Fapea Kronikols 30:18 - Buka Blahi Ka Cheke Holo

¹⁸ Naikno ke kmana na mei funudi Efrem, nei Manase, nei Isaka nei Sebulun, mare ne ghamu ka Gaghamu Ghasa-Polho igne, nu mare theome kulu fagaedi thedi ka tathagna Lord, eghume mare theome leghuni vetulagna Ghasa-Polho na. King taraidi mare ne cheke eghu, “Lord, iagho thofno keli fara. Iara tore nigho iagho mala hata koko nakhibodi iheire te tufru soru nigho God.

Fapea Kronikols 30:18 ပူးပေါင်းရင်းမြစ်များ

Ululahu Korin 11:28

Naugna igne mana kulu filo glaninighu nagnafagna thegna na ame ima nga bret igne nei koꞌu nga hinao igne eghu.

Profet Daniel 9:19

Lord, fanomho sagho ka nomi tharai ghehati gre. Lord, hata fadelei sagho nakhibomi ghehati gre. Lord, fanomho mei ka ghehati sagho mala togho ghami. Faghose sagho, thosei ofo mala laseni naiknore te iagho God na. Kate au fakeli nou namono iagho Jerusalem igne nei ghehati nou naikno iagho gre au fakeli langau teuna, ghehati te gnafa na ginauna ghatho tahuni nanghamu iagho na.”

Fapea Kronikols 6:21

Fanomho ka nogu tharai iara nou mae gloku gne, eghuteuna fanomho ka nodi tharai nou naikno iagho gre, kate mei tarai mare ka vido igne. Neubane au neu iagho ka namonomu na kligna, fanomho mei ka nomi tharai gre. Eghuteuna kate fanomho iagho na, hata fadeleidi nakhibomi gre eghu.

Nodi Khoje Hatimare Mae Jiu 25:8

Naugna Lord na mae doglo nei mae keli eghu, mana farirhiudi naikno te diꞌa re mala leghuni puhigna mana na.

Fapea Kronikols 30:25

Naiknodi Juda nei hatimare mae pris baludi mae Livaet, nei naiknodi Israel eghu ne mei, eghuteuna naiknodi keha kantri re jaola ne mei, mare te gnafa na ne kafe glealeꞌa fara.

Fapea Kronikols 30:11

Nu keha naikno ka vikegna Asa, nei keha naikno ka vikegna Manase, nei keha naikno ka vikegna Sebulun eghu ne au faparidi thedi ne mei Jerusalem.

Naba 19:20

“Nu mae ihei te theome fagaeni thegna ka khoꞌu blahi igne na, mana theome klino ka tathagu iara na, nei mana theome tangomana te jugru ka Suga Thapuale te blahi igne, naugna khoꞌu mala atha koko nakhibo igne ne theome fuafusa lao ka mana. Nu jame te tei mana ka Suga Tapuale te blahi na kate theome doglo teu na, mana goigoni nogu Sugablahi iara na. Eghuteuna, mana ginauna jifla ka naiknodi Israel gre.

Jenesis 20:7

Gognaro na iagho ke hata fapulo gaꞌase igne ka mae thofno khetogna na, naugna mae igne kaisei nogu mae profet iara, eghuteuna mana ginauna na tarai nigho iagho, eghuteuna iagho ginauna na theome tangomana te lehe na eghu. Nu jame te theome hata fapulo iagho gaꞌase igne na, iagho ginauna na lehe baludi nou naiknore.”

Ululahu Jone 5:16

Jame kaisei naikno ka ghotilo filoni mae kheragna fofodu ka khiloau na tapla jafra ka nakhibo te theome nabagna te mala au ka glehe fei tifa na, tarai ka God eigna mae kheragna fofodu ka khiloau te tapla jafra ka nakhibo tuana. Eghuteuna God ginauna na tusu ranghini u karha. Iara cheke eidi naikno te tapla jafra ka nakhibo te theome nabagna te mala au ka glehe fei tifa na. Nu jare kaisei nafnata nakhibo nabagna te mala au ka glehe fei tifa na, eghuteuna iara theome chekeni ka ghotilo mala tarai ka God eigna nafnata nakhibo tuana.

Nodi Khoje Hatimare Mae Jiu 119:68

Iagho keli fara nei eni unha te keli na eghu ranghi ghau iara. Eghume, farirhiu ghau iara sagho nou vetulare eghu.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Jenesis 20:17

Lord ne theome snakredi khetogna nei nogna gaꞌase gloku eghu mae Abimelek gre te au sua na. Igne ke tughugna puhi teke eni mae Abimelek ka Sera khetogna mae Ebraham na. Aonu mae Ebraham ne toreni God mala ke fakarha fapuloni mae Abimelek, khetogna nei nogna gaꞌase gloku teu mana re neke tangomana teke au sua na.

Nodi Khoje Hatimare Mae Jiu 36:5

Lord, nou namha iagho na thono biꞌo fara tei posa ka maloa gro. Puhi te tajini fabrahu iagho nou nhaꞌa cheke na biꞌo fara tei posa ka khoveo gro.

Fapea Kronikols 34:9

Thilo mae igre ne mei ka pris biꞌo Hilkaea baludi sileni mala horo fapulo gna Sugablahi igne. Mae Livaet te mala reireghi grengathagna Sugablahi igne mare hata ne mei sileni igre ka Sugablahi na. Mare neke salo sileni igre funu ka naiknodi Manase, nei funudi ka naiknodi Efrem, nei funudi ka keha naiknodi Israel, nei funudi ka naiknodi Juda, nei funudi ka naiknodi Benjamin, nei funudi ka naiknodi Jerusalem.

Levitikas 10:20

Eghuteuna kate nomhi mae Moses igne, unha te chekeni mae Eron igne thofno doglo kolho ka Moses.

Naba 9:7

“Ghehati gne theome gae ka tathagna Lord na naugna ghehati neke habo ka thinidi naikno te lehe re. Ba, theo keha puhi te tangomana ghehati te eni gaghamhu nei fafara ka Lord teuna?”

Fapea Kings 5:18

Nu toreni Lord mala hata fadelei nakhibogu iara. Kate tei tarai nogu king iara gne ka nogna Sugablahi god Rimon igne, iara ginauna toghoni king mala nolo balugna mana. Eghuteuna jame te pogho soru iara balugna king ke lamnagna nogna Sugablahi Rimon igne na, snakreni Lord mala hata fadelei nakhibogu iara gre.”