Fapea Kronikols 28:5 - Buka Blahi Ka Cheke Holo

^5-6 King Ehas edi kmana puhi te diꞌa, eghuteuna naiknodi Juda igre jaola figri tagruni Lord nodi God kuꞌedi tifa ra. Aonu God ne kuruni king gna Siria balugna nogna armi na mei magra ne uluni King Ehas balu nogna soldia. Eghuteuna mare hata kmana naiknodi Juda ne tei sosolo Damaskas. Eghuteuna ke leghu, Lord ne kuruni Peka king gna Israel thugna Remalaea. Nogna armi King Peka igne ne aknu falehe kaisei gobi varadaki thogha famane soldia di Juda ka kaisei narane kolho.

Fapea Kronikols 28:5 ပူးပေါင်းရင်းမြစ်များ

Profet Isaia 7:1

Ehas thugna King Jotam, eghuteuna Jotam na thugna King Iusaea. Ka narane Ehas te king gna Juda igre, Peka thugna King Remalaea gognarona king gna Israel. Eghuteuna ka narane tuare, King Peka baludi naiknodi Israel igre ne loku fodu balugna King Resin baludi naiknodi Siria mala tei magra Jerusalem, nu mare ne theome uluni namono igne.

Fapea Kronikols 24:24

Soldia di Siria igre theome kmana fara, nu Lord toghoni armigna Siria igne mala uludi soldia di Juda te kmana fara re. Mana eni igne naugna naiknodi Juda gre ne lisa kokoni Lord nodi God kuꞌedi mare tifa ra. Eghume ka puhi igne, Lord ne parani King Joas.

Profet Isaia 7:6

“Mare magnahaghei te mei magra ka ghotilo mala hata namono Juda. Eghuteuna mare magnahagheni thugna mae Tabel te mala king jare na.”

Fapea Kronikols 36:17

Aonu Lord ne kuru teini king gna Babilonia mala tei magra Jerusalem. Eghuteuna ka narane tuana, king igne ne kokhoni nognadi mare, aonu maedi Babilonia igre ne aknu falehe mae majaghanidi Juda re. Neuba ne mae majaghani, ba gaꞌase majaghani, mae nalhaꞌu, ba mae khuekuꞌe, God ne snakredi naikno igre mala kafe lehe ka khamegna Nebukadnesa. Neubane poru kehare ka Sugablahi na, mare tei ngala ka Sugablahi igne ne falehedi mare.

Fapea Kronikols 36:5

Ka narane te king Jehoakim Juda na, mana neke varadaki glima finogha gna. Eghuteuna mana king Jerusalem nabotho kaisei finogha. King igne mana edi glepo te diꞌa ka tathagna Lord nogna God.

Fapea Kronikols 33:11

Aonu Lord ne snakredi komandadi armi gna Asiria mala mei magra ka mare. Mare ne lokini Manase, ne fachakhi lao thagho ka nehugna mana na. Mare haruni mana chen teke horo ka bras, eghuteuna mare hatani mana ne tei Babilon.

Jajis 2:14

Diꞌatagna Lord na ne thono brana fara ka mare ne snakre laodi ka khamedi nodi naoka te au faligohodi mare. Eghuteuna nodi naoka mare igre raꞌe ne nheta fara, eghuteuna naiknodi Israel igre ne theome tangomana te reireghidi thedire. Eghuteuna naoka igre blau koba nodi gobigna lepo re.

Fapea Kronikols 29:9

Naugna igne, mae naoka ra neke aknu falehe kmada tahati ra eghuteuna mare neke hata khetoda nei thuda teku tahati ra.