Fapea Kronikols 30:5 - Buka Blahi Ka Cheke Holo

⁵ Ka narane tuana, mare ne fatei cheke ka naikno te gnafa Israel, funu ka namono Bereseba ke mata Juda, tei posa ka namono Dan ke raru Israel. Mare ne kilo fodu meidi naiknore Jerusalem mala eni Gaghamu Ghasa-Polho igne. Eghuteuna khaputudi naikno teke mei ka narane igne salaꞌudi naikno teke mei ka keha narane tifeiro ra.

Fapea Kronikols 30:5 ပူးပေါင်းရင်းမြစ်များ

Jajis 20:1

Naikno te gnafa Israel igre ne loku fodu jateula kaisei tothoghei neu ne kafe mei ke ulugna Lord jare Mispa. Mare mei funudi ka namono te gnafa, funu ke raru namono Dan, nei ke mata namono Bereseba, nei ka rijon ke maghati Gilead.

Ululahu Korin 11:2

Iara cheke fakeli ghami ghotilo naugna ghotilo theome ghatho ihodi puhigu iara re, eghuteuna thofno leghuni nogna farirhiu khiloau teke tusu ari iara ka ghotilo ra.

Profet Daniel 6:8

King, iagho chekedi mae sekretri ra mala rioriso vetula igne ka buka. Eghuteuna iagho lilisei nanghamu na ka vetula igne mala leghuni naiknore. Vetula igne malada tahati gnafa naikno te au ke lamnadi phei kantri Media ghe Pesia. Eghume, theome tangomana kaisei naikno ka phei kantri igre teke tughu na vetula igne.”

Fapea Kronikols 36:22

Ka finogha ululahu te funei fruni King Saeras Babilonia igne, Lord ne loku ka gaoghathogna king igne mala eni kaisei cheke. Nogna sekretri mana re ne rioriso sukha cheke igne, eghuteuna mana ne fatei nonomho igne ka namono te gnafa ke lamnagna nogna kantri na, mala iuꞌiju fajifla ka naiknore. Lord ne eni igne mala thoke mei tutuani nogna nonomho Lord teke chekeni Profet Jeremaea ia. Cheke igne neke cheke eghu,

Fapea Kronikols 35:18

Funu ka narane gna Profet Samuel tifa te mei posa ka narane gna Josia na, theo kaisei naikno teke eni jateula Gaghamu Ghasa-Polho igne teku tifa na. Eghuteuna theo kaisei king gna Israel teke eni kaisei Gaghamu Ghasa-Polho biꞌo jateula te eni King Josia baludi mae pris nei mae Livaet nei naiknodi Jerusalem, nei naiknodi Juda, nei naiknodi Israel teu igne na.

Fapea Kronikols 24:9

Eghuteuna mare ne fatei nogna cheke king igne Jerusalem nei ka keha namono Juda. Mana cheke ka naiknore mala hata mei nodi takis re mala tusu lao ka Lord. Igne u takis teke chekeni mae Moses nogna mae gloku God ka vikegna Israel ke lamna namono nagou.

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Levitikas 23:4

“Keha Narane biꞌo te mala kafe khapru mei te mala kilo fnakno ghau iara, iara neke vahini malami ghotilo, eghuteuna iagho mala chekeni thofno narane gna na ka naiknore.

Levitikas 23:2

“Cheke ka naiknodi Israel. Igre nogna narane biꞌo Lord mala khapru mei ghotilo mala kilo fnakno ghau iara.”

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.