Fapea Kronikols 27:2 - Buka Blahi Ka Cheke Holo

² King Jotam edi koba glepo te doglo ka tathagna Lord jateula teke edi kmagna ra neu, nu mana theome ruma ka nogna Sugablahi Lord mala gahu insens jateula kmagna neu. Nu naiknore jateula teke tifa ra neu ne edi neu ngala thua nafnata puhi te diꞌa re.

Fapea Kronikols 27:2 ပူးပေါင်းရင်းမြစ်များ

Mae Khuru 5:13

Eghuteuna naikno te theome fatutuanire ne mhaghu ne tirodi salo fodu baludi mare. Neubane eghu ngau, mare ne ghatho tahudi fara iheire te fatutuani ni mae Jisas.

Nodi Khoje Hatimare Mae Jiu 119:120

Iara thono mhaghu nogu nigho fara ne ngegra thinigu na. Uve, kate ghathoni iara te fateni iagho naikno na, iara ne mhaghu nogu nigho fara.

Fapea Kronikols 26:4

King igne mana leghuni puhigna kmagna, eghume mana edi glepo te doglo ka tathagna Lord.

Fapea Kronikols 28:1

Ehas neke varadaki finogha gna neke king nga. Eghuteuna mana neke king Jerusalem nabotho namno finogha. Nu mana neke theome leghuni puhigna kuꞌegna King Devet tifa ia. Ehas neke edi fabrahu glepo te theome doglo ka tathagna Lord.

Eksodas 32:7

Lord ne cheke eghu ka Moses, “Iagho faghosei sukha, naugna gognarona, nou naikno iagho teke atha teke jifla iagho Ijep ra, la diꞌa fara.

Profet Isaia 1:4

Ghotilo nogu naikno iara igre thono diꞌa fara! Eghuteuna puhimi ghotilore jaola thono diꞌa fara. Ghotilo naikno mala tapla jafra fabrahu ka nakhibo kolho. Eghuteuna ghotilo la tei kokonihi Lord. Uve, ghotilo tiromini nodi God maedi Israel te thono blahi fara igne la figri tagrunihi mana.