Fapea Kronikols 28:8 - Buka Blahi Ka Cheke Holo

⁸ Neuba naiknodi Juda ghe Israel gre ne thabusigna, soldia di Israel igre hata phei gobi thogha gaꞌase, nei sua eghu hata ne tei mala sosolo Samaria. Eghuteuna mare jaola hata ne tei baludi kmana glepo te keli.

Fapea Kronikols 28:8 ပူးပေါင်းရင်းမြစ်များ

Fapea Kronikols 11:4

Lord ne cheke eghu: Ghotilo thosei tei magridi thabusimi ghotilo are. Ghotilo ke kafe pulo ka namono, naugna iara ngala teke eni glepo igne!” Aonu mare ne leghuni nogna cheke Lord igne ne theome tei magra ka Jeroboam.

Diutronomi 28:41

Ghotilo ginauna au thumi nalhaꞌu nei gaꞌase, nu ghotilo ginauna theome tajidi naugna mae soldia ginauna hata tei ka sosolo.

Diutronomi 28:25

“Lord ginauna toghodi mae naoka re mala ulu ghami ghotilo. Neuba ghotilo ne mei fodu ne kaisei mala magridi mare, ghotilo ginauna rikha ka soasopai nabrou. Eghuteuna naikno ka nauthoglu igne ginauna ghatho ghami ghotilo na kaisei glepo diꞌa kolho.

Mae Khuru 13:26

“Uve, kheraguro, ghotilo vikegna mae Ebraham, nei ghotilo naikno te theome Jiu te mei ka tharai te mala pogho soru ranghini God ra, fanomho fakeli ka iara! Te laseni tahati na God neke snakre meini u Nonomho te Keli eigna u thofno karha igne ka tahati.

Mae Khuru 7:26

Ka keha narane na, mae Moses neke filodi phei maedi Israel ne magra neu. Mana ne fariuriu salo fodudi phiamare ka namha mala thosei magra. Mana ne cheke eghu, ‘Sei, phia mae! Ghopa thabusigna sia, ba magra unha si ghopa ia?’

Fapea Kings 6:22

Nu mae Elisa ne cheke eghu ka mana, “Theo, iagho thosei falehedi mare. Jame te lokidi iagho ka magra na, iagho thosei aknu falehedi mare. Theome doglo te eghu iagho na. Iagho faghamudi nei fakoꞌudi eghu, eghuteuna ke kuru fapulodi ka nodi king na.”

Fapea Kronikols 28:7

Ka narane tuana, Sikri kaisei soldia rheta gna Efrem, mana ne aknu falehe thilo mae biꞌo di Juda: mae Masea, thugna King Ehas, mae Asrikam mae biꞌo ka suga gna king, nei mae Elkana nogna mae nafnakno biꞌo king.

Fapea Kronikols 28:11

Gognarona ghotilo fanomho mei ka iara! Lord na diꞌatagnahi ka ghotilo! Ghotilo ke kuru fapulodi kherami teke hata teke mei ghotilo are.”

Profet Isaia 9:21

Vikegna mae Manase igre ginauna magra ka vikegna mae Efrem, eghuteuna vikegna mae Efrem igre ginauna magra ka vikegna mae Manase igre. Eghuteuna phei vike igre ginauna loku fodu mala magra ka vikegna mae Juda. Nu neuba Lord ne paradi, mana theome gnafa te diꞌatagna ka mare na. Eghuteuna Lord ginauna tarabana mala paradi naikno igre.