra.

Ululahu Kings 10:25

Leuleghu finogha na naiknore hata mei namha ka King Solomon. Mare hata mei glepo te horo ka gol nei silva, famane pohe, glepo mala magra, sitha mala insens, hose nei dongki.

Ululahu Kings 10:10

Aonu Kuin gna Seba hata ne mei fati thogha kilo gol, balu glepo te famane sisiri kelidi te mala gahu insens, nei famane thina eghu ne namha ka King. Ke leghugna igne, theo kaisei naikno te hata mei kmana glepo mala gahu insens salaꞌuni unha teke hata teke mei Kuin gna Seba ka King Solomon.

Ululahu Kings 4:21

King Solomon ne funei frunidi kantri te ikodi te gnafa funu ka Khoꞌu biꞌo Iufretis ke raru na tei posa Filistia ke mosu na, eghuteuna tei posa ka nohi Ijep ke mata. Eghuteuna kantri igre foli takis ka mana, nei au ke parigna nogna nolaghi mana kate karha teu mana na.

Fapea Kings 19:30

Ghotilo naikno te karha nga teu Juda ra, ghotilo ginauna nake rheta fapulo. Ghotilo ginauna kotu haghe jateula gaju te soru pari lamna glose glathi gna na ia eghu, eghuteuna jaola kligna na ure kmana sisi.

Nodi Khoje Hatimare Mae Jiu 76:11

Tahati te gnafa na mala kafe mhaghuni hui noda Lord God. Ghotilo hui ka kantri te gnafa te au rhegna Israel mala tusu ranghini mana unha teke nhaꞌa chekedi ghotilo ka mana ra. Eghuteuna atha mei nomi namhare ka mana.