Fapea Kronikols 32:17 - Buka Blahi Ka Cheke Holo

¹⁷ Letas teke rioriso king gna Asiria igre thofno cheke faparini Lord nodi God mae Israel. Mana neke cheke fadiꞌa eghu, “Nodi god naiknodi keha kantri are theome tangomana te fakarhidi mare ka nogu nolaghi iara na, eghuteuna nogna god Hesekaea tuana ginauna jaola theome tangomana te fakarhidi nogna naikno mana re ka nogu nolaghi iara na.”

Fapea Kronikols 32:17 ပူးပေါင်းရင်းမြစ်များ

Profet Isaia 37:14

Mare ne tusu lao letas igne ka King Hesekaea, aonu mana ne iu'iju letas igne. Kate gnafa iu'iju na, mana hata ne tei letas igne ka Sugablahi na ne feferha ke ulugna Lord.

Fapea Kings 19:12

Kuꞌegu iara tifa ra neke roꞌedihi namono biꞌo Gosan, Haran, nei Resef, neke falehedi naiknodi Eden teke au Telasa ra. Nodi god naikno igre neke theome tangomana teke fakarhidi mare na.

Thakle 13:6

Mana ne tothora foflogna na mala cheke faparini God. Mana cheke faparani nanghagna God na nei cheke faparini vido aheva te au mana na, nei cheke faparidi iheire te au balugna mana kligna re.

Profet Isaia 10:15

Nu Lord ne cheke eghu, “Ba, nhirama gne te fagrofo gaju na, ba naikno te kato gne? Ba, soa gne te alha gaju na, ba naikno te loku soa gne? Ba, khodo gne te lokuni naikno na, ba naikno gne te loku ka khodo igne?”

Nehemaea 6:5

Aonu falima fata na, mae Sanbalat ne rioriso kaisei letas, eghuteuna mana theome famamhaku fakeli letas igne, nu mana tothorau kolho. Mana tusu lao letas igne ka nogna mae gloku na hata ne mei ka iara.

Fapea Kings 19:28

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.’ ”

Fapea Kings 19:22

Ihei gne te cheke faparini iagho na? Ihei gne te eha fabiꞌoni nei cheke faparini teu iagho na? Iara nodi God maedi Israel te Blahi fara, nu iagho cheke fapari ghau iara!

Fapea Kings 19:14

Mare ne tusu lao letas igne ka King Hesekaea, aonu mana ne iuꞌiju letas igne. Kate gnafa iuꞌiju na, mana hata ne tei letas igne ka Sugablahi na ne feferha ke ulugna Lord.

Fapea Kings 19:9

King gna Asiria igne ne nomhini kaisei ripot eigna kaisei armi gna Ijep te haghe balugna Tiahaka, king gna Kus, te mala mei magra ka mare na. Kate nomhini king igne, mana ne fatei kaisei letas ka King Hesekaea gna Juda ne cheke eghu ka mana,

Fapea Kronikols 32:14

Ghotilo fariuriu ghathoni igne! Theo kaisei god aheva nga teke fakarhini ihei ka king di Asiria tifa ra. Eghume unha eghu ghathomi ghotilo na, nomi God ghotilo na ginauna fakarhi ghami ghotilo?

Fapea Kronikols 32:16

Mae biꞌodi Asiria igre edi kmana cheke mala cheke faparini Lord God, nei cheke faparini Hesekaea nogna mae gloku God.

Ululahu Samuel 17:26

Aonu, mae Devet ne ghusna eghu ka mae soldia te kegra teu rhegna mana igre, “Jame kaisei mae te faleheni mae soldia gna Filistia igne te mala atha fadelei mamaja igne ka mae Israel igre na, unha nate atha mana na? Tahati nogna armi God mae ihei te karha. Mae soldia tuana kaisei mae bongihehe kolho, mana theome laseni God, mana theome nabagna te cheke fadiꞌa ghita tahati na.”

Ululahu Samuel 17:36

Iara neke falehedihi lion nei bea teu tuare. Eghume, iara ginauna na jateula tuana eghu faleheni mae bongihehe tuana, naugna mana ne cheke faparini nogna armi God mae ihei te karha na.

Fapea Kings 19:11

Nu iagho nomhinihi unha te magnahaghei eni king gna Asiria ka keha kantri igre. Funu tifa te mei na, ghehati goigonidi koba mare. Ba? Aheva nate rikha te tei iagho na?