Fapea Kronikols 3:1 - Buka Blahi Ka Cheke Holo

^1-2 Aonu ka fafati finogha ka fapea nhigra te king mae Solomon igre, mana ne funu loku ka nogna Sugablahi Lord. Mana ne horo Sugablahi igne Jerusalem ka vido aheva teke vahinihi kmagna mana King Devet, teke tarabanahi vido te mala babana Sugablahi igne ke kligna Thogele Moriah, ka vido te mala fagagae wit mae Arauna tifa ia, mana vikegna mae Jebus. Igne vido aheva Lord teke fakakhanani thegna ka mae Devet ia.

Fapea Kronikols 3:1 ပူးပေါင်းရင်းမြစ်များ

Ululahu Kronikols 21:18

Aonu Engel nogna Lord na ne cheke ka profet Gad mala tei mana filoni mae Devet, eghuteuna chekeni mana mala tei eni kaisei nogna olta Lord ka nogna vido mala fagagae wit mae Arauna, maegna Jebus.

Jenesis 22:14

Aonu mae Ebraham ne kiloni vido igne, “Lord ginauna na tusu mei ranghi ghita.” Eghuteuna gognaro ba gne tahati tangomana te kafe cheke eghu na, “Ke kligna gna thogele na Lord ginauna na tusu mei ranghi ghita unha te magnahagheni tahati na.”

Jenesis 22:2

Aonu God ne cheke eghu ka mana, “Iagho au kaisei mae thumu nalhaꞌu kolho, mae Isak, mae ihei iagho te namhani fara, hata mae sitei igne tei ka nohi Moriah. Iara ginauna na falalase ka iagho kaisei thogele jare. Ka thogele igne te mala falelehe iagho mae thumu Isak gne te mala gahu re mala fafara ka iara na.”

Ululahu Kronikols 22:1

Aonu mae Devet au neu ka nogna glose mae Arauna igne ne cheke eghu, “Tahati ginauna horo nogna Sugablahi Lord mae ihei te God na ka vido igne. Eghuteuna olta te mala gahu fafara na ginauna jaola au agne.”

Mae Khuru 7:47

Nu neubangau, ke leghu neke hohoro nga mae King Solomon u suga tuana neu.

Ululahu Kronikols 6:10

Mae Johanan gne neke kmagna mae Asaraea. Mae Asaraea gne neke mae pris biꞌo ka Sugablahi Jerusalem.

Fapea Samuel 24:16

Eghuteuna engel te mala falehe naikno ka fogra igne ne tei thoke Jerusalem. Nu Lord ne kokhoni nognadi naiknore ne cheke eghu ka engel igne, “Gnafa jareghu! La nabahi!” Ka narane igne, engel nogna Lord na kegra neu rhegna vido te mala koko khune wit na. Igne nogna vido glose mae Arauna, kaisei mae ka vikegna mae Jebus.