Fapea Kronikols 30:8 - Buka Blahi Ka Cheke Holo

⁸ Ghotilo thosei patugama jateula mare eghu. Ghotilo mala faꞌuveni Lord. Eghuteuna mana neke horo nogna Sugablahi na Jerusalem mala blahi fabrahu. Ghotilo mei ka Sugablahi igne mala tarai ka mana, mala theome diꞌatagna mana ka ghotilo.

Fapea Kronikols 30:8 ပူးပေါင်းရင်းမြစ်များ

Fapea Kronikols 29:10

Gognarona iara ghaoghatho mala eni kaisei nhaꞌa cheke balugna Lord nodi God mae Israel, mala theome diꞌatagna mana ka tahati.

Eksodas 32:9

Aonu Lord ne cheke eghu ka Moses, “Iara filodi naikno igre maku jateula thina eghu fara nagnafadi re.

Diutronomi 10:16

Eghume, ghotilo kato koko gobigna lepo ka gaoghathomi ghotilo te patu gama nei theome tajini teu nogna nhaꞌa cheke Lord igne.

Thakle 7:15

Naugna igne mare kegra ke ulugna nogna sape nafnakno God na mala fafnaknoni mana. Mare theome gnafa bongi narane na pogho soru ranghini mana ke lamnagna nogna Sugablahi igne. Eghuteuna God mae ihei te gnokro ka sape nafnakno na ginauna au baludi mala reireghi fakelidi.

Letas Teke Riso Tei Mae Pol Ka Khiloau Rom 10:21

Nu eigna Israel na God ne cheke eghu, “Leghu narane na iara kilodi iheire te huhughu nei iheire te patugama fara, naugna iara magnahaghedi mare mala ke pulo mei ka iara.”

Letas Teke Riso Tei Mae Pol Ka Khiloau Rom 6:22

Nu gognaro na God hata fasnagla ghamihi ka nakhibo tuare mala nogna mae sneka mana. Eghume nakarhami ghotilo na mala blahi nei ginauna ghotilo hatini karha fei tifa na eghu.

Jone 12:26

Jaola mae ihei te magnahaghei loku ranghi ghau iara na, mana mala leghu ghau iara. Eghuteuna nogu mae gloku iara tuana ginauna tei balugu iara ka namono aheva te tei iara na. Eghuteuna mae Kmagu iara na ginauna ghatho tahuni mana.”

Matiu 4:10

Mae Jisas ne cheke eghu ka mana, “Tei delei, ghema Satan! Naugna te chekeni teu kau grioriso te blahi na, ‘Iagho pogho soru ranghini Lord nou God, eghuteuna loku ranghini kolho mana.’ ”

Nodi Khoje Hatimare Mae Jiu 78:49

Mana neke thono diꞌatagna fara, aonu mana neke eꞌei puhi biꞌo mala thokedi mare. Diꞌatagna mana na jateula bukrei engel neu ne soru mei mala au papara mare.

Nodi Khoje Hatimare Mae Jiu 73:17

Ghilei posa ka narane te tei te ruma iara te mala pogho soru nigho ka sugamu te blahi na. Ka vido tuana ngala ne laseni nga iara unha nate thokedi naikno te diꞌa gre ginauna.

Nodi Khoje Hatimare Mae Jiu 68:31

Hatimare mae biꞌo ka gavman gna Ijep ginauna ari mala fanomho ka iagho. Hatimare maedi Sudan ginauna ngafa haghe khamedire mala tarai ka iagho.

Nodi Khoje Hatimare Mae Jiu 68:24

God, iagho nogu king iara, naiknore filo nigho te ulunihi iagho magra igne. Eghuteuna naiknore filo nigho iagho te tei ruma iagho ka nou suga te blahi na.

Nodi Khoje Hatimare Mae Jiu 63:2

Iara magnahaghei te ari te filo nigho ka sugamu na, mala laseni iara nou nolaghi biꞌo nei nafnakno teu iagho na.

Esra 10:19

Mare ne nhaꞌa cheke mala koko khetodire. Eghuteuna naugna eidi nakhibodire, mare hata kaisei sua sipu mala fafara ka God.

Fapea Kronikols 36:13

King Nebukadnesa huhuruni Sedekaea mala eni kaisei nhaꞌa cheke mala leghuni mana. Nhaꞌa cheke igne, phiamare eni ka nanghagna God. Nu ke leghu na, mae Sedekaea ne huhughuni nhaꞌa cheke igne, eghuteuna mana ne theome leghuni King Nebukadnesa. Mana patugama fara ne theome magnahaghei te tughu nagnafa mala teke pulo mei ka Lord.

Fapea Kronikols 28:13

Fati mae igre ne cheke eghu, “Ghotilo thosei hata mei naikno tuare agne! Te eghuna tahati nabada te papara ka tathagna Lord. Ba, ghotilo magnahaghei te edi kmana glepo te diꞌa mala biꞌo salaꞌui tahati papara na sia? Tahati gne nabadahi te papara na, eghuteuna Lord thono diꞌatagna fara ka tahati naiknoda Israel!”

Fapea Kronikols 28:11

Gognarona ghotilo fanomho mei ka iara! Lord na diꞌatagnahi ka ghotilo! Ghotilo ke kuru fapulodi kherami teke hata teke mei ghotilo are.”

Fapea Kings 23:26

Neubane eghu ngau, Lord diꞌatagna fabrahu ka glepo te diꞌa teke edi King Manase ka naiknodi Juda tifa ra.

Josua 24:15

Nu gognarona jame te tiromi leghuni ghotilo mana na, ghotilo mala vavahi god aheva gne te magnahagheni ghotilo na. Jame te magnahaghei leghudi ghotilo nodi god te chaichaghi naiknodi Mesopotemia teke tarai kuꞌeda tahati tifa igre teu tuare nomi ghotilo te mala ghathodi re. Ba jame ghotilo magnahaghei te leghudi nodi god te chaichaghi vikegna Amoa aheva te au teu tahati ka nodi glose na gognarogne, igne jaola nomi ghotilo te mala ghathoni na. Nu iara, balugna tharaknagu gne, ghehati ginauna leghuni kolho Lord.”

Diutronomi 6:17

Leuleghu fata na ghotilo mala thofno leghudi nogna cheke Lord, nei farirhiu nei vetula eghu teke tusu ari mana ka ghotilo ra.

Diutronomi 6:13

“Ghotilo mala ghatho tahuni Lord, nomi God, mala loku ranghini kolho mana. Eghuteuna ghotilo nhaꞌa cheke kolho ka nanghagna mana.

Esra 10:14

Eghume te ghathoni ghehati na, jame te keli na lisa lao ka noda mae lida tahati igre mala filo fakelini ghu mare puhi biꞌo igne, mala ke pulo ghu ghehati ka namonomi re. Ke leghu, mae iheire te tolaghi ka gaꞌase bongihehedi keha kantri igre ginauna faidu baludi mae lida nei mae mala fate teugna nogna namono na mala fadoglini puhi biꞌo igne. Ka puhi igne, diꞌatagna God eigna nakhiboda tahati te biꞌo igne ginauna gnafa.”

Profet Jeremaea 50:15

Khapru faligohoni namono igne, eghuteuna eha fabiꞌo ka mare! Naikno gna namono igne ginauna snakredi thedi ka ghotilo. Nodi vido mala poru mare balugna nodi gringni gna namono na ginauna groꞌe khoko sukha pari. Igne puhigu iara Lord nate paradi mare na. Eghume, iara magnahaghei ghami ghotilo te paradi mare na jateula teke eni mare teke paradi keha naikno ra eghu.

Fapea Kronikols 6:5

‘Funu ka narane teke hata iara nogu naiknore teke jifla mei funu Ijep, te ghilei mei posa gognarogne, iara neke theome vahini kaisei namono biꞌo ka vikegna Israel te mala horo kaisei nogu Sugablahi iara mala tufru soru ghau iara. Eghuteuna iara neke jaola neke theome vahini kaisei mae te mala batu ghami ghotilo na.

Fapea Kronikols 6:6

Nu iara vahini Jerusalem namono aheva te mala tufru soru ghau iara, eghuteuna iara neke vahini Devet mala king frunidi nogu naikno iara Israel.’ ”

Fapea Kronikols 7:16

Iara ngala neke vahini nei fablahini neku Sugablahi teke horo iagho igne. Nanghagu iara na ginauna au fabrahu ka vido igne. Iara ginauna reireghini, eghuteuna iara ginauna ghatho branani fabrahu.