Fapea Kronikols 27:1 - Buka Blahi Ka Cheke Holo

¹ Jotam neke varadaki glima finoghagna neu neke king, eghuteuna mana neke king Jerusalem nabotho namno finogha. Idogna mana na Jerusa thugna gaꞌase Sadok.

Fapea Kronikols 27:1 ပူးပေါင်းရင်းမြစ်များ

Ululahu Kronikols 3:12

eghuteuna mae Asaraea na thugna mae Amasaea, eghuteuna mae Jotam na thugna mae Asaraea, eghuteuna mae Ahas na thugna mae Jotam,

Matiu 1:9

mae Usia na neke kmagna mae Jotam; mae Jotam na neke kmagna mae Ehas; mae Ehas na neke kmagna mae Hesekaea;

Profet Maeka 1:1

Igne nogna cheke Lord neke mei ka profet Maeka maegna ka namono Moreset. Lord ne falalase nogna cheke re ka mifi kate King Jotam, nei ka narane King Ehas, nei ka narane King Hesekaea, mae igre neke kafe king Juda. Mifi igre cheke eidi naikno gna namono Samaria, nodi namono biꞌo naiknodi Israel, nei naikno gna namono Jerusalem, nodi namono biꞌo naiknodi Juda.

Profet Hosia 1:1

God ne cheke lao cheke igne ka mae Hosia, thugna mae Beri ka finogha te king mae Iusaea, nei mae Jotam, nei mae Ahas, nei mae Hesekaea ka kantri Juda. Ka finogha igre mae Jeroboam thugna mae Jehoas ne jaola ne king Israel.

Profet Isaia 1:1

Cheke igre, Lord neke cheke mei ka Profet Isaia, thugna mae Emos, mala cheke mana ranghidi naiknodi Jerusalem ghe Juda. Profet neke chekedi cheke igre ka naranegna King Iusaea, King Jotam, King Ehas nei King Hesekaea. Mae igre neke king ka kantri Juda.

Fapea Kronikols 27:8

Mana neke varadaki glima finoghagna neke king nga, eghuteuna mana neke king Jerusalem nabotho namno finogha.

Fapea Kronikols 26:21

King Iusaea au khabru leprosi igne ka thinigna na ne ghilei lehe. Mana theome nabagna te tei ka nogna Sugablahi Lord na. Eghuteuna mana ne au sopa thegna ka kaisei suga, eghuteuna mana vahini mae thugna na, mae Jotam mala reireghini nogna suga king, nei batuni gavman gna Juda.

Fapea Kronikols 26:23

Kate lehe Iusaea igne mare theome snakreni te giugiluni mana ka bekudi hatimare mae king, aonu mare ne giugiluni mana rhegna bekudi mae king ka namono biꞌo na, naugna khabru leprosi igne neke au ka mana. Eghuteuna thugna mana Jotam teke tughuni mana na.