Fapea Kronikols 31:5 - Buka Blahi Ka Cheke Holo

⁵ Kate chekeni king igne, naiknore ne kelitadi fara te hata te mei gano saro ulu ka nagare nei oel majaghani, nei oliv oel, nei jujurukuli, nei keha gano ka nagare. Mare hata mei fabothodi nodi glepore.

Fapea Kronikols 31:5 ပူးပေါင်းရင်းမြစ်များ

Nehemaea 13:12

Aonu naikno te gnafa Juda igre hata neke mei fabothodi wit nei waen majaghani, nei oliv oel teu igre neke lilisei ka chogho te mala liliseidi glepo igre ka nogna Sugablahi God na.

Proveb 3:9

Ghatho tahuni Lord ka nou dedei, nei ka gano saro ulu ka nou nagare na.

Nehemaea 13:31

Iara chekedi naiknore mala hata mei gaju mala gahu fafara ka soasopai narane ka finogha na mala loku mae igre. Eghuteuna iara chekedi naiknore mala hata mei gano saro ulu ka nodi nagare re, mala fei ghedi mae pris nei mae Livaet nei keha glepoi langau eghu te nabadi mare. Nogu God, ghatho ghau nei keli ranghi ghau eghu.

Nehemaea 12:44

Ka narane igne, mare ne vahini kaisei tothoghei ka hatimare mae Livaet mala fiofiloni chogho stoa ka Sugablahi na. Jare te lilisei mare gano majaghani teke hata mei ka nagare nei fabothodi nodi gobigna lepore teuna. Glepo igre maladi hatimare mae pris nei hatimare mae Livaet, ka puhi igne mare tangomana te au ghedi gano nei glepo teuna, leghuni unha te chekeni ka nogna Vetula God na. Mae Livaet igre, mare jifla tei ka nagare te au faligoho ka namono na igre mala salo glepo igre, nei hata mei ka chogho te mala lilisei glepo ka Sugablahi na. Naiknodi Juda igre thofno kelitadi fara te eni igne, naugna mae pris nei mae Livaet teu igre mare loku fakeli fara.

Eksodas 35:5

Tahati gnafa mala fafara ka Lord. Ihei te magnahaghei fafara ka Lord, mana tangomana te tusu lao: “gol, silva, bras,

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Jemes 1:18

Leghuni nogna gaoghatho thegna na God ne tusu ranghi ghita u karha majaghani na kau chekegna te tutuani, mala tangomana tahati te ulu lahu ka gobigna lepo teke hohoro thegna re.

Ululahu Korin 15:20

Nu tutuani fara God neke fakarha fapuloni Kraes kau glehe. Eghuteuna igne kaisei fagaglana eigna God nate fakarha fapulodi naikno te gnafa teke fatutuani ni mana tela lehehira ginauna.

Naba 18:12

“Iara ngala teke tufa ari oliv oel nei waen majaghani nei famane gano teu ka ghotilo are. Eghume leuleghu finogha na, ghotilo ginauna tufa mei gano saro uludi ka nagare re ka iara Lord.

Eksodas 34:26

“Leuleghu finogha, ghotilo ginau atha mei famane gano saro ulu ka nagare ghotilo ra ka nogu suga iara Lord, nomi God ghotilo, mala fafara ka iara. “Eghuteuna jame ghotilo kuki kaisei sipu majaghani ba nanigot, ghotilo ginauna thosei kuki sua nanigot ka kholo chuꞌugna idogna gna.”

Eksodas 34:22

“Ka narane te tei atha wit saro ulu ka nomi nagare are, leuleghu fata na ghotilo eni gaghamu ka Narane Biꞌo gna Fitu Wik. Eghuteuna ka narane igne gloku ka nagare ra ginauna hui, ghotilo jaola mala eni Narane biꞌo te mala Au ka Grorofe Ikoi.

Eksodas 23:19

“Ghotilo atha mei ka nogna Grorofe Blahi nomi Lord nei God na gano majaghani te thofno keli fara te salaꞌui ka nomi nagare na are. “Ghotilo thosei kuki sua nanigot na ka kholo chuꞌugna idogna na.”

Eksodas 22:29

“Ghotilo thosei thodo te atha wit nei oliv oel nei waen mala fafara ka iara. Thumi nalhaꞌu teke kulu karha ka ghotilo are, nei

Letas Teke Riso Tei Mae Pol Ka Khiloau Rom 8:23

Nu theome glepo tuare kolho te tanhi eghu na. Tahati theda, eigna God neke tusu mei Tharunga te Blahi na ka tahati jateula kaisei nhaꞌa cheke glepo keli na mei ke leghu. Tutuani, tahati jaola eha ke lamnada balu kabru. Naugna tahati ofoni God fabrahu mala fasnagladi thinidare nei tusu ranghi ghita u thini majaghani, mala tangomana tahati te thofno thugna mana na.

Levitikas 27:30

“Eghuteuna ka gano te gnafa teke hata ka nomi nagare ghotilo re, ba ka nomi gaju ghotilo re, ghotilo mala tusu mei kaisei ka fabothodi glepo te gnafa tuare ka iara. Kaisei ka fabotho igne blahi nei nogu iara Lord.

Naba 18:8

Aonu Lord neke cheke eghui ngala ka mae Eron, “Uve, fafara te blahi te funu ka naiknodi Israel te theome raꞌe gahu te knoro igre, iara ginauna tufa ari fafara igre ka iagho nei thumu iaghore eghu. Eghuteuna glepo tuare ginauna nomi ghotilo fabrahu.

Naba 18:13

Eghuteuna gano saro ulu teke atha naikno ka nagare te fafara mei ka iara Lord igre, gobigna lepo tuare nomi ghotilo. Eghuteuna iheire naikno te gnafa te klino ka tathagu iara te au ka sugamu iagho are ngala te tangomana imadire.