Fapea Kronikols 31:4 - Buka Blahi Ka Cheke Holo

⁴ King Hesekaea ne cheke ka iheire te au Jerusalem mala hata mei glepo thufa maladi mae pris nei mae Livaet, mala loku kolho mare ka unha te chekeni ka nogna vetula Lord na.

Fapea Kronikols 31:4 ပူးပေါင်းရင်းမြစ်များ

Profet Malakai 2:7

“Mae pris igre nogu mae mala atha nonomho iara Lord mae te au nolaghi fateoteꞌo. Eghume, mare mala farirhiudi naiknore mala lase fakelini thofno puhigu iara na, eghuteuna naiknore mala mei atha glalase ka mare.

Galesia 6:6

Hatimare mae velepuhi te farirhiuni chekegna God na mare nabadi te hata glepo te keli ka iheire te nomhini u farirhiu na.

Fapea Kronikols 31:16

Eghuteuna mare jaola tufa gano ka thudi nalhaꞌu mae pris te funu ka thilo finogha fei haghe. Mare ginauna au nodi nolaghi te mala tei loku ka nogna Sugablahi Lord. Puhi te tufa gano mare igne leghuni nodi nafnata gloku tothoghei mae pris.

Hibru 7:5

Te laseni tahati na mae pris te gnafare karha mei ka vikegna mae Livae kolho. Eghuteuna nogna vetula mae Moses na, cheke ka naiknore mala tufa fabothodi unha te atha gano ba glepo naiknore maladi hatimare mae pris. Hatimare mae pris gre atha gano ba glepo ka naiknodi Israel kolho, eigna neuba mare ne thabusigna jaola vikegna mae Ebraham neu.

Diutronomi 18:8

Eghuteuna mana tangomana te au thufagna ka gano teke fafara re jateula keha mae pris gre eghu, neuba mana ne hata thotogho ka kheragna re.”

Profet Esikiel 44:30

Gano saro ulu te hata ghotilo ka nomi nagare are, eghuteuna gano hata te mei ghotilo are eghu maladi mae pris. Leuleghu fata na, ghotilo mala jaola tufa bret teke edi ghotilo ka flaoa saro ulura nodi mae pris, eghuteuna iara ginauna fablahidi tharaknami ghotilo are.