Fapea Kronikols 28:12 - Buka Blahi Ka Cheke Holo

¹² Fati mae biꞌo di Israel te au ke raru ka namono Efrem, mare jaola theome gleꞌani puhi te eni soldia di Israel igne. Nanghadi re igre: mae Asaraea thugna mae Jehohanan, mae Berekaea thugna mae Mesilemot, mae Jehiskaea thugna mae Salum, nei mae Amasa thugna mae Hadlae.

Fapea Kronikols 28:12 ပူးပေါင်းရင်းမြစ်များ

Profet Jeremaea 26:6

Jame te tiromi leghudi ghotilo nogu cheke iara re, iara ginauna goigoni Sugablahi igne, jateula teke eni iara ka namono biꞌo Saelo tifa ia eghu. Eghuteuna kate eni iara igne, naikno te gnafa ka nauthoglu igne ginauna cheke fadiꞌani nanghagna namono Jerusalem.’ ”

Ululahu Kronikols 28:1

Mae Devet ne fatei cheke ka hatimare mae biꞌodi Israel mala kafe mei Jerusalem. Mana ne kilo meidi goro mae funeidi vike te gnafa, nei komandadi nogna tothoghei armi king, nei keha komanda ka armi, nei goro mae biꞌo te fiofilodi nogna gobigna lepo mana re, nei goro mae biꞌo te fiofiloni nogna suga biꞌo, nei nogna hose, nei goro thugna, nei nogna soldia teu king te thofno nheta tulao.

Fapea Kronikols 28:11

Gognarona ghotilo fanomho mei ka iara! Lord na diꞌatagnahi ka ghotilo! Ghotilo ke kuru fapulodi kherami teke hata teke mei ghotilo are.”

Fapea Kronikols 28:13

Fati mae igre ne cheke eghu, “Ghotilo thosei hata mei naikno tuare agne! Te eghuna tahati nabada te papara ka tathagna Lord. Ba, ghotilo magnahaghei te edi kmana glepo te diꞌa mala biꞌo salaꞌui tahati papara na sia? Tahati gne nabadahi te papara na, eghuteuna Lord thono diꞌatagna fara ka tahati naiknoda Israel!”

Fapea Kronikols 28:15

Eghuteuna fati mae biꞌo igre ne hata ne mei pohe teke hata mae soldia igre ne tufa ka ihei naikno gna Juda te soesole. Eghuteuna mare tufa pohe nei sadol eghu ka naiknore mala pipichi. Eghuteuna mare tufa gano nei waen eghu ka mare mala ghamu ka nabrou. Eghuteuna ihei te fnera na, mare nhaꞌa meresin ka nafneragna na. Iheire te theome nheta te mala nonolo ka nabrou na, mare fagnokrodi ka dongki. Aonu mare kafe hatadi neke figri ka nodi kantri na ka namono Jeriko ka namono aheva te au kmana gaju te ure sisi mala ghamu te kiloi det. Eghuteuna goro mae biꞌo di Israel re neke figri Samaria.