Fapea Kronikols 3:8 - Buka Blahi Ka Cheke Holo

⁸ Mare ne horo Chogho te Thofno Blahi fara na. Eghuteuna brahugna chogho igne nheva mita, eghuteuna krepagna na jaola nheva mita. Fafajagna na leghuni krepagna Sugablahi igne. Mare toku tafru ka gol gringni gna Chogho te Thofno Blahi igne. Tahudi gol igre, varadaki kaisei thogha kilo.

Fapea Kronikols 3:8 ပူးပေါင်းရင်းမြစ်များ

Eksodas 26:33

Iagho mala fagegefe pohe biꞌo igne ka thagho teke horo ka gol, mala fofota gna chogho biꞌo ke lamnagna suga tapuale igne ka phia vido. Chogho ululahu igne mare kiloni Chogho Blahi, eghuteuna keha chogho na au ke dela gna, Thofno Chogho Blahi igne. Eghuteuna iagho mala lilisei lamna ka Thofno Chogho Blahi igne nogu Bokis Nhaꞌa Cheke Blahi iara na.

Hibru 10:19

Uve, kheraguro, naugna ka dadaragna mae Kraes teke thofa ka glehegna mana ia, tahati au noda nolaghi te mala ruma ka chogho te blahi fara ke ulugna God igne.

Hibru 9:9

Igne kaisei thotoghale te mala laseni tahati ka unha glepo te thoke mei gognaro na. U gaoghathogna u thotoghale igne eigna u fafara nei kilo fnakno te edi mae pris ka God igre theome naba te famane fagagaeni nagnafagna naikno te mei ka God na.

Hibru 9:3

Ke lamnagna suga tapuale igne au fapea chogho na eghuteuna mare lilisei kaisei pohe jare mala fanogra gna grengatha na. Mare kiloni chogho igne “Chogho thono blahi fara”.

Ululahu Kings 6:16

Eghuteuna lamna ka khukru gna Sugablahi na, mare horo kaisei chogho ikoi, mare kiloi chogho igne, “Chogho Thono Blahi Fara.” Brahugna chogho igne thokeni nheva mita, eghuteuna mare horo gringni igne ka thaba sida. Gringni igne funu pari tei posa kligna.

Profet Esikiel 41:4

Mana jaola fafaja chogho lamna igne. Chogho igne kaisei nanaba ngala, eigna fati philegna re nabotho mita. Chogho igne au ke leghugna Chogho Blahi na, eghuteuna mae igne ne cheke eghu ka iara, “Igne ngala Chogho te thofno Blahi fara na.”