Fapea Kronikols 32:1 - Buka Blahi Ka Cheke Holo

¹ Ke leghudi gobigna lepo te edi King Hesekaea eigna te leghuni mana chekegna Lord te tutuani na, King Senakerib gna Asiria haghe Juda balu nogna armi. Mare magra ka nodi namono naiknodi Juda te bara te lithui ka thina igre, eigna king gna Asiria igne magnahaghei te hata namono igre.

Fapea Kronikols 32:1 ပူးပေါင်းရင်းမြစ်များ

Profet Maeka 2:13

Ka narane tuana, Lord ginauna ei nabrou maladi nogna naiknore, aheva mana ginauna atha fajifladi mare ka kantri te khaba aheva mare teke huhurudi mare mala au tagna. Mare ginauna jifla ka namono te khaba igre, eghuteuna mare ginauna snagla. Lord kolho ginauna nodi king mare, eghuteuna mana thegna ginauna batudi mare mala kafe jifla ka namono tuana mala ke pulo ka nodi thofno namono na.”

Profet Hosia 11:5

Nu mare tirodi fara teke pulo mei ka iara na. Naugna igne mare nabadi teke figri Ijep na, eghuteuna maedi Asiria igre ginauna nake funei frunidi mare.

Profet Isaia 36:1

Ka fabotho fati finogha te funei King Hesekaea Juda igne, King Senakerib gna Asiria, mana ne haghe Juda balugna nogna armi na. Armigna Asiria igne magra heta ne hata namono biꞌo te gnafa ka kantri Juda te bara te lithui ka thina igre.

Fapea Kings 18:11

King gna Asiria ne hata naiknodi Israel igre ne tei ka nogna kantri na. Kehare tei ne lilisei ka namono Hala, kehare ka provins Gosan ka khoꞌu biꞌo Habor, eghuteuna kehare ka namono Media.

Fapea Kings 17:6

Ke lamnadi nheva finogha te funei King Hosea Israel igre, king gna Asiria ne uluni namono biꞌo Samaria, aonu king gna Asiria igne huhurudi naiknodi Israel igre hata ne tei ka nogna kantri na. Kehare au ka namono Hala, kehare au rhegna khoꞌu biꞌo Habor ka nohi Gosan, eghuteuna kehare ka namono Media.

Fapea Kings 15:19

Ka narane tuare, King Pul gna Asiria ne mei Israel mala magra ka mare. Nu King Menahem ne tusu lao tolufulu fati thogha kilo silva ka King Pul, keha nanghagna mana na, mae Tiglat-Pilesa, mala snakreni mae Menahem te mala funei fruni di naiknodi Israel.

Fapea Kronikols 32:2

Kate filoni glani King Hesekaea, King Senakerib te magnahaghei mei magra Jerusalem teu igne,

Fapea Kings 19:19

Nu iagho Lord, iagho nomi God ghehati maemi Israel. Fakarhi ghami ka khamedi mae Asiria gre, eghuteuna naikno te gnafa ka kantri te gnafa ka nauthoglu na igre ginauna laseni te kaisei iagho ngala God na.”

Fapea Kronikols 35:20

Ke leghudi narane te loku fahui King Josia gloku gna nogna Sugablahi Lord igne, King Neko gna Ijep batuni ne haghe nogna armi na mala magra ka namono Kakemis ka Khoꞌu biꞌo Iufretis. Aonu King Josia ne tei mala magra ka mana.

Profet Isaia 10:32

Mae naoka igre ginauna mei ka namono Nob. Mare ginauna filo lao ka Thogele blahi Saion jare Jerusalem, eghuteuna mare ngafa haghe khamedire balu faheaheta.

Profet Isaia 37:37

Aonu King Senakerib baludi nogna naikno te karha teure ne jifla ka namono igne neke pulo Ninive.