Fapea Kronikols 32:15 - Buka Blahi Ka Cheke Holo

¹⁵ Ghotilo thosei snakreni Hesekaea mala chaghi ghami nei batu fadiꞌa ghami jateula tuana eghu! Ghotilo thosei fatutuani ni mana! Theo kaisei nodi god keha kantri are teke fakarhidi nodi naiknore ka nomi nolaghi ghehati na! Iara cheke fadoglo ari ka ghotilo, nomi God ghotilo na theome tangomana te fakarhi ghami ghotilo na!”

Fapea Kronikols 32:15 ပူးပေါင်းရင်းမြစ်များ

Profet Daniel 3:15

Kate nomhidi ghotilo naogladi khufli, nifu, gita, belo, sesele nei keha nafnata khoje teu igre na, ghotilo ginauna tarabana mala maimanihini mumuju gol teke eni iara igne. Jame te theo ghotilo na, iara ginauna chekedi nogu mae soldia gre mala koko lao ghami ke lamna khaꞌaghi te brana fara na. Eghuteuna theo kaisei god nate mei fakarhi ghami ghotilo na.”

Eksodas 5:2

Nu king igne ne cheke eghu, “Ihei Lord na mala leghuni iara mana? Iara theome laseni mana, eghume iara ginauna theome tangomana nate snakre ghami te tei ghotilo na!”

Profet Isaia 36:18

“Ghotilo thosei snakreni mae Hesekaea mala chaghi ghami kate chekeni mana Lord ginauna fakarhi ghami ghotilo teu mana igne. Igne theome tutuani! Gaoghathomi ghotilo na nodi god keha kantri te uludi iara ka magra na igre ginauna tangomana te toghodi ka nogu nolaghi iara king gna Asiria gne neu si ghotilo ia? Theo!

Galesia 1:10

Ghotilo laseni, iara gne theome fariuriu mala keli tadi naiknore ka iara. Theo! Iara fariuriu mala keli tagna God ka iara. Jame tutuani me cheke famaemahedi nei muamugnadi eghu iara naiknore na, iara theome tangomana te nogna gloku mae Kraes na.

Mae Khuru 19:26

Nu ghotilo filonihi nei nomhinihi eghu themi unha te eni mae Pol igne. Mae igne baubatu fadiꞌadi fara naiknore, theome ka tahati agne Efesus kolho, nu ka Provins Esia tongana. Naugna mana ne cheke eghu, ‘God te gnafa teke hohoro naikno igre theome tutuani kolho.’

Fapea Kronikols 32:11

Jau King Hesekaea gne chaghi ghami ghotilo cheke eghu, ‘Lord noda God tahati igne ginauna fakarhi ghita ka khamegna king gna Asiria.’ Theo, mana chaghi ghami ghotilo kolho. Mana ginauna falehe ghami ghotilo kolho ka grofo nei roi koꞌu eghu.

Fapea Kings 19:10

“Iagho thosei snakreni God te fatutuani ni iagho igne mala chaghi nigho! Mana chekeni iara balugna nogu armi na ginauna theome tangomana nate hata namono Jerusalem.

Fapea Kings 18:29

Mana cheke ranghi ghami ghotilo mala thosei snakreni King Hesekaea mala chaghi ghami. Mana theome tangomana te fakarhi ghami ghotilo na!

Ululahu Kings 22:22

“Lord ne cheke eghu ka mana, ‘Ka unha nate eni iagho na?’ Naitu igne ne cheke eghu, ‘Iara ginauna tei chekedi nogna profet mae Ehab igre mala cheke chaichaghi mare.’ “Lord ne cheke eghu, ‘Tei sagho gognarogne, mala tei mana ka magra.’ ”

Fapea Kronikols 32:16

Mae biꞌodi Asiria igre edi kmana cheke mala cheke faparini Lord God, nei cheke faparini Hesekaea nogna mae gloku God.

Profet Daniel 8:11

Hona ikoi igne ne fafnaknoni thegna, eghuteuna mana ne cheke faparini God mae ihei te funei ka armi gna kligna na. Mana jaola lhotidi naiknore te fafara leghu narane ka God na. Eghuteuna mana goigonini nogna Sugablahi mana na.

Eksodas 10:10

Nu mae king ne cheke eghu ka mae Moses, “Iara na theome toreni Lord mala fablahi ghami ghotilo. Eghume iara na theome snakre ghami ghotilo te atha balumi goro gaꞌase nei goro sua gre teuna. Thono theo fara! Te laseni iara na, ghotilo magnahaghei te eꞌei puhi diꞌa ranghi ghami ghehati kolho.

Profet Esikiel 35:13

Iara neke nomhidi ngala kani teke cheke fahaehaghe nei cheke fadiꞌa ghau iara teu ghotilo ra.